Kontrollo çmimin

Çmimin fillestar bazë e vendos në Airbnb Start. Duke filluar me një çmim më të ulët, mund të tërheqësh klientët e parë dhe të marrësh recensione ndërsa punon drejt objektivave të fitimeve të tua. Kontrolloje çmimin rregullisht për të qëndruar konkurrues.

Nëse vendos çmim më të lartë se ambientet e ngjashme në afërsi, mund të humbasësh prenotime. Përdorimi i mjeteve të çmimeve të Airbnb mund të të ndihmojë t'i përgjigjesh ndryshimeve në kërkesë. Këto përfshijnë:

• Sugjerime çmimesh për natë. Rekomandimet e personalizuara të ndihmojnë të vendosësh çmime për ditë, stinë dhe evente të ndryshme të veçanta. Këto sugjerime përdorin faktorë të tillë si vendndodhja e listimit tënd dhe kushtet, prenotimet e tua të kaluara dhe çmimet më të fundit në zonën tënde. Prek shkopin mbi kalendar për t'i shfaqur ose fshehur ato.
• Listime të ngjashme. Ky mjet të mundëson të krahasosh çmimet mesatare të banesave të prenotuara dhe të paprenotuara në një hartë të zonës sate. Shtyp çdo datë në kalendarin tënd ose hap çmimin bazë në cilësimet e çmimeve, për të shfaqur listime të ngjashme.
• Çmimet inteligjente. Ky mjet përdor të njëjtët faktorë si sugjerimet e çmimeve për të përditësuar automatikisht çmimin në bazë të kërkesës. Gamën e çmimeve e cakton ti dhe mund t'i hapësh cilësimet e çmimeve për t'i aktivizuar dhe çaktivizuar për cilëndo datë. Nëse përdor "Çmimet inteligjente", nuk do të shohësh sugjerime çmimesh.

"Të di se çfarë po ndodh në zonën time më jep shumë më tepër besim në çmimin tim", thotë Felicity, një anëtare e Bordit këshillimor të pritësve dhe superpritëse në New South Wales, Australi. "Duhet ta di që kam çmimin më të mirë, në mënyrë që ta mbaj çmimin në atë nivel apo më duhet ta ul".

Klientët kërkojnë qëndrime që ofrojnë cilësi të jashtëzakonshme për çmimin që paguajnë. Ndërsa shqyrton çmimin, ki parasysh:

• Çmimi total që paguajnë klientët. Të kuptuarit se sa paguajnë klientët mund të të ndihmojë të caktosh një çmim konkurrues. Zgjidh cilëndo datë në kalendarin tënd për të marrë një zbërthim të çmimit, duke përfshirë tarifat e shërbimit të Airbnb. Mos harro se çdo tarifë që shton, si tarifa e pastrimit, ndikon në çmimin total.
• Recensionet e klientëve. Përdor përshtypjet e klientëve për të mësuar se çfarë funksionon dhe çfarë mund të përmirësosh. Pasi të marrësh disa recensione të shkëlqyera, mund të duash ta rishikosh çmimin.
• Çfarë ofron ambienti yt. Përmirësimet, si shtimi i shërbimeve më të kërkuara dhe kushteve lehtësuese, mund të ndihmojnë në tërheqjen e më shumë klientëve.

"Arredimi dhe shërbimet janë një mënyrë e shkëlqyer për të rritur çmimet dhe prenotimet", thotë Katie Kay, një anëtare e Bordit këshillimor të pritësve dhe superpritëse në Lake Arrowhead, Kaliforni.

Promocionet dhe zbritjet mund të ndihmojnë në përmirësimin e renditjes në rezultatet e kërkimit të listimit tënd dhe në tërheqjen e klientëve. Ekzistojnë mundësitë e mëposhtme:

• Promocioni i listimit të ri: Ofro 20% zbritje për 3 prenotimet e para për të marrë klientët dhe recensionet e tua të para.
• Zbritje për prenotimet e hershme: Ul çmimin për prenotimet e bëra 1 deri në 24 muaj përpara, për të tërhequr klientët që planifikojnë përpara në kohë.
• Zbritje e minutës së fundit. Ul çmimin për prenotimet e bëra diku nga 1 deri në 28 ditë para regjistrimit për të ndihmuar në plotësimin e boshllëqeve në kalendarin tënd.
• Zbritjet javore dhe mujore: Ofro zbritje për qëndrime më të gjata për mbushjen e kalendarit më shpejt dhe për reduktimin e sistemimeve ndërmjet qëndrimeve.

"Marr prenotime për qëndrime më të gjata duke ofruar zbritje javore dhe mujore", thotë Danieli, një superpritës në Ishujt Kanarie, Spanjë. "Zakonisht klientët përfundojnë duke prenotuar për një javë dhe kjo është një fitore e vogël".

Për promocionin e listimit të ri dhe për zbritjet javore dhe mujore prej 10% e lart, klientët do të shohin një shënim të veçantë në rezultatet e kërkimit dhe në faqen e listimit tënd.

Çmimet dhe cilësimet e tjera i kontrollon gjithmonë ti. Rezultatet e tua mund të ndryshojnë.

Pritësit u paguan për pjesëmarrjen e tyre në intervista.

Informacioni në këtë artikull mund të ketë ndryshuar që nga publikimi.