Si ta bësh ambientin tënd të rehatshëm për punonjësit në distancë

Ndërkohë që puna në distancë bëhet më e zakonshme në shumë vende, kemi vënë re ndryshime të mëdha në mënyrën se si dhe pse udhëtojnë njerëzit. Kjo mund të tërheqë më shumë vizitorë të interesuar në ambiente që i ndihmojnë ta bëjnë punën e tyre nga kudo.

Ja se si të ofrosh shërbimet e duhura, të krijosh një hapësirë pune të dedikuar dhe të promovosh hapësirën tënde.

Një lidhje interneti është një domosdoshmëri për punonjësit në distancë që kërkojnë wifi të shpejtë dhe të besueshëm për të mundësuar telefonata me video dhe detyra të tjera.

Mund të verifikosh shpejtësinë e wifi të listimit tënd pa dalë nga aplikacioni i Airbnb duke përdorur testin e shpejtësisë së wifi. Ky mjet të mundëson të testosh shpejtësinë e wifi të pronës dhe më pas ta shfaqësh atë direkt në faqen e listimit, duke të ndihmuar të tërheqësh më shumë vizitorë që kërkojnë një lidhje të shpejtë.

Nëse zona të caktuara në hapësirën tënde kanë sinjal të dobët, përforcuesit dhe ripetitorët e wifi mund ta përmirësojnë performancën e tyre. Mund të jetë gjithashtu e dobishme të mësosh se si ta komandosh ruterin nga distanca për të monitoruar wifi.

Bëj testin e shpejtësisë së wifi

Vizitorët po kërkojnë hapësira të dedikuara pune si shërbim kryesor dhe të krijosh një të tillë është më e thjeshtë nga sa mund të mendosh. Për ta shtuar këtë shërbim në listimin tënd, duhet të ofrosh një tavolinë të zakonshme ose tavolinë pune që përdoret vetëm për punë, një prizë të arritshme dhe një karrige të rehatshme.

Për shkak se çiftet që punojnë në distancë mund të kenë nevojë për hapësira të veçanta, konsidero të krijosh dy hapësira pune. Mund t'i njoftosh vizitorët për këto veçori duke zgjedhur Hapësirë pune e dedikuar në seksionin "Shërbimet" në listimin tënd dhe duke theksuar çdo hapësirë pune në përshkrimin, fotografitë dhe diçiturat e listimit.

Edhe pritësit që nuk kanë vend për një hapësirë pune të dedikuar, mund të akomodojnë punonjës në distancë. Kur një vizitori i duhet të punojë në distancë, "unë zëvendësoj një nga karriget e tavolinës së kuzhinës me një karrige zyre me jastëk dhe rrota," thotë Emilia, një superpritëse në Orono, Maine. “Mendoj se vetë karrigia bën një ndryshim të madh”.

Krahas një hapësire pune të dedikuar, vizitorët vlerësojnë edhe detaje të tjera që mund ta bëjnë punën në distancë më të këndshme dhe produktive.

Ja disa alternativa për t'u marrë në konsideratë për hapësirën tënde:

• Hapësira pune alternative. Dhoma e ndenjjes, dhoma e ngrënies ose oborri mund të ofrojnë një ndryshim ambienti përtëritës dhe t'u mundësojnë shumë njerëzve të punojnë njëkohësisht.
• Kushte ergonomike. Një mbajtëse laptopi, një karrige ergonomike zyre dhe një mbështetëse e rregullueshme për këmbët mund t'i bëjnë ditët e gjata të punës më të rehatshme.
• Ndriçim i mirë. Edhe pse dritaret ose dyert prej xhami që ofrojnë dritë natyrale do të ishin ideale, edhe një llambë tavoline mund të ndihmojë në ndriçimin e një hapësire pune.
• Aparat kafeje dhe ibrik çaji. Shumë vizitorë do ta vlerësonin mundësinë për t'i dhënë ditës gjallëri me pak kafeinë. Mund të ofrosh si çaj edhe kafe e madje për t'i dhënë një prekje më shumë, blogerja e stilit të jetesës Elsie, superpritëse në Nashville, Tennessee, sugjeron të ofrosh mundësi të ndryshme për përgatitjen e kafes, si kafetierë franceze dhe një aparat automatik kafeje.
• Pajime zyre. Artikujt e thjeshtë si stilolapsa të rinj dhe blloqe shënimesh janë shpesh praktike, ndërsa ofrimi i një printeri do ta bënte listimin të spikatë.
• Pajisje teknologjike. Një monitor kompjuteri, altoparlantë inteligjentë dhe karikuesa telefoni shtesë do të krijonin një hapësire pune të një niveli tjetër.
• Sfond për video-konferenca. Letra murale interesante, bimë ose objekte arti të vendosura në sfondin e një hapësire pune mund t'i tërheqin vizitorët që bëjnë shpesh telefonata me video.
• Reduktim i zhurmës. Tekstilet si perdet, qilimat, batanijet dhe jastëkët mund të ndihmojnë në zbutjen e shpërqendrimeve të zhurmshme.

Pasi ta kesh bërë hapësirën tënde të rehatshme për punonjësit në distancë, është e rëndësishme që të përditësosh përshkrimin e listimit, shërbimet dhe fotografitë për t'u treguar vizitorëve se ke një ambient të përshtatshëm për punë.

• Përfito nga filtrat e kërkimit. Kur shfletojnë listimet, shumë vizitorë përdorin filtra për të gjetur hapësira me shërbimet që ata duan, ndaj sigurohu që të kontrollosh hapësirën e dedikuar të punës dhe çdo gjë tjetër që ofron.
• Përditëso fotografitë dhe diçiturat. Duke qenë se vizitorët mund të kontrollojnë fotografitë e listimit para se të lexojnë përshkrimin, sigurohu që imazhet të përfshijnë çdo hapësirë pune që ofron. Mëso si të shkrepësh fotografi të shkëlqyera
• Lëri vizitorët ta imagjinojnë veten në hapësirën tënde. Sigurohu që përshkrimi i listimit të pasqyrojë se si ambienti yt i akomodon vizitorët që punojnë në distancë. Nëse dëshiron vërtet të dallohesh nga të tjerët, mund ta përfshish këtë informacion në titullin e listimit.

Mund të jetë gjithashtu e dobishme t'u dërgosh mesazh vizitorëve para se të mbërrijnë. Duke u kujtuar atyre nëse ofron gjëra të tilla si kafe ose një monitor kompjuteri, mund t'i ndihmosh ata të planifikojnë përkatësisht.

Shpresojmë që këto këshilla të të ndihmojnë të krijosh një hapësirë mikpritëse. Duke mbajtur parasysh nevojat e vizitorëve të tu, do të mund të ofrosh një qëndrim të rehatshëm dhe produktiv për punonjësit në distancë.