Sugjerime për kursimin e energjisë që mund të ulin shpenzimet e shërbimeve utilitare

Me rritjen e çmimit të energjisë, krijimi i kushteve të rehatshme në ambient për vizitorët mund të jetë diçka e kushtueshme. Si pritës, mund t'u kërkosh vizitorëve të jenë të kujdesshëm me ngrohjen, ftohjen dhe përdorimin e ujit, por nuk duhet të mbështetesh tek ata për të ulur shpenzimet e shërbimeve utilitare. Ndërmarrja e hapave për të përmirësuar efikasitetin e energjisë së ambientit tënd është zgjidhje më e mirë. Kjo gjë mund të sjellë kursime të mëdha dhe të ndihmojë në mbrojtjen e planetit.

Airbnb po punon me ekspertë të ndërgjegjësimit për mjedisin, për t'u dhënë pritësve këshilla dhe materiale burimore për rinovimin e pronave të tyre. Si fillim, provo këto sugjerime nga Energy Saving Trust, një organizatë e Mbretërisë së Bashkuar e specializuar në ofrimin e ndihmës për të reduktuar përdorimin e energjisë dhe emetimet e gazrave.

Vizitorët presin zakonisht një hapësirë që mund ta mbajnë të ngrohtë ose të freskët dhe ujë të ngrohtë çdo moment. Ti mund t'i plotësosh nevojat e tyre dhe të ulësh shpenzimet e tepërta duke përmirësuar izolimin e pronës dhe efikasitetin e ujit.

• Dritaret, dyert, oxhaqet, boshllëqet përreth tubave dhe prizat elektrike të sigurta kundër rrymave të ajrit për të parandaluar depërtim të ajrit, janë një mënyrë ekonomike dhe efektive për të kursyer energji në çdo lloj banese. Fletët izoluese, izolantët, guarnicionet prej shkume, grilat dhe perdet e rënda ose kornizat e perdeve mund të ndihmojnë të gjitha për të ndaluar depërtimet.
• Izolimi i ngrohësve të vjetër të ujit për të ruajtur nxehtësinë dhe shtimi i një kohëmatësi për të shmangur ngrohjen e ujit kur ambienti nuk përdoret, ndihmon në kursimin e energjisë.
• Ndërrimi i pajisjeve standarde hidraulike me valvula tualeti, rubinete dhe koka dushi me fluks të ulët, mund të ndihmojë në uljen e konsumit të ujit. Kokat e dushit me ajër përziejnë ajrin me ujin për të ruajtur presionin e lartë, ndërkohë që reduktojnë përdorimin e ujit deri në 4,25 galonë (16 litra) për çdo larje. Kur ndodhesh në ambient, kontrollo rregullisht dhe riparo çdo rrjedhje uji për të parandaluar shpërdorime.
• Larja vetëm në gjendje të mbushur plot me enëlarëse, lavatriçe/tharëse rrobash, të konfiguruara më një temperaturë të ulët ose në modalitetin "eko" mund të kursejë si ujë ashtu edhe energji elektrike. Ndërkohë që përgatit ambientin për vizitorin e ardhshëm, lër enë jashtë dhe vari teshat në për t'u tharë në ajër kur kjo është e mundur.

Anna, një superpritëse dhe anëtare e Bordit këshillimor të pritësve në Newgale, Uells, përdor dekor izolues për t'u ofruar vizitorëve rehati në vilat e saj të fshatit. "Kemi shtuar qilima në dyshemetë e vjetra me pllaka guri dhe perde të bukura të trasha që kufizojnë depërtimin e ajrit", thotë Anna, e cila shërben në komitetin e e bordit për ndërgjegjësimin e mjedisit. "Të dy këto ndryshime i japin karakter dhomave tona dhe na ndihmojnë të kursejmë energji.

Shumë vizitorë duan shërbime të tilla si një kuzhinë të pajisur mirë dhe wifi të besueshëm. Mund ta reduktosh përdorimin e energjisë elektrike pa e komprometuar mikpritjen tënde.

• Ndërrimi i llambave nga llamba inkandeshente dhe halogjene në llamba LED mund të të kursejë nga 4 $ deri në 16 $ për llambë në vit.
• Shtimi i sensorëve dhe çelësave të ndriçimit që kanë kosto relativisht të ulët dhe instalohen lehtë, mund të bëjë që dritat të mos lihen ndezur pa dashje. Sensorët e lëvizjes mund të kursejnë energji elektrike duke ndezur dhe fikur automatikisht dritat kur ndiejnë praninë e një vizitori.
• Zëvendësimi i pajisjeve më të mëdha të cilave u kalon koha, me të tjera me efikasitet energjetik, mund të kursejë energji elektrike. Zgjedhja e një frigoriferi me efikasitetit më të lartë energjetik mund të ketë një ndikim domethënës në faturat e energjisë përgjatë jetëgjatësisë së zakonshme të produktit.
• Heqja nga priza e pajisjeve më të vogla, duke përfshirë karikuesit e telefonit, kur nuk janë në përdorim mund të shmangin konsum të energjisë. Një mundësi tjetër është duke i lidhur ato me një shirit elektrik ose çelës inteligjent që mund ta fikësh në distancë kur në ambient nuk ka njeri. Moslënia e pajisjeve të ndryshme në gjendje gatishmërie mund të të ndihmojë të kursesh rreth 5% në faturën mujore të energjisë elektrike.

"Ka kaq shumë gjëra që lidhen edhe me pastrimin dhe larjen", thotë Ana. "Përdorimi i një lavatriçeje dhe tharëseje rrobash me efikasitet të lartë energjetik është vërtet diçka e rëndësishme për mua."

Historia që ndan në përshkrimin e listimit mund të të ndihmojë në përpjekjet e tua për kursim dhe t’i japë formë përvojës së vizitorëve të tu.

"Mendoj se ajo që në fakt bën një ndryshim për ne është theksimi i qartë i 'etikës ekologjike' në listimin tonë", thotë Ana. "Mund të përshkruash se sa e vlerëson qasjen e ndërgjegjshme ndaj mjedisit dhe gjërat që bën në këtë drejtim e më pas të tërheqësh vizitorët e duhur që kujdesen për mjedisin po aq sa ti."

Komunikimi i hapur është gjithashtu një mjet që i inkurajon vizitorët të ndjekin shembullin tënd. "Sigurisht, ne duam që vizitorët të kenë një qëndrim të këndshëm dhe të rehatshëm", thotë Ana. "Por duke vendosur në listim pritshmëritë tona rreth mënyrës se si po përpiqemi ta kursejmë energjinë ndihmon për parandalimin e sjelljeve të paarsyeshme, si për shembull ndezja e ngrohjes e më pas dalja jashtë gjatë ditës."

Këto janë vetëm disa hapa të vegjël që mund të ndërmarrësh për të rritur efikasitetin e energjisë së ambientit tënd. Modifikimet më të mëdha, si instalimi i paneleve diellore, ndërrimi i dritareve dhe përmirësimi i izolimit, mund të të ndihmojnë të kursesh edhe më shumë. Ndryshimet që bën mund të kualifikohen për rimbursime, zbritje nga taksat dhe stimuj të tjerë.

Mëso më shumë rreth pritjes së vizitorëve në mënyrë të ndërgjegjshme për mjedisin