Krijo një udhëzues për të ndarë sugjerimet e tua për zonën

Shumë pritës u japin vizitorëve sugjerime lokale, si p.sh. ku të pijnë një kafe ose ku të shijojnë një darkë të paharrueshme. Në vend që të shkruash sugjerime për secilin vizitor, mund të krijosh një udhëzues dixhital në Airbnb, i cili të kursen kohë duke i përmbledhur rekomandimet në një vend.

Vizitorët mund të hyjnë në udhëzuesin tënd në skedën "Udhëtimet" dhe nga listimi yt, ose mund t'ua dërgosh drejtpërdrejt me mesazh duke përdorur mjetin "Ndaj rekomandime". Ja se si ta shfrytëzosh sa më mirë udhëzuesin tënd, në mënyrë që të nxjerrësh në pah vendet përreth dhe t'u ofrosh vizitorëve një përvojë autentike dhe unike.

Udhëzuesi është mundësia që ke për t'u dhënë vizitorëve informacione të zgjedhura me kujdes, të cilat nxjerrin në pah mikpritjen dhe gjithçka që ofron komuniteti lokal. Mund të krijosh një udhëzues të personalizuar në Airbnb, në mënyrë që vizitorët ta kenë në dispozicion në çdo moment.

1. Shkruaj shkurt. Lehtësoja vizitorëve leximin e sugjerimeve të tua duke e përmbledhur sa më shkurt çdo rekomandim. Ndihmoji vizitorët të kuptojnë se cili është ambienti apo përvoja dhe pse duhet ta provojnë atë.
2. Jepi karakter personal. Rekomandimet më të mira vijnë nga njohuritë dhe përvoja personale. Më e mira është të rekomandosh vetëm vendet që i ke shijuar personalisht.
3. Përmend karakteristikat e veçanta. Sigurohu që të përfshish çdo karakteristikë të veçantë, si veranda e bukur jashtë një restoranti ose reparti i veçantë i një dyqani me prodhime të zonës.
4.Shto një fotografi. Për ta bërë udhëzuesin tënd më angazhues, mund të ngarkosh një fotografi që e ke bërë kur ke mundur për çdo vend që rekomandon.
5. Mbaje të përditësuar. Sigurohu që ta kontrollosh herë pas here udhëzuesin tënd për t'u siguruar që të gjitha informacionet janë ende të sakta dhe për të shtuar sugjerime të reja.

Mëso se si të krijosh një udhëzues të personalizuar

Udhëzuesit janë të lidhur me llogarinë tënde si pritës e jo me një listim të caktuar (gjë që është e dobishme për pritësit që kanë më shumë se një dhomë apo banesë për të dhënë me qira). "Tani mund të krijoj një udhëzues për zonën, të përshtatshëm për të tre listimet e mia" thotë Ann, një superpritëse në Sedgwick, Maine.

Vizitorët mund të hyjnë në udhëzuesin tënd nga faqet e listimit dhe të profilit tënd, si dhe duke shkuar në skedën "Udhëtimet", ku do të shfaqet automatikisht kur të konfirmohet prenotimi.

Gjithashtu mund të ndash udhëzuesin gjatë shkëmbimit të mesazheve me vizitorët. Këtë mund ta bësh lehtësisht duke shtypur ikonën Ndaj rekomandime në kutinë e mesazheve të pritësit. Ky mjet të lejon gjithashtu të rekomandosh një listë të përgatitur me kujdes të Përvojave lokale të Airbnb.

E dimë që bën çmos për të ofruar qëndrime mbresëlënëse dhe shpresojmë që udhëzuesi dixhital të të ndihmojë t'i lidhësh vizitorët me aktivitete fantastike lokale.