Merr informacione të vlefshme në panelin e fitimeve

Duke i kuptuar fitimet e tua, mund të drejtosh një biznes më të suksesshëm të pritjes së klientëve. Ja se si t'i përdorësh veçoritë në panelin e fitimeve.

Në grafikun e fitimeve në krye të panelit të veprimeve shfaqet:

• Sa ke fituar në secilin nga gjashtë muajt e mëparshëm
• Sa ke fituar deri më tani për këtë muaj
• Sa parashikohet të fitosh në secilin nga pesë muajt e ardhshëm në bazë të prenotimeve të ardhshme

Zgjero grafikun për të shfaqur fitimet e tua sipas muajve ose viteve dhe përdor filtrin për t'i shfaqur sipas listimeve.

Poshtë grafikut interaktiv të fitimeve, statistikat e performancës tregojnë totalin e netëve të prenotuara dhe kohëzgjatjen mesatare të qëndrimit.

Përmbledhja e fitimeve nxjerr në pah fitimet bruto, zbritjet dhe pagesën totale neto që nga data 1 janar e këtij viti.

Kur një pagesë është dërguar, në panelin e fitimeve do të shfaqet një skedë fitimi. Aty shfaqet:

• Mënyra e shlyerjes së pagesës
• Shuma e transaksionit
• Koha e vlerësuar e përpunimit

Hap transaksionin për të parë më shumë detaje.

Filtro fitimet e tua sipas llojit kur kontrollon transaksione të ardhshme ose të paguara. Llojet përfshijnë:

• Banesat
• Përvojat
• Shërbimet
• Kreditet
• Zhdëmtimet

Transaksionet mund t'i filtrosh gjithashtu sipas datës, listimit dhe mënyrës së shlyerjes së pagesës.

Airbnb ende gjeneron pasqyra mujore dhe vjetore për ty që nga muaji kur ke filluar të presësh klientë. Mund të shkarkosh çdo raport ose të dërgosh me email një kopje në format PDF të regjistrimeve të tua.

Mund të krijosh gjithashtu raporte të personalizuara për çdo listim dhe interval datash që zgjedh. Çdo raport ofron një zbërthim të fitimeve bruto, zbritjeve dhe pagesës totale neto.

Ke gjithashtu mundësi të përfshish:

• Mënyrat e shlyerjes së pagesës që tregojnë totalin e fitimeve për çdo llogari të shlyerjes së pagesës
• Statistikat e performancës që tregojnë netët e prenotuara dhe kohëzgjatjen mesatare të qëndrimit

Pasi të kesh zgjedhur se çfarë të përfshish, mund të shkarkosh ose të dërgosh me email një PDF të raportit për të dhënat e tua.

Ikona e ingranazhit në pjesën e sipërme djathtas panelit të fitimeve të jep qasje te:

• Mënyrat e shlyerjes së pagesës dhe rregullat e kanalizimit të pagesave
• Detajet e tatimpaguesit dhe dokumentet tatimore
• Raportet e fitimeve për çdo listim dhe interval datash
• Donacionet e përsëritura të Airbnb.org si përqindje e çdo shlyerjeje pagese për të mbështetur njerëzit në kohë krizash

User experience may vary by location.

Information contained in this article may have changed since publication.