Si ta kuptosh cilësimin "Zgjedhjet e klientëve"
Airbnb ka më shumë se 8 milionë banesa në të gjithë botën. Çdo banesë është unike dhe kjo veçori e dallon Airbnb nga të tjerët.
Një nga mënyrat më të mira për të gjetur një vendqëndrim të shkëlqyer është të dish se cilat banesa u pëlqejnë më shumë klientëve. Kjo është arsyeja pse krijuam cilësimin "Zgjedhjet e klientëve".
Çfarë janë listimet e cilësuara si "Zgjedhja e klientëve"?
Zgjedhjet e klientëve janë një koleksion i banesave më të dashura në Airbnb, sipas klientëve. Bazohen te vlerësimet, recensionet dhe të dhënat e besueshmërisë nga mbi gjysmë miliardë udhëtime. Zgjedhjet e klientëve përditësohen çdo ditë, kështu që nëse listimi yt nuk është përfshirë tani, mund të ndodhë së shpejti.
Një sërë faktorësh ndihmojnë në identifikimin e zgjedhjeve të klientëve, duke përfshirë:
- Të paktën 5 recensione nga klientët në 4 vitet e fundit, duke përfshirë të paktën 1 recension në 2 vitet e fundit
- Recensione dhe vlerësime të shkëlqyera mesatarisht mbi 4,9 yje
- Vlerësimet e larta për regjistrimin, pastërtinë, saktësinë, komunikimin me pritësin, vendndodhjen dhe raportin çmim/cilësi
- Historik i shkëlqyer i besueshmërisë, me një mesatare nën 1% të anulimeve të pritësve dhe të problemeve të asistencës së klientëve në lidhje me cilësinë
Si të gjesh listimet e cilësuara si "Zgjedhja e klientëve"
Zgjedhjet e klientëve janë të disponueshme në të gjithë botën dhe janë të lehta për t'u gjetur në Airbnb.
Listimet që janë "Zgjedhjet e klientëve" shfaqin një distinktiv në rezultatet e kërkimit dhe në faqen e listimit. Një filtër u mundëson udhëtarëve të kërkojnë për "Zgjedhjet e klientëve".
Zgjedhjet e klientëve dhe superpritësit
Superpritësit njihen për historikun e tyre të mikpritjes së jashtëzakonshme. Programi i superpritësve të Airbnb nuk ndryshon. Kriteret e superpritësve mbeten të njëjta dhe do të vazhdojmë të kontrollojmë performancën e superpritësve çdo tremujor.
Nëse je një superpritës që ka një listim të përfshirë në "Zgjedhjet e klientëve", të dyja do të theksohen në faqen e listimit tënd dhe listimi yt do të ketë një distinktiv "Zgjedhja e klientëve" në rezultatet e kërkimit. Nëse je një superpritës me një listim që nuk kualifikohesh ende për t'u cilësuar si "Zgjedhjet e klientëve", do të të dallojnë me anë të distinktivit si superpritës, që do të shfaqet si në faqen e listimit, ashtu edhe në rezultatet e kërkimit.
Secili nga listimet e tua do të trajtohet individualisht për të përcaktuar nëse kualifikohet për distinktivin "Zgjedhja e klientëve".
Informacioni në këtë artikull mund të ketë ndryshuar që nga publikimi.