Vazhdo përpara për të hyrë në rezultatet e sugjeruara
    Kjo përmbajtje nuk është e disponueshme në gjuhën që ke zgjedhur, ndaj e kemi bërë të disponueshme në gjuhën më të ngjashme që disponojmë për momentin.

    Përgjigjet e pyetjeve të udhëtarëve rreth COVID-19

    Mëso se si po të mbështesim me alternativa fleksibël udhëtimi, ambiente më të pastra për qëndrime dhe më shumë.
    Nga Airbnb, më 10 mar 2020
    Lexim 7-minutësh
    Përditësuar më 25 qer 2021

    E dimë që ka ende shumë pasiguri rreth COVID-19 dhe nëse kjo do të ndikojë ose jo në planet e pushimeve të tua, me rikthimin e udhëtimeve në muajt e ardhshëm. Për t'u ardhur në ndihmë udhëtarëve, po gjurmojmë pyetjet e tua dhe po u përgjigjemi disave prej tyre këtu. Do të vazhdojmë ta përditësojmë këtë faqe në përputhje me zhvillimin e situatës dhe shtimin e përgjigjeve të disponueshme.

    Më duhet ta anuloj udhëtimin tim. Çfarë mundësish kam?
    Rregulloret e anulimit vendosen nga pritësit dhe mund të ndryshojnë. Detajet rreth rregullores së anulimit të çdo vendqëndrimi mund t'i gjesh në faqen kryesore të çdo listimi ose në seksionin Udhëtime të faqes së internetit ose të aplikacionit të Airbnb për rezervimet e tua ekzistuese.

    Vizitorët që kanë prenotuar një rezervim të ri pas datës 14 mars 2020 nuk do të rimbursohen sipas Rregullores së rrethanave lehtësuese nëse anulojnë për shkak të COVID-19, përveç rasteve kur janë të sëmurë me COVID-19. Mëso më shumë rreth Rregullores së rrethanave lehtësuese.

      Dua të prenotoj një udhëtim, por nuk e di se si do të vazhdojë të zhvillohet situata me COVID-19 ose me kufizimet e udhëtimeve ndërkombëtare. Çfarë duhet të bëj?
      Kuptohet, mund të kesh pasiguri në lidhje me prenotimin e udhëtimeve të ardhshme. I këshillojmë të gjithë vizitorët të marrin në konsideratë me kujdes rregulloren e anulimit për çdo rezervim që bëjnë dhe të zgjedhin listime që ofrojnë fleksibilitet. Kemi shtuar një filtër që ta kesh më të lehtë të kërkosh ambiente me Rregullore fleksibël anulimi. Gjithashtu, kemi përgatitur këtë material burimor për t'i ndihmuar udhëtarët të mësojnë më shumë rreth alternativave të sigurimit në udhëtim të palëve të treta. Vizitorët që prenotojnë një rezervim të ri pas datës 14 mars 2020 nuk do të rimbursohen sipas Rregullores së rrethanave lehtësuese, nëse anulojnë për shkak të COVID-19, përveç rasteve kur janë të sëmurë me COVID-19.

      Si mund të gjej vendqëndrime me Rregullore anulimi fleksibël?
      Kemi shtuar një filtër kërkimi që ta kesh më të lehtë të gjesh ambiente me Rregullore fleksibël anulimi. Mëso më shumë rreth filtrit. Ki parasysh se rregulloret e anulimit vendosen nga pritësit dhe mund të ndryshojnë. Detajet për rregulloren e anulimit të çdo vendqëndrimi mund t'i gjesh në faqen kryesore të çdo listimi.

      Ku mund të gjej më shumë informacion në lidhje me kufizimet dhe këshillat zyrtare lokale për udhëtimet?
      Shumë komunitete kanë dhënë këshilla zyrtare lokale për udhëtimet ose kufizime të përkohshme për strehimin (duke përfshirë qiradhëniet afatshkurtra). Të rekomandojmë të kontrollosh kufizimet dhe këshillat zyrtare lokale për udhëtimet për të zbuluar nëse qëndrimi yt mund të ndikohet.

      Nuk mund të marr një rimbursim bazuar në rregulloren e anulimit të pritësit. Pse?
      Airbnb është një komunitet vizitorësh dhe pritësish që mblidhen së bashku përmes platformës. Pritësit përcaktojnë se sa tarifojnë, rregullat specifike për hapësirën dhe rregulloren e tyre të anulimit. Detajet rreth rregullores së anulimit të çdo vendqëndrimi mund t'i gjesh në faqen kryesore të çdo listimi ose në seksionin Udhëtime të faqes së internetit ose të aplikacionit të Airbnb për rezervimet e tua ekzistuese. Në shumë raste, pritësit mbështeten në fitimet e Airbnb për të arritur në fundin e muajit, gjë që e vështirëson për ta bërjen e përjashtimeve nga rregulloret e tyre.

