Bëje regjistrimin dhe çregjistrimin të lehtë

Regjistrimi dhe çregjistrimi janë momente të rëndësishme që mund të bëjnë ose të thyejnë një qëndrim me pesë yje. Klientët presin të hyjnë lehtësisht brenda, të ndihen të mirëpritur dhe të largohen pa u munduar.

Klientët duan të dinë si ta gjejnë ambientin tënd dhe të hapin derën e përparme kur të mbërrijnë. Kërko mënyra për të thjeshtuar regjistrimin:

• Përditëso ambientin. Konsidero të bësh përmirësime në banesë, si instalimin e një brave inteligjente, ndriçimin e jashtëm ose sinjalistikën për ta bërë regjistrimin më të lehtë për ty dhe klientët e tu.

• Ndaj të gjitha detajet. Shko te udhëzuesi i mbërritjes së listimit për të vendosur ose rregulluar mënyrën dhe orën e regjistrimit, udhëzimet, manualin e shtëpisë, fjalëkalimin e wifi e të tjera. Klientët e marrin këtë informacion pasi të prenotojnë.
• Trego hapat për të hyrë brenda. Shto fotografi ose një video për t'i ndihmuar klientët të regjistrohen. Për shembull, mund të fotografosh shulin që hap portën e përparme.
• Shfaq paraprakisht udhëzuesin. Shtyp butonin Shfaq për të lexuar informacionin e mbërritjes saktësisht siç bëjnë klientët. Kërkoji një miku të testojë udhëzimet e tua dhe bëj çdo rregullim të nevojshëm për të realizuar një proces të thjeshtë regjistrimi.

Klientët mund të të dërgojnë mesazhe me pyetje rreth regjistrimit. Përgjigju sa më shpejt të jetë e mundur, veçanërisht në 24 orët para mbërritjes së tyre.

Mënyra se si i përshëndet klientët dhe si i parashikon nevojat e tyre janë shenjat dalluese të një mikpritjeje të shkëlqyer. Vëmendja ndaj detajeve qoftë edhe më të vogla, mund të ketë një impakt të madh te klientët.

• Planifiko një mesazh mirëseardhjeje. Në ditën e regjistrimit, njoftoji klientët se je në dispozicion nëse kanë nevojë për ndonjë gjë.

• Praktiko mikpritjen gjithëpërfshirëse. Ki parasysh se klientët mund të mos ndajnë besimet apo zakonet e tua.

• Tregohu pranues. Shpreh interes për klientët e tu dhe jepu përparësi nevojave të tyre duke respektuar gjithashtu privatësinë e tyre.

Rie, një anëtar i Bordit këshillimor të pritësve dhe superpritës në Yomitan, Japoni, pëlqen të lërë një shënim mirëseardhjeje me informacione të dobishme lokale. "Nëse ata janë një prind që më kanë thënë se do të vijnë me familje me fëmijë të vegjël, do të rekomandoja një dyqan të mirë për të blerë pelena", thotë ajo. "Nëse kanë një qen, sugjeroj ku të blejnë ushqime me cilësi të lartë për kafshët shtëpiake".

Mendo për çregjistrimin si përvoja e fundit e klientëve në ambientin tënd. Do të doje që ata të kujtojnë qëndrimin e shkëlqyer që kanë pasur.

Përdor udhëzuesin e mbërritjes për të dhënë udhëzime të qarta dhe të thjeshta të çregjistrimit. Konsidero nëse detyrat e çregjistrimit, si heqja e plehrave apo mbledhja e peshqirëve të përdorur, janë një përvojë me pesë yje për klientët. Bërja e këtyre punëve pjesë e rutinës së pastrimit mund të çojë në recensione më të mira.

Pas çdo qëndrimi, dërgoju klientëve një mesazh falënderimi. Ftoji të kthehen dhe tregoju se i vlerëson përshtypjet e tyre. Pyet se çfarë do të vlerësonte të kishte herën tjetër që do të të vizitojë.

Informacioni në këtë artikull mund të ketë ndryshuar që nga publikimi.