Shërbimet që duan vizitorët

Sipas një sondazhi të konsumatorëve të drejtuar nga Airbnb, shumica e udhëtarëve thonë se shërbimet kanë përparësi absolute për një udhëtim të shkëlqyer. Kjo është edhe më e rëndësishme tani, pasi vizitorët kërkojnë qëndrime më të gjata.

Për më tepër, vizitorët i filtrojnë shpesh rezultatet e kërkimit për të gjetur 10 shërbimet më të kërkuara. Për të spikatur në rezultatet e kërkimit, sigurohu që të shtosh ose të përditësosh shërbimet që ofron për t'i përfshirë ato në listimin tënd. Duke e pajisur me kujdes hapësirën tënde dhe duke shtuar shërbimet më të kërkuara në listim, ai do të spikatë nga të tjerët.

Kur kërkojnë listime, shumë vizitorë përdorin filtra për të shfaqur vetëm pronat që përfshijnë shërbimet ose veçoritë që duan, prandaj sigurohu që të përfshish sa më shumë të mundesh në listim. Vizitorët kërkojnë shpesh listime që ofrojnë:*

1. Pishinë
2. Wifi
3. Kuzhinë
4. Parkim falas
5. Xhakuzi
6. Lavatriçe ose tharëse rrobash
7. Ajër të kondicionuar ose ngrohje
8. Hyrje me vetëshërbim
9. Hapësirë pune për laptop
10. Lejohen kafshët shtëpiake

Vizitorët presin të gjejnë letër higjienike, sapun duarsh dhe trupi, peshqirë dhe çarçafë, prandaj sigurohu që hapësira jote t'i ofrojë të gjitha këto kushte minimale. Airbnb rekomandon të ofrosh një minimum prej:

• Një peshqir për vizitor
• Një jastëk për vizitor
• Shtroja krevati e peshqirë për çdo vizitor

Dimë gjithashtu se vizitorët duan të kenë mundësinë të pastrojnë gjatë qëndrimit të tyre. Krijo kushte të rehatshme dhe të sigurta për vizitorët duke siguruar produkte pastrimi që mund të përdorin, duke përfshirë:

• Peceta letre njëpërdorimëshe
• Doreza njëpërdorimëshe
• Pastrues për sipërfaqe të ndryshme
• Peceta ose spërkatës dezinfektues
• Solucion dezinfektues antibakterial për duar

Marrja e disa masave të sigurisë bazë, mund të të ndihmojë të mbrosh vizitorët dhe banesën. Konsidero të përfshish artikujt e mëposhtëm në hapësirën tënde:

• Alarm tymi
• Alarm monoksidi karboni
• Fikëse zjarri
• Kutia e ndihmës së shpejtë
• Plani i emergjencës dhe numrat lokalë

Planifiko paraprakisht me sugjerime nga organizatat globale të shëndetit dhe të sigurisë

Vizitorët që kanë nevoja për kushte lehtësuese kërkojnë shërbime shumë specifike. Hyrja pa shkallë, dyert dhe korridoret më të gjera (të paktën 80 cm) dhe krevate me lartësi të përshtatshme janë vetëm disa nga veçoritë që e bëjnë banesën tënde të përshtatshme për ta. Listimet me kushte lehtësuese kanë përparësi në kërkimet e Airbnb, ndaj është mirë t'i theksosh ato tek shërbimet dhe fotografitë.

Pavarësisht nëse zhvendosen përkohësisht për të qenë më pranë familjes apo për të shfrytëzuar mundësinë e zbulimit të një komunitet të ri, të dhënat e Airbnb tregojnë se tani vizitorët punojnë në distancë më shumë se kurrë.