      Një pritës sapo më anuloi prenotimin. Çfarë ndodh tani?
      Ne e dimë se anulimet mund të jenë shqetësuese, edhe kur ato ndodhin për një arsye të kuptueshme. Ki parasysh se shumë pritës që anulojnë një rezervim mund të ndikohen nga COVID-19 ose po veprojnë në një mënyrë të tillë për të mbrojtur mirëqenien e të gjithë komunitetit tonë.

      Nëse pritësi e anulon, mund të kesh të drejtë për rimbursim të plotë. Kontrollo seksionin Udhëtime të faqes së internetit ose të aplikacionit të Airbnb për detaje rreth rimbursimit tënd.

      Nëse të duhet ende të udhëtosh, shpresojmë që të zgjedhësh të prenotosh sërish me Airbnb.

      Cilat protokolle për shëndetin, sigurinë dhe pastrimin janë vendosur për vizitorët dhe pritësit gjatë një qëndrimi?
      Siguria e komunitetit tonë është një nga përparësitë kryesore, ndaj kemi krijuar një sërë praktikash të detyrueshme sigurie për COVID-19, si për pritësit ashtu edhe për vizitorët që përdorin listimet e Airbnb, duke u bazuar në udhëzimet e ekspertëve, si Organizata Botërore e Shëndetësisë dhe Qendra Amerikane për Kontrollin dhe Parandalimin e Sëmundjeve. Pritësit nga e gjithë bota po angazhohen me procedurat tona të përditësuara të sigurisë dhe të pastrimit për COVID-19 për të të garantuar qetësi mendore. Zbulo më shumë këtu.

      Kohët e fundit, po i largohemi kërkesave në të gjithë botën për mbajtjen e maskave dhe distancimit social. Në vend të kësaj, kemi filluar t'u kërkojmë pritësve dhe vizitorëve të ndjekin ligjet dhe udhëzimet lokale, pasi në Airbnb ka listime nga e gjithë bota dhe komunitete të ndryshme janë na faza të ndryshme në përpjekjet e tyre për të kontrolluar COVID-19. Rekomandojmë të lexosh udhëzimet e përgjithshme të shëndetit dhe të sigurisë për mbrojtjen nga COVID-19, të vazhdosh të monitorosh kufizimet dhe këshillat zyrtare të udhëtimit dhe të ndjekësh të gjitha udhëzimet kombëtare dhe lokale gjatë udhëtimit.

      Dua të prenotoj një përvojë me pjesëmarrje fizike në Airbnb. Çfarë duhet të di?
      Kemi rihapur përvojat me pjesëmarrje fizike në vende ku është e lejueshme ta bësh këtë dhe kemi prezantuar udhëzime për shëndetin dhe sigurinë që u kërkojnë pritësve dhe vizitorëve të mbajnë mbulesë mbrojtëse për fytyrën dhe të praktikojnë distancimin social kur kërkohet nga ligjet ose udhëzimet lokale. Me ndryshimin e kufizimeve qeveritare, mund të na duhet t'i ndërpresim përvojat në një zonë pasi ajo të jetë rihapur, por do të të njoftojmë nëse kjo ndodh. Në rast se ke prenotuar një përvojë me pjesëmarrje fizike në një vend ku këto aktivitete janë ndërprerë përkohësisht, do të marrësh një kupon prej 25 dollarësh për të marrë pjesë në një përvojë në të ardhmen. Gjej detaje rreth rihapjes

      Nëse preferon të bësh një përvojë me pjesëmarrje fizike vetëm me grupin tënd, konsidero të bësh një prenotim privat. Nëse përvojat me pjesëmarrje fizike nuk janë rihapur ende në komunitetin tënd, zbulo përvojat online. Pavarësisht nëse dëshiron të mësosh një aftësi të re, të lidhesh me miqtë gjatë një aktiviteti argëtues ose të provosh një stërvitje për ndërtimin e ekipit me kolegët e tu, tani mund ta bësh këtë nga siguria e shtëpisë sate. Nga mësimi i sekreteve të magjisë apo gatimi me një familje marokene, te meditimi me një murg budist, tashmë ka shumë përvoja online për të eksploruar.

