Leje të reja për bashkëpritësit dhe shlyerje të thjeshta pagesash

Shënim i redaktorit: Ky artikull u publikua si pjesë e Versionit të verës 2023 të Airbnb. Informacioni mund të ketë ndryshuar që nga publikimi i tij. Mëso më shumë për versionin më të fundit të produktit.

Bashkëpunimi me një bashkëpritës mund ta bëjë pritjen e vizitorëve një aktivitet më pak angazhues dhe më shpërblyes. Bashkëpritësi mund të jetë një fqinj, anëtar i familjes, mik ose dikush që ti punëson. Bashkëpritësit mund të të ndihmojnë të menaxhosh kalendarin tënd, të përditësosh listimin dhe t'u përgjigjesh vizitorëve.

Na the se doje të kishe mundësinë të përcaktoje se në çfarë mund të kenë qasje bashkëpritësit në listimin tënd dhe të ndash shlyerjet e pagesave në prenotimet e tua, direkt në Airbnb. Po përditësojmë mjetet e bashkëpritjes së vizitorëve për ta bërë më të lehtë pritjen e vizitorëve.

Skeda e re e bashkëpritësve ndodhet në të djathtë të skedave të cilësimeve të listimit dhe prenotimit në celular. Vendndodhja e saj në desktop nuk ka ndryshuar.

Në këtë skedë, hyr në informacionin rreth bashkëpritësve të tu, cakto lejet e tyre dhe konfiguro shlyerjet e pagesave. Gjithashtu, mund të ftosh bashkëpritës. Për të pranuar ftesën tënde, duhet të kenë një llogari në Airbnb.

Kur të ftosh një bashkëpritës, do të kërkohet të zgjedhësh se në çfarë mund të ketë qasje për të të ndihmuar me menaxhimin e listimit tënd. Mundësitë përfshijnë:

• Qasje të plotë, për të menaxhuar kalendarin dhe listimin, për të hequr dhe vendosur lejet e bashkëpritësve të tjerë, për t'u dërguar mesazhe vizitorëve dhe për të shfaqur shlyerjet e pagesave dhe historikun e transaksioneve
• Qasje në kalendar dhe në kutinë e mesazheve, për të menaxhuar kalendarin dhe për t'u dërguar mesazhe vizitorëve
• Qasje në kalendar, për të kontrolluar kalendarin dhe për të marrë informacionet rreth regjistrimit dhe çregjistrimit

Të gjithë bashkëpritësit do të shfaqen si bashkëpritës në listimin tënd, me përjashtim të atyre që kanë vetëm qasje në kalendar. Bashkëpritësit me qasje të plotë mund ta vendosin veten si pritësi kryesor në listim, ose mund të zgjedhësh ti ta bësh këtë gjë.

Çdo bashkëpritës ekzistues do të ketë qasje të plotë në listimin tënd. Lejet e bashkëpritësve mund t'i ndryshosh në çdo kohë.

Mund të zgjedhësh të ndash një përqindje të fitimeve ose një shumë fikse për prenotim. Pasi të konfigurosh ndarjen e shlyerjeve të pagesave dhe bashkëpritësi yt të konfirmojë, ai do të marrë shlyerjet e pagesave për prenotimet pas regjistrimit të vizitorëve. Në disa vende zbatohen kufizime për ndarjen e shlyerjeve të pagesave. Merr më shumë informacion

Këto mjete për pritjen e vizitorëve janë pjesë e Versionit të verës 2023 të Airbnb, me 25 përmirësime për pritësit. Hyr në programin "Qasje e hershme" dhe përdori këto mjete të reja sot.