Një proces çregjistrimi i qartë dhe i thjeshtë

Çregjistrimi duhet të kërkojë shumë pak mund nga vizitorët dhe pritësit. Deri tani, pritësit duhej t'ua kujtonin vizitorëve orarin e çregjistrimit dhe të komunikonin për detyrat bazë të çregjistrimit, si fikja e dritave ose fikja e ngrohësit.

Dëgjuam se doje një mënyrë më të lehtë për të ndarë detajet e çregjistrimit të vizitorëve. Bazuar në përshtypjet e tua dhe të pritësve si ti, kemi hartuar përditësime për ta bërë çregjistrimin më të lehtë për ty dhe vizitorët e tu.

Tani mund të shtosh udhëzime për çregjistrimin direkt në Airbnb, në mënyrë të ngjashme me atë se si shton rregullat standarde të shtëpisë.

Krijo shpejt një listë detyrash për çregjistrimin duke zgjedhur nga këto detyra të zakonshme:

• Mblidh peshqirët e përdorur
• Hidh plehrat
• Fik pajisjet
• Kyç dyert
• Kthe çelësat

Mund të shtosh detaje për secilën detyrë. Për shembull, mund të specifikosh që vizitorët t'i hedhin plehrat në një kosh dhe t'i riciklojnë në një tjetër. Gjithashtu, mund të shkruash kërkesa që janë specifike për banesën tënde, të tilla si "të mbulohet skara pas përdorimit".

Vizitorët mund të hyjnë në udhëzimet e çregjistrimit direkt nga skeda "Udhëtimet" në Airbnb. Ata do t'i gjejnë ato së bashku me orientimet për në ambientin tënd, rregullat e shtëpisë, informacionin e wifi dhe detaje të tjera të rëndësishme. Ashtu sikurse rregullat e shtëpisë, vizitorët mund të lexojnë udhëzimet e çregjistrimit para se të prenotojnë ambientin tënd.

Mos harro se vizitorët presin një çregjistrim të lehtë pa asnjë detyrë pastrimi. Por ata nuk duhet ta lënë ambientin në një gjendje që kërkon pastrim të tepruar ose të thellë, sipas rregullave bazë për vizitorët.

"Duam ta mbajmë procesin e çregjistrimit sa më të thjeshtë", thotë Keshav, një anëtar i Bordit këshillimor të pritësve në Nju Delhi. "Personi që kujdeset për pastrimin vjen dhe bën gjithçka që duhet të bëhet".

Do t'u dërgojmë vizitorëve një rikujtesë automatike me orarin dhe udhëzimet e çregjistrimit. Kjo dërgohet si njoftim "push" në pajisjen celulare të vizitorit tënd një ditë para çregjistrimit në orën 17:00 në zonën kohore të vendit ku do të qëndrojë.

Vizitorët duhet të kenë shkarkuar aplikacionin e Airbnb dhe të kenë aktivizuar njoftimet "push" për ta marrë këtë rikujtesë. Pasi të kenë bërë çregjistrimin, vizitorët mund të të njoftojnë se janë larguar me vetëm një klikim.

Mund të duash të theksosh pse është e nevojshme që regjistrimi të bëhet në afatin e caktuar. "U them vizitorëve se personi që kujdeset për pastrimin do të mbërrijë në orën 11:00 për të përgatitur apartamentin për vizitorët e tjerë, kështu që ata e kuptojnë pse është e rëndësishme të largohen në afatin e caktuar", thotë Joh, një superpritës në San Francisko.

Kartat e reja të çregjistrimit të mundësojnë që t'ua dërgosh me lehtësi informacionin e çregjistrimit vizitorëve. Pasi të vendosësh udhëzimet e çregjistrimit, mund të shtosh një kartë çregjistrimi në një përgjigje të shpejtë ose mesazh të programuar. Karta do të lidhet me udhëzimet e tua.

Megjithëse Airbnb do t'u dërgojë automatikisht një rikujtesë vizitorëve një natë para çregjistrimit, ti do të kesh kontroll të plotë mbi përvojën me vizitorët e tu. Mund të konfigurosh një mesazh të programuar për të dërguar një rikujtesë çregjistrimi direkt në kutinë e mesazheve të vizitorëve të Airbnb, në rast se nuk e kanë shkarkuar aplikacionin ose nuk kanë aktivizuar njoftimet "push".

Pasi të largohen vizitorët, ata mund t'i japin komunikimit të pritësit të tyre një vlerësim me yje dhe të specifikojnë se çfarë shkoi mirë ose çfarë mund të kishte shkuar më mirë. Për shembull, ata mund të raportojnë "detyra të tepërta çregjistrimi" ndërsa shqyrtojnë udhëtimin e tyre. Listimet me vlerësime të ulëta të përsëritura për shkak të detyrave të paarsyeshme mund të hiqen nga Airbnb.

Vizitorët ende zgjedhin nga një deri në pesë yje për të vlerësuar qëndrimin e tyre në tërësi. Përshtypjet dhe vlerësimet me yje për kategori të veçanta, si komunikimi, nuk do të ndikojnë në statusin e superpritësit.

Këto veçori të çregjistrimit janë pjesë e Versionit të verës 2023 të Airbnb, i cili përmban 25 përmirësime për pritësit. Hyr në programin "Qasje e hershme" dhe përdor këto mjete të reja sot.

Informacioni në këtë artikull mund të ketë ndryshuar që nga publikimi.