Si ta përmirësosh listimin tënd me kalimin e kohës

Pritësit e suksesshëm e dinë se puna me listimin e tyre nuk mbaron kurrë. Ata gjejnë gjithmonë mundësi për ta përmirësuar në çdo hap të këtij rrugëtimi. Mund ta përditësosh listimin për të nxjerrë në pah veçoritë më të kërkuara, për të pasqyruar çdo ndryshim që ke bërë në hapësirë ose për të qenë më konkurrues.

Nuk di nga t'ia fillosh? Ja disa ide:

Vizitorët nuk e lexojnë gjithmonë përshkrimin, por është pothuajse e sigurt që shfletojnë (dhe do të studiojnë mirë!) fotografitë. Ndaj, nëse kohët e fundit ke bërë ndryshime në hapësirën tënde, ke shtuar shërbime të reja ose thjesht ke pak më shumë kohë ose buxhet për shërbime fotografike, konsidero një përditësim të tyre.

• Jepi përparësi fotografisë së kopertinës. Fotografia e kopertinës është gjëja e parë që shfaqet në rezultatet e kërkimit, prandaj sigurohu që të tërheqë vëmendjen e udhëtarëve.
• Shto diçitura të shkurtra. Diçiturat ndihmojnë vizitorët të mësojnë detaje të rëndësishme për hapësirën tënde, si krevat të madh në suitën kryesore apo nëse ka një ekspres elegant në kuzhinë.
  
• Punëso një ekspert. Shërbimi fotografik profesional e paguan veten. Kontrollo nëse Airbnb ofron shërbim fotografik profesional në zonën tënde.
• Shkrep fotografi prej profesionisti. Ka shumë gjëra që mund të bësh për të përmirësuar fotografitë e listimit duke përdorur një telefon inteligjent. Shkrep fotografi më të mira me dorën tënde, duke ndjekur këto sugjerime fotografie.

Përpiqu t'i mbash detajet e listimit sa më të sakta dhe të përditësuara që të jetë e mundur. Për shembull, nëse nuk ke më qasje në pishinën e komunitetit, sigurohu që të heqësh çdo detaj që e përmend atë.

• Optimalizo përshkrimin. Shumica e vizitorëve nuk kanë kohë t'i lexojnë gjithë detajet, prandaj përqendrohu në gjërat që u interesojnë më shumë.
• Shpalose stilin tënd në pritjen e vizitorëve. Tani duhet të kesh krijuar një ide më të qartë se çfarë lloj pritësi je. Mos ki frikë ta shpalosësh personalitetin tënd në detajet e listimit.
• Fol me vizitorët që dëshiron të tërheqësh. Ndoshta ke pritur shumë familje apo udhëtarë biznesi. Është mirë që të gjesh komunikimin e duhur sipas llojit të vizitorëve dhe të theksosh veçoritë që do t'i tërhiqnin ata më shumë.

A kanë kërkuar vizitorët tharëse flokësh? A kanë përmendur që nuk ka ibrik në recensionet e tyre? Të gjitha këto përshtypje janë të vyera, ndaj përdori për të vendosur se çfarë të blesh për hapësirën tënde dhe sigurohu që të përditësosh listën e shërbimeve pasi t'i kesh shtuar ato. Ja disa nga shërbimet më të kërkuara:*

• Pishinë
• Wifi
• Kuzhinë
• Parkim falas
• Xhakuzi
• Lavatriçe ose tharëse rrobash
• Ajër të kondicionuar ose ngrohje
• Hyrje me vetëshërbim
• Hapësirë pune për laptop
• Lejohen kafshët shtëpiake

Nëse je i ri ne veprimtarinë e pritjes së vizitorëve në Airbnb, mund të konsiderosh të vendosësh një çmim për natë nën vlerën e tregut për ta bërë listimin më tërheqës. Pasi të kesh pritur vizitorë për ca kohë dhe të kesh marrë disa recensione pozitive për listimin tënd, konsidero të rivlerësosh çmimin për ta bërë atë më konkurrues.

Algoritmi i kërkimit në Airbnb merr parasysh më shumë se 100 sinjale për t'i përshtatur vizitorët me listimet që duan.

Shfrytëzo përshtypjet e vizitorëve, qofshin recensionet e shkëlqyera, apo ato më pak pozitive, për të përmirësuar listimin. A ishin entuziastë për oborrin e jashtëm?Provo që ta shfaqësh atë në fotografi. Nga ana tjetër, ndoshta vizitorët mbetën të habitur kur zbuluan se vendndodhja nuk ishte dhe aq praktike në raport me aeroportin. Informacionet e qarta të këtij të lloji në përshkrimin e listimit do t'i ndihmonin vizitorët të kishin pritshmëri më realiste.

Nëse këto mësime i vë në praktikë për përmirësimin e listimit, do të jesh në rrugën e duhur për të pasur më shumë prenotime, vizitorë më të kënaqur dhe vlerësime më të larta, si dhe do të jesh një hap më pranë statusit të superpritësit.