Përditëso listimin

Pritja e vizitorëve me pesë yje fillon me përcaktimin e pritshmërive të qarta në faqen tënde të listimit. Vizitorët duan që ambienti yt të jetë në gjendje të shkëlqyer dhe të duket tamam si fotografitë e tua. Ata gjithashtu duan që të gjitha shërbimet që ke listuar të jenë të lehta për t'u gjetur dhe për t'u përdorur.

Vizitorët do të kenë më pak gjasa të pyesin ose të gjykojnë keq ambientin tënd kur të japësh më shumë detaje. Mjetet e duhura për të rifreskuar detajet e listimit do t'i gjesh në skedën "Listimet".

Ndihmoji vizitorët të kuptojnë planimetrinë e banesës sate duke përdorur prezantimin fotografik për të renditur automatikisht fotografitë e listimit tënd sipas dhomës.

Fillo duke përfshirë imazhet aktuale të çdo dhome dhe ambienti të përbashkët.

• Përdor fotografi me cilësi të lartë. Fotografo në modalitetin peizazh me ndriçim të bollshëm. Ngarko skedarin me përmasat më të mëdha, të paktën 1024 me 683 pikselë. Konsidero të punësosh një fotograf profesional.
• Ngarko disa fotografi për dhomë. Ofro një miks fotografish me kënd të gjerë, në largësi mesatare dhe nga afër. Zmadho detajet e dobishme, si karikuesi universal i telefonit në komodinë ose konfigurimi i kafesë dhe çajit në kuzhinë.
• Nxirr në pah veçoritë dhe shërbimet. Shto fotografi të ambienteve të fjetjes, ambienteve të jashtme dhe çdo veçori të veçantë për kafshët shtëpiake, familjet me fëmijë ose punonjësit në distancë.
• Përfshi kushtet lehtësuese. Trego se si ambienti yt mund të akomodojë njerëz me lëvizshmëri të kufizuar. Sigurohu që të lexosh udhëzuesin e Airbnb për fotografimin e kushteve lehtësuese.

Më pas, ndiq këta hapa për të shtuar prezantimin tënd.

1. Zgjidh Krijo prezantimin tënd fotografik. Motori i personalizuar i Airbnb i mundësuar nga AI i rendit në çast fotografitë e listimit tënd në 19 lloje dhomash dhe ambientesh. Fotografitë që nuk i njeh kalojnë nën Fotografitë shtesë.

2. Kontrollo prezantimin tënd fotografik. Sigurohu që të kesh përfshirë të paktën një fotografi të çdo dhome në banesën tënde. Mund të lëvizësh, të shtosh ose të fshish fotografi.

3. Shto përshkrime të qarta të çdo fotografie që shpjegojnë se çfarë ofron çdo dhomë ose ambient. 

4. Për të parë paraprakisht se si shfaqen fotografitë në listimin tënd, shko te Ambienti yt dhe shtyp butonin Shfaq.

"Shumë njerëz janë vizualë dhe mund të kalojnë më shumë kohë në fotografitë e tua sesa në përshkrimin e listimit tënd", thotë Sadie, një superpritëse në Santa Fe, Nju Meksiko.

Vizitorët duan që banesat në Airbnb të përputhen me përshkrimet e listimit. Faqet e listimit me cilësi të lartë përshkruajnë me saktësi se çfarë mund të presin vizitorët të gjejnë, të dëgjojnë dhe të përjetojnë në ambientin tënd gjatë qëndrimit të tyre.

1. Kontrollo që titulli i listimit të shtojë detaje unike rreth banesës sate dhe asaj që ka përreth. Për shembull, "Studio e qetë pranë Uffizi" tregon me pak fjalë se ambienti është një apartament me vendndodhje në qendër të Firencës, Itali.

2. Te Përshkrimi i listimit, tregoju vizitorëve se si është të qëndrosh në ambientin tënd. Jep informacion të dobishëm rreth vendndodhjes, dekorit ose mikpritjes tënde. Për shembull, mund të shpjegosh se veranda ka pamje nga kanioni në perëndim të diellit ose se banesa jote ndodhet mbi një kafene që është e zënë nga ora 6:00 e mëngjesit deri në orën 22:00 të mbrëmjes.

3. Te Prona jote, ofro një përshkrim të përgjithshëm të dhomave dhe ambienteve të tua. Përdore këtë hapësirë për të theksuar detaje praktike që parashikojnë pyetjet e vizitorëve. Për shembull, mund të thuash se oborri i pasmë është i rrethuar me gardh, ku ka shumë hapësirë që fëmijët e kafshët shtëpiake të vrapojnë. 

4. Te Ndarja e vendndodhjes, mund të vendosësh gjithashtu një vendndodhje specifike për pronën tënde për t'i ndihmuar vizitorët ta kuptojnë zonën. Përndryshe, atyre do t'iu shfaqet vetëm një vendndodhje e përgjithshme derisa të prenotojnë.

Përshkrimet e qarta dhe të sinqerta kanë tendencë të funksionojnë më mirë. Ki parasysh se teprimet ose ekzagjerimet në ofertat e tua mund të çojnë në zhgënjim dhe recensione negative.

Modifikuesi i listimit e bën shtimin e shërbimeve më të lehtë se kurrë.

1. Te Shërbimet, shtyp shenjën plus (+). Mund të shfaqësh rreth 150 shërbime sipas kategorive ose në mënyrë alfabetike, ose të kërkosh për një të tillë sipas emrit.

2. Zgjidh shenjën plus pranë çdo veçorie që ka banesa jote.

3. Shtyp butonin Shfaq për të parë saktësisht se si do t'u duken vizitorëve modifikimet në faqen e listimit.

Është e rëndësishme t'i shtosh të gjitha shërbimet dhe t'i mbash të gjitha në gjendje funksionale. Vizitorët mund të filtrojnë kërkimet e tyre për veçoritë dhe shërbimet më të kërkuara, si ajri i kondicionuar, parkimi falas dhe një lavatriçe ose tharëse rrobash.

Informacioni në këtë artikull mund të ketë ndryshuar që nga publikimi.