Vazhdo përpara për të hyrë në rezultatet e sugjeruara
    Kjo përmbajtje nuk është e disponueshme në gjuhën që ke zgjedhur, ndaj e kemi bërë të disponueshme në gjuhën më të ngjashme që disponojmë për momentin.

    Si i mbron Airbnb pritësit

    Mëso rreth masave mbrojtëse të integruara në Airbnb.
    Nga Airbnb, më 4 shk 2020
    Lexim 3-minutësh
    Përditësuar më 17 nën 2022

    Veçantitë

    Nëse je në fillimet e tua si pritës apo sapo ke filluar ta konsiderosh si ide, mund të kesh pyetje për mbrojtjen e ambientit dhe sendeve të tua personale për kohën kur udhëtarët qëndrojnë në banesën tënde. Incidentet që shkaktojnë dëme ose cenojnë sigurinë janë jashtëzakonisht të rralla, por Airbnb ka shumë masa mbrojtëse si për pritësit ashtu edhe për vizitorët.

    Profilet dhe recensionet

    Airbnb të ndihmon t'i njohësh vizitorët. Nëse përdor funksionin "Prenoto në çast", mund të përshtasësh cilësimet e tua për të shtuar kërkesa të tjera për vizitorët përtej kërkesave tona të prenotimit për të gjithë vizitorët. Dhe nëse preferon kërkesat manuale për prenotim, mund të kontrollosh profilet e vizitorëve dhe të lexosh recensionet nga pritësit e mëparshëm para se të pranosh një rezervim.

    Meqenëse pritësit dhe vizitorët mund ta recensojnë njëri-tjetrin vetëm pasi rezervimi të ketë përfunduar, mund të kesh besim se përshtypjet që po lexon bazohen në përvoja reale. Ke gjithashtu mundësinë të përdorësh mjetin e sigurt të mesazheve në Airbnb për të bërë pyetje dhe për të vendosur pritshmëritë në çdo moment para qëndrimit të një vizitori.

    AirCover për pritësit

    AirCover për pritësit do të thotë mbrojtje nga A-ja te Zh-ja për çdo pritës në Airbnb. Kjo ofron masa mbrojtëse para udhëtimit për të garantuar që vizitorët e prenotimit të jenë ata që thonë se janë me verifikimin e identitetit të vizitorëve dhe ndihmon në zvogëlimin mundësisë për festa të rrëmujshme dhe dëmtime të pronës me teknologjinë e kontrollit të rezervimit.

    AirCover për pritësit përfshin Sigurimin për përgjegjësinë e pritësit deri në 1 milion dollarë dhe Mbrojtjen nga dëmtimet të pritësit deri në 3 milionë dollarë, duke mbuluar veprat e artit, sendet me vlerë, makinat, varkat dhe mjete të tjera të parkuara.

    Mëso më shumë rreth AirCover për pritësit

    Rregullat bazë

    Rregullat bazë për pritësit janë një sërë standardesh të detyrueshme që duhen ndjekur nga të gjithë vizitorët. Rregullat bazë kërkojnë që vizitorët ta trajtojnë ambientin me respekt, të ndjekin rregullat e shtëpisë, të komunikojnë menjëherë nëse shfaqen probleme dhe ta lënë banesën në një gjendje që nuk kërkon pastrim të tepruar. Çdo vizitor që prenoton do të pranojë këto rregulla para se të bëjë një rezervim.

    Siguria e llogarisë

    Airbnb merr një sërë masash për mbrojtjen e llogarisë sate, si p.sh. duke kërkuar verifikim shtesë kur hyrja në llogari bëhet nga një telefon ose kompjuter i ri dhe duke dërguar lajmërime kur bëhen ndryshime në llogari. Nëse e përdor Airbnb gjatë gjithë procesit, për komunikimet, prenotimet dhe pagesat, mbulohesh nga rregulloret dhe mbrojtjet e Airbnb.

    Asistencë 24 orë

    Asistenca globale e klientit të Airbnb është në dispozicion në 62 gjuhë për të ndihmuar me:

    • Asistencën për riprenotimet
    • Rimbursimet
    • Ndërmjetësimin

    Lexo më shumë informacion për rregulloret dhe mbrojtjet tona

    Me këto mbrojtje, mund të presësh vizitorë me besim. Për më shumë detaje rreth mënyrave të rëndësishme se si Airbnb kujdeset për sigurinë e pritësve, zbulo AirCover për pritësit.

    Mbrojtja e pritësit nga dëmtimet, Sigurimi për përgjegjësinë e pritësit dhe Sigurimi për përgjegjësinë gjatë përvojave të ofruara nga AirCover për pritësit, nuk i mbulojnë pritësit që ofrojnë qëndrime ose përvoja në Japoni, ku zbatohen Sigurimi për pritësit në Japoni dhe Sigurimi për mbrojtjen gjatë përvojave në Japoni ose pritësit që ofrojnë qëndrime përmes Airbnb Travel LLC. Për pritësit që kanë ofruar qëndrime ose përvoja në Kinën kontinentale, zbatohet Plani për mbrojtjen e pritësve në Kinë. Mbrojtja e pritësit nga dëmtimet nuk lidhet me Sigurimin për përgjegjësinë e pritësit. Ki parasysh se aplikohen kushte të përgjithshme dhe përjashtime të tjera.

    Nëse pret vizitorë në Mbretërinë e Bashkuar, Rregullorja e sigurimit për përgjegjësinë e pritësit nënshkruhet nga Zurich Insurance PLC dhe dakordësohet e lidhet pa asnjë kosto shtesë për pritësit në Mbretërinë e Bashkuar nga Airbnb U.K. Services Limited, një përfaqësues i Aon U.K. Limited, i autorizuar dhe i rregulluar nga Autoriteti i Kontrollit Financiar (Financial Conduct Authority). Numri i regjistrit të Aon FCA është 310451. Këtë numër mund ta kontrollosh duke vizituar Regjistrin e Shërbimeve Financiare ose duke kontaktuar FCA-në numrin +44 0800-111-6768. Produktet e sigurimit të hartuara nga Airbnb U.K. Services Limited janë produkte të rregulluara. FPAFF405LC

    Informacioni në këtë artikull mund të ketë ndryshuar që nga publikimi.

    Veçantitë

    Airbnb
    4 shk 2020
    A ishte e dobishme kjo?