Thjeshtimi i procesit të regjistrimit
Të sigurohesh se vizitorët mund ta gjejnë dhe mund të hyjnë në ambientin tënd është thelbësore për një qëndrim të suksesshëm. Pavarësisht nëse i mirëpret vizitorët personalisht apo virtualisht, çelësi për një regjistrim pa probleme është të komunikosh qartë udhëzimet e tua.
Si të krijosh një strategji regjistrimi
Krijo një proces regjistrimi që të jetë i thjeshtë dhe i besueshëm dhe testoje për të konfirmuar se do të funksionojë për çdo vizitor, çdo herë.
Zgjidh se si t'i mirëpresësh vizitorët. Shumë vizitorë duan lehtësinë e hyrjes me vetëshërbim, e cila përdor pajisje si tastiera dhe brava inteligjente.
Shto udhëzime hap pas hapi në skedën "Listimet". Do të të kërkohet të dërgosh fotografi të procesit dhe udhëzime të shkurtra për vizitorët.
Vendos adresën tënde të saktë dhe shëno vendndodhjen. Nëse ambienti yt është jashtë rruge ose nuk ka shërbim telefonik në afërsi, jep udhëzime të sakta për të shmangur konfuzionin.
Dërgo udhëzimet tre ditë përpara. Konfirmo me vizitorët se i kanë marrë ato dhe interesohu nëse kanë ndonjë pyetje.
Qëndro në dispozicion në momentin e regjistrimit. Sigurohu që ti ose një bashkëpritës të jeni në dispozicion për zgjidhjen e problemeve menjëherë.
Kontrollo rregullisht nëse të gjitha sistemet janë funksionale dhe ki një plan rezervë. Pavarësisht nëse i përshëndet vizitorët personalisht apo ofron hyrje me vetëshërbim, është mirë të kesh një çelës rezervë në një kuti çelësash me kod.
Vizitorët mund të hyjnë në udhëzimet që ke shtuar në Udhëzuesin e mbërritjes dhe skedën "Udhëtimet", 48 orë para orarit të regjistrimit, ose 24 orë përpara, nëse ke një rregullore fleksibël anulimi.
Si të ofrosh një mirëseardhje me 5 yje
Mënyra se si ndihen vizitorët kur hyjnë në ambientin tënd, është një pjesë e rëndësishme e përvojës së regjistrimit. Pastërtia dhe komunikimi ndihmojnë shumë në mirëpritjen e vizitorëve.
Sigurohu që ambienti të mos ketë njolla. Krijo një rutinë pastrimi që përfshin pastrimin dhe/ose fshirjen e pluhurave nga të gjitha sipërfaqet, dyshemetë dhe pëlhurat, si dhe kontrollin e njollave, papastërtive dhe flokëve.
Paraqit në mënyrë të dukshme informacionin kryesor. Vendos emrin e rrjetit wifi dhe fjalëkalimin, si dhe një kopje të printuar të manualit të shtëpisë dhe udhëzuesit në një vend të dukshëm për t'u dhënë vizitorëve qasje të lehtë në udhëzimet dhe rekomandimet e tua. Sigurohu që këto të jenë edhe në faqen e listimit.
Lër një dhuratë mirëseardhjeje. Ka shumë mënyra krijuese për të përshëndetur vizitorët. Mund të jetë po aq e thjeshtë sa të shkruash një shënim ose të ofrosh një ushqim vendas.
Bëjua të ditur vizitorëve se je i disponueshëm. Konfiguro një mesazh të programuar që dërgohet pas regjistrimit, duke ua bërë të ditur vizitorëve se ti ose një bashkëpritës jeni në dispozicion nëse del ndonjë problem.
Shko te skeda e listimeve për të përditësuar udhëzimet e regjistrimit.
Informacioni në këtë artikull mund të ketë ndryshuar që nga publikimi.