Fillo me veprimtarinë në Airbnb

Konceptoje listimin si një reklamë për hapësirën tënde. Duhet ta bësh sa më tërheqëse që të jetë e mundur, ndërkohë që tregohesh transparent për çdo gjë të pazakontë.

• Fillo me gjërat bazë. Vendos detaje si vendndodhja e ambientit, lloji i pronës që ofron dhe numri i dhomave të gjumit dhe banjave që do të përdorin vizitorët.
• Bëj fotografi të hapësirës. Vizitorëve u pëlqen të shfletojnë fotografitë kur duan të vendosin se ku të qëndrojnë. Për të bërë fotografi sa më të mira, sistemoje ambientin paraprakisht. Fotografo çdo ambient për së gjeri dhe duke përdorur dritë natyrale nëse është e mundur.
• Nxirr në pah detajet unike. Kur shkruan titullin dhe përshkrimin e listimit, specifiko se çfarë e bën të veçantë ambientin tënd, si p.sh. peizazhi ose një pishinë. Specifiko gjithashtu në përshkrimin tënd çdo aspekt që mund të ketë rëndësi për vizitorët që përpara se të prenotojnë, si p.sh. shkallët ose parkimi.
  

Hapi tjetër do të jetë rregullimi i gjithë logjistikës për listimin, në mënyrë që ta bësh procesin e pritjes së vizitorëve të funksionojë pa probleme.

• Shto rregulla shtëpie në listim. Për t'i ndihmuar vizitorët të kuptojnë pritshmëritë e tua, shto rregulla për ambientin, duke përfshirë detaje të tilla si kufizimet për pirjen e duhanit, kafshët shtëpiake ose festat.
• Konfiguro kalendarin. Për t'u siguruar që do të marrësh rezervime vetëm kur ke mundësi të presësh vizitorë, përditëso kalendarin në Airbnb me disponueshmërinë tënde. Mund të specifikosh gjithashtu se sa kohë përpara të duhet njoftimi paraprak ose sa kohë përpara mund të prenotojnë vizitorët.
  
• Zgjidh çmimin për natë.Je gjithmonë ti që vendos se sa të tarifosh, por Airbnb ka mjete si Çmimet inteligjente, për të të ndihmuar t'i përshtatësh çmimet sipas kërkesës, së bashku me kontrollimin e çmimeve të personalizuara për fundjava dhe sezone specifike.
• Referoju ligjeve lokale. Disa qytete kanë rregulla për qiradhënien e banesave, si për shembull kufizime në numrin e netëve që mund të presësh vizitorë, kritere për regjistrimin ose taksa speciale. Mëso këtu rreth pritjes me përgjegjësi të vizitorëve.
  

Pavarësisht nëse pret vizitorin e parë apo të njëqindtin, këta janë hapat që duhet të ndjekësh për t'u siguruar që ambienti yt është gati.

• Sistemo. Pastro çdo dhomë që mund të përdorin vizitorët, veçanërisht dhomat e gjumit, banjat dhe kuzhinën. Sigurohu që të mos ketë qime, pluhur apo myk në sipërfaqe dhe dysheme si dhe shtroje krevatin me shtroja të pastra.
  
• Ruaj sendet me vlerë. Nëse ke bizhuteri, pasaporta ose sende të tjera me vlerë, konsidero t'i ruash në një dhomë me çelës, dollap, kasafortë ose magazinë. Ose mund t'ua lësh familjarëve apo miqve.
  
• Siguro rezerva të artikujve bazë. Për t'i ndihmuar vizitorët të ndihen si në shtëpi, përpiqu të ofrosh artikuj të tillë si sapun, shampo, letër higjienike, shtroja krevati dhe peshqirë. Nuk është asnjëherë e tepërt të kesh disa gjëra rezervë.
• Jep detajet e regjistrimit. Përgatitu për regjistrimin dhe çregjistrimin e vizitorëve ose rekruto miq apo familjarë për të të ndihmuar. Nëse nuk mund të të ndihmojë askush, mund të përdorësh një kuti çelësash me kod ose një bravë elektronike dhe t'u japësh vizitorëve udhëzime regjistrimi në aplikacionin Airbnb.
• Shto detajet përfundimtare. Vizitorëve u pëlqejnë detajet e kujdesshme. Një manual shtëpie me udhëzime dhe sugjerime mund t'i ndihmojë vizitorët të orientohen. Edhe një shishe verë apo një dhuratë e vogël mund t'i bëjë vizitorët të ndihen shumë të mirëpritur, por sigurisht që nuk është domosdoshmëri.

Sapo të kesh mbaruar punë me listimin dhe hapësirën, do të jesh gati të fillosh të mirëpresësh vizitorë dhe të fitosh të ardhura!