Si funksionojnë Kategoritë e Airbnb

Shënim i redaktorit: Ky artikull u publikua si pjesë e Versionit të dimrit 2022 të Airbnb. Informacioni mund të ketë ndryshuar që nga publikimi. Mëso më shumë për versionin më të fundit të produktit.

Gjetja e vendqëndrimeve të reja është një nga kënaqësitë e udhëtimit. Duam të sigurohemi që vizitorët që kërkojnë një ambient si i yti, të mund ta zbulojnë atë me lehtësi. Pavarësisht nëse pret vizitorë në një kamp, apartament kondominial apo në një kështjellë, Kategoritë e Airbnb mund të të ndihmojnë të tregosh se çfarë ka të veçantë ambienti yt dhe t'i nxisin vizitorët që të prenotojnë.

Në maj 2022, prezantuam Kategoritë e Airbnb, një mënyrë e re për vizitorët për të zbuluar miliona ambiente unike në mbarë botën. Mbi 60 kategori të ndryshme i klasifikojnë banesat në bazë të stilit, vendndodhjes ose afërsisë me një aktivitet.

Vizitorët që kërkojnë një vendqëndrim mund të shfletojnë kategoritë si "Kabina", "Buzë liqenit" dhe "Parqe Kombëtare". Gjithashtu, mund t'i kërkojnë listimet sipas destinacionit dhe rezultatet e tyre do të shfaqen te "Të gjitha banesat".

Çdo listim në Airbnb mund të shfaqet te "Të gjitha banesat", nëse përputhet me kërkimin e një vizitori për një destinacion të caktuar. Mund të shfaqet gjithashtu në një ose më shumë Kategori të Airbnb, nëse përmbush kritere specifike.

Listimet në çdo kategori i nënshtrohen një procesi përzgjedhjeje. Miliona banesa në Airbnb vlerësohen duke përdorur mësimin automatik për të analizuar titujt, përshkrimet, diçiturat e fotografive dhe recensionet e vizitorëve.

Mund të kontrollosh se në cilën kategori bën pjesë listimi yt nga llogaria jote e pritjes së vizitorëve. Shko te detajet e listimit dhe vazhdo poshtë në seksionin "Kategoritë". Emrat e Kategorive të Airbnb, nëse janë një apo më shumë, shfaqen aty. Shtyp ose kliko për të shfaqur përshkrimin e asaj kategorie.

Ndërsa vazhdojmë të zgjerojmë kategoritë dhe të përditësojmë shërbimin tonë, është e rëndësishme t'i mbash të përditësuara detajet e listimit tënd. Kontrollo shërbimet e tua për t'u siguruar që ke zgjedhur gjithçka që ofron ambienti yt.