      A duhet t'i ndjekin vizitorët praktikat e sigurisë për COVID-19 të Airbnb?
      Ndërsa pandemia vazhdon, është e rëndësishme që të gjithë të bëjmë pjesën tonë për të ndihmuar në frenimin e përhapjes së COVID-19. Duke pasur parasysh këtë, kemi krijuar praktika të detyrueshme sigurie që të gjithë pjesëtarët e komunitetit të Airbnb duhet t'i ndjekin, duke u bazuar në udhëzimet e ekspertëve të shëndetësisë, si Qendra Amerikane për Kontrollin dhe Parandalimin e Sëmundjeve. Si pjesë e praktikave të sigurisë, si vizitorët ashtu edhe pritësit duhet të bien dakord, kur kërkohet nga ligjet ose udhëzimet lokale, të mbajnë maskë ose mbulesë fytyre kur bashkëveprojnë personalisht dhe të praktikojnë distancimin social.

      Kam prenotuar një vendqëndrim në Airbnb për një event që është anuluar. A mund ta anuloj rezervimin?
      Ne e dimë se shumë nga udhëtarët tanë prenotojnë vendqëndrime në Airbnb për evente. Nëse një event që po planifikoje të merrje pjesë është anuluar dhe rezervimi yt nuk mbulohet nga Rregullorja e rrethanave lehtësuese, të lutemi të kontrollosh Rregulloren e anulimit të rezervimit tënd. Gjithashtu, mos ngurro të kontaktosh drejtpërdrejt me pritësin.

      Çfarë është Rregullorja e rrethanave lehtësuese?
      Rregullorja e rrethanave lehtësuese të Airbnb u jep mundësinë vizitorëve dhe pritësve të anulojnë pa tarifa nëse ndikohen nga gjëra të tilla si lëndime serioze ose sëmundje, fatkeqësi natyrore, kufizime udhëtimi dhe ngjarje të tjera të paparashikuara. Vizitorët që prenotojnë një rezervim të ri pas datës 14 mars 2020 nuk do të rimbursohen sipas Rregullores së rrethanave lehtësuese, nëse anulojnë për shkak të COVID-19, përveç rasteve kur janë të sëmurë me COVID-19. Kontrollo seksionin Udhëtime të faqes së internetit ose të aplikacionit të Airbnb për të zbuluar alternativat e disponueshme të anulimit për rezervimin tënd.

      Prenotova një pronë në Airbnb Luxe. A mbulohem nga Rregullorja e rrethanave lehtësuese?
      Rregullorja e rrethanave lehtësuese nuk zbatohet për rezervimet e Airbnb Luxe, të cilat i nënshtrohen Rregullores së rimbursimit të vizitorit të Luxe.

      A ka burime të tjera për të më mbajtur të informuar kur udhëtoj?
      Për informacion të përditësuar rreth kufizimeve dhe udhëzimeve të udhëtimit, lexo këtë material burimor.

      Për të ndihmuar në ngadalësimin e përhapjes së COVID-19, mund të shkarkosh në telefon aplikacionet për njoftimet e ekspozimit. Këto aplikacione të palëve të treta, të zhvilluara nga autoritetet e shëndetit publik anembanë botës bazuar në teknologjitë e Google dhe Apple, të njoftojnë nëse ke rënë në kontakt të ngushtë me dikë që ka rezultuar pozitiv në testin për COVID-19. Mëso më shumë rreth njoftimeve të ekspozimit, praktikave të tyre të privatësisë dhe si të marrësh lajmërime.

      Kam ende pyetje. Kë duhet të kontaktoj?
      Për shkak të ndikimit të gjerë që ka pasur COVID-19 në udhëtimet globale, ekipi ynë i asistencës së komunitetit po merr ende një numër jashtëzakonisht të lartë telefonatash dhe mesazhesh. Nëse situata jote kërkon ndihmë të menjëhershme nga një anëtar i ekipit të asistencës së komunitetit, mund të na kontaktosh gjithmonë drejtpërdrejt nga aplikacioni.

      Shumë prej pyetjeve të tua mund të gjejnë përgjigje në mjetet me vetëpërdorim që kemi zhvilluar, që ta bëjnë më të lehtë zgjidhjen e problemeve në mënyrë të pavarur. Vizito këtë material burimor për t'u njohur me kufizimet e përditësuara të udhëtimit ose Qendrën e ndihmës për më shumë materiale burimore dhe informacione.

      E dimë se sa i dëmshëm ka qenë COVID-19 për udhëtarët dhe jemi këtu për të të ndihmuar. Faleminderit që punon së bashku me ne për të ndihmuar në mbrojtjen e sigurisë dhe mirëqenies së komunitetit tonë.

      Informacioni në këtë artikull mund të ketë ndryshuar që nga publikimi.

      Airbnb
      10 mar 2020
      A ishte e dobishme kjo?