Sugjerime për të shmangur anulime të parandalueshme
Veçantitë
Merr sugjerime për menaxhimin dhe përditësimin e kalendarit tënd
Cakto një çmim dhe tarifë për natë që të përshtatet
Njihu me vizitorët e tu
Pasi prenoton një udhëtim, vizitori nuk do që ta vrasë mendjen për asgjë tjetër veçse si të shijojë rërën e ngrohtë apo si të eksplorojë një qytet të ri, prandaj një anulim mund të ndikojë negativisht. Anulimet e lëkundin besimin midis pritësve dhe vizitorëve dhe mund të çojnë gjithashtu në tarifa dhe pasoja.
Pritësit bëjnë një punë të shkëlqyer për të respektuar rezervimet dhe bëjnë të pamundurën për t'i ofruar asistencë çdo ditë vizitorëve. Ja disa këshilla se si të shmangësh anulimet.
Sigurohu që ta mbash kalendarin të përditësuar
Omar, një superpritës në qytetin e Meksikos, sugjeron ndjekjen e tendencave të udhëtimit dhe planifikimin paraprak. "Familjarizohu me sezonet turistike të zonës sate, si pikun e sezonit, atë të lartë dhe atë të ulët, në mënyrë që ta planifikosh paraprakisht disponueshmërinë në kalendar për qëndrime të afatshkurtra, afatmesme ose afatgjata," thotë ai.
- Të bllokosh datat e caktuara kur e di që nuk do të mundesh të presësh vizitorë.
- Të përcaktosh afatin e njoftimit paraprak nga vizitorët.
- Të planifikosh kalendarin deri në dy vjet paraprakisht.
- Të kontrollosh rregullisht kalendarin dhe ta përshtatësh atë sipas nevojës.
Zgjedhja e cilësimeve të duhura të kalendarit dhe të prenotimit
Funksioni "Prenoto në çast" është një mënyrë e mirë për të kursyer shumë kohë dhe energji, për sa kohë që kalendari dhe cilësimet e tua përditësohen shpesh.
- Konsidero sinkronizimin e kalendarit të Airbnb me kalendarin tënd kryesor (si iCal ose Google).
- Mbaje kalendarin aktual për ta përdorur funksionin "Prenoto në çast" me sukses.
- Nëse kalendari nuk përditësohet, mund të marrësh një prenotim të dyfishtë ose një prenotim për një datë që nuk mund ta respektosh, gjë që mund të rezultojë në një tarifë anulimi. Cilësimet e prenotimit
Vendos një çmim që të përshtatet
Të krijosh një strategji çmimesh do të thotë të gjesh atë ekuilibrin e artë ku të tërheqësh vizitorë dhe të kesh fitime të kënaqshme.
- Vendos një çmim të personalizuar për net, javë ose muaj të caktuar.
- Kërko çmimin për natë të listimeve të ngjashme në zonën tënde.
- Për të shmangur paqartësitë, mund të aktivizosh Çmimet inteligjente.
Njohja me vizitorët e mundshëm
Komunikimi i vazhdueshëm me vizitorët është thelbësor dhe mjetet tona të mesazheve e lehtësojnë këtë.
- Nëse do të mësosh më shumë për një vizitor të mundshëm, lexo recensionet që ka
- Gjithë vizitorëve të mundshëm mund t'u dërgosh të njëjtat përgjigje të shpejta, për t'u lidhur me ta e për të marrë më shumë informacion.
- Hapi derën gjithëpërfshirjes thjesht duke i pyetur vizitorët: "Çfarë të duhet për t'u ndier rehat dhe i mirëpritur në ambientin tim?
- Jepu miratime paraprake dhe inkurajim vizitorëve që të kontaktojnë para se të prenotojnë. Kemi kuptuar se ndonjëherë vizitorët kontaktojnë me pritësit para se të prenotojnë, për të kuptuar nëse do të pranohen dhe do të mirëpriten.
Mbi të gjitha, mos harro Rregulloren e mosdiskriminimit. Duke pritur vizitorë në Airbnb, do të thotë se bie dakord që të jesh gjithëpërfshirës dhe respektues me të gjithë ata.
Veçantitë
Merr sugjerime për menaxhimin dhe përditësimin e kalendarit tënd
Cakto një çmim dhe tarifë për natë që të përshtatet
Njihu me vizitorët e tu