Shfrytëzimi i recensioneve për të përmirësuar veprimtarinë e pritjes së vizitorëve

Recensionet e mira të tregojnë çfarë u pëlqen vizitorëve nga ambienti yt. Edhe pse nuk ndihesh mirë, një recension negativ mund të të ndihmojë të përmirësohesh si pritës. Recensionet e para që ke marrë, mund t'i shfrytëzosh për të përmirësuar mënyrën e pritjes së vizitorëve.

"Përshtypjet janë shumë të rëndësishme", thotë Juliette, një anëtare e Bordit këshillimor të pritësve në Nairobi, Kenia. "Ky është një biznes praktik dhe ka shumë surpriza. Kjo është arsyeja pse është e rëndësishme ta kontrollosh listimin kur të mundesh, sepse recensionet flasin qartë për gjërat".

Recensionet krijojnë besimin në komunitet dhe ndihmojnë në ecurinë e biznesit tënd. Për të mësuar nga recensionet:

• Lexo çdo recension, si dhe çdo përshtypje private nga vizitorët.

• Përdori recensionet pozitive për të përmirësuar listimin. Për shembull, nëse një vizitor të lavdëron për kuzhinën e pajisur mirë, shfaqe atë në një fotografi. Mund ta citosh recensionin në diçiturë.

• Përdor recensionet negative ose çdo përshtypje ose mesazh privat si frymëzim për të përmirësuar shërbimet ose për të përditësuar përshkrimin e listimit. Gjithashtu mund të duash t'iu përgjigjesh publikisht për të treguar se i pranon përshtypjet e të tjerëve.

Pritësit e suksesshëm nuk i zbukurojnë detajet e listimit të tyre por bëjnë shumë më tepër për të ofruar një mikpritje të shkëlqyer. "Unë gjithnjë mundohem të mos krijoj pritshmëri të larta dhe ndërkohë t'i tejkaloj ato, në mënyrë që vizitorët të mos i kushtojnë shumë rëndësi problemeve të vogla", thotë Max, një superpritës në Bongaree, Australi.

Ja një shembull si të përdorësh sugjerimet në këtë mënyrë:

• Nëse një vizitor përmend disa zhurma në rrugë në një recension, përditëso përshkrimin e listimit me një shënim se mund të ketë zhurmë në rrugë (për të mos krijuar pritshmëri të larta).
• Pasi ata të regjistrohen, ofro tapa veshësh ose një pajisje që gjeneron zhurmë të bardhë (për t'i tejkaluar pritshmëritë).

Nëse flet drejtpërdrejt për problemet e mundshme, ka më shumë gjasa të tërheqësh vizitorë që i përshtaten ambientin tënd dhe të shmangësh recensionet negative.

"Njerëzit na kanë shkruar duke na thënë se kanë pasur një përvojë të shkëlqyer, por ja se si mund ta përmirësoni atë ose ta bëni më të rehatshme", thotë Keshav, një anëtar i Bordit këshillimor të pritësve në Nju Delhi, Indi. "Ne i kemi përvetësuar plotësisht këto sugjerime. Mësoj më mirë nga komunikimi me vizitorë të vërtetë."

Qëndro në kontakt me vizitorët pas regjistrimit për t'u bërë të ditur se je në dispozicion nëse kanë pyetje apo probleme. Disa këshilla:

• Përdor mesazhet e programuara për të komunikuar me vizitorët në momente kyçe si prenotimi, regjistrimi dhe çregjistrimi.

• Pas natës së parë, pyeti vizitorët se si po u duket qëndrimi dhe nëse kanë nevojë për ndihmë. Për qëndrime më të gjata, komuniko me ta thuajse çdo javë.

• Nëse vizitorët paraqesin një problem, zgjidhe menjëherë. Shumica e vizitorëve do të tregohen mirëkuptues nëse diçka shkon keq, për sa kohë ti vepron për ta zgjidhur shpejt problemin.

"Gjej gjithmonë kohë për t'iu përgjigjur çdo recensioni, qoftë negativ apo pozitiv", thotë Omar, një superpritës në Qytetin e Meksikos. "Vizitorët e ardhshëm potencialë do t'i lexojnë ato."

Omar shton se përshtypja e një vizitori për temperaturën e ujit e shtyu atë ta rregullonte këtë problem. Vizitori u kthye tetë muaj më vonë për një qëndrim tjetër. "Recensionet ndërtuese duhet të merren gjithmonë parasysh", thotë ai.

Nëse i lexon recensionet me kujdes, mund të përmirësohesh si pritës. "Një recension negativ mund të ndodhë, por nuk është fundi i botës", thotë Alessandro, pritës në Lombardi, Itali. "Analizo arsyet e këtij recensioni negativ dhe bëj korrigjime nëse lind nevoja."

Informacioni në këtë artikull mund të ketë ndryshuar që nga publikimi.