Vizitorët po kërkojnë listime që mundësojnë punë në distancë dhe zhvendosje të përkohshme, prandaj është mirë të mendosh se çfarë mund t'u duhet për t'u ndier rehat, duke përfshirë:

• Wifi të shpejtë dhe të besueshëm
• Hapësira pune për laptop
• Ndriçim i mirë
• Kuzhina të kompletuara
• Artikuj zyre

Mëso se si ta përgatitësh hapësirën tënde për punonjësit në distancë

Gjithnjë e më shumë vizitorë po udhëtojnë me gjithë familjen. Akomodimi i fëmijëve dhe kafshëve shtëpiake mund ta bëjë më tërheqës listimin tënd.

Në mënyrë që prindërit dhe pronarët e kafshëve shtëpiake të mos jenë të detyruar të marrin me vete sende të mëdha në rrugë të gjata, mund të nxjerrësh në pah shërbimet, duke përfshirë:

• Krevat fëmijësh dhe karrige të lartë
• Vaskë
• Ajër të kondicionuar
• Lavatriçe dhe/ose tharëse rrobash
• Produkte rezervë për pastrimin
• Mbulesa për mobiliet
• Tasa për ushqimin dhe ujin e kafshëve shtëpiake
• Peshqirë për pastrimin e putrave tek dera

Një nga mënyrat më të mira për të rritur recensionet e tua është duke i kënaqur vizitorët me disa shërbime shtesë, si ushqimet për mëngjes ose një qoshe e këndshme kafeje. Nga pijet freskuese deri te lojërat e pishinës, ka mënyra pa fund për ta ngritur hapësirën në një nivel më lart.

Nuk di se çfarë do të vlerësonin vizitorët? Përjeto perspektivën e plotë të vizitorëve duke qëndruar në hapësirën tënde për një natë. Pa dyshim që do të identifikoje një apo dy artikuj që mund të shtohen, për t'u siguruar që vizitorët e tu të kenë një qëndrim të mrekullueshëm.

Kushtet minimale:

• Letër higjienike
• Sapun për duart dhe trupin
• Një peshqir për vizitor
• Shtroja për çdo krevat
• Një jastëk për vizitor
• Produkte pastrimi

Shërbimet më të mira që kërkojnë vizitorët:*

• Pishinë
• Wifi
• Kuzhinë
• Parkim falas
• Xhakuzi
• Lavatriçe ose tharëse rrobash
• Ajër i kondicionuar ose ngrohje
• Hyrje me vetëshërbim
• Hapësirë pune për laptop
• Lejohen kafshët shtëpiake

Shërbimet e sigurisë:

• Alarm monoksidi karboni
• Alarm tymi
• Fikës zjarri
• Kutia e ndihmës së shpejtë
• Plani i emergjencës dhe numrat lokalë

Kushte lehtësuese:

• Hyrje pa shkallë
• Hyrje të gjera (të paktën 80 cm)
• Korridore të gjera (të paktën 90 cm)
• Tualet me kushte lehtësuese

Artikujt që vlerësojnë vizitorët:

• Letra higjienike, çarçafë dhe peshqirë rezervë
• Artikujt bazë të tualetit si shampo dhe balsam
• Sapun enësh dhe produkte pastrimi
• Artikujt bazë të kuzhinës si aparat kafeje, enë gatimi, pjata dhe servise
• Gota vere
• Artikuj bazë për gatim si kripë, piper dhe vaj
• Kafe, çaj
• Mëngjes i lehtë ose ushqime të lehta
• Kremastarë
• Adaptorë dhe karikues

Shërbime për punën në distancë:

• Wifi i shpejtë dhe i besueshëm
• Hapësirë pune për laptop
• Ndriçim i mirë
• Kuzhina të kompletuara
• Artikuj zyre

Shërbime të përshtatshme për familjet dhe kafshët shtëpiake:

• Krevat fëmijësh dhe karrige të lartë
• Vaskë
• Ajër të kondicionuar
• Lavatriçe dhe/ose tharëse rrobash
• Produkte rezervë për pastrimin
• Mbulesa për mobiliet
• Tasa për ushqimin dhe ujin e kafshëve shtëpiake
• Peshqirë për pastrimin e putrave tek dera

Mëso se si të shtosh shërbime të reja