Krijo një përvojë vetëm me ftesë për familjen dhe miqtë

Si pritës i ri përvojash, një nga objektivat e tua më të rëndësishme është të marrësh recensionet e para që janë thelbësore. Ato të ndihmojnë të ndërtosh besueshmërinë në mënyrë që vizitorët të ndihen të sigurt kur prenotojnë përvojën tënde. Por si vepron për t'i marrë ato?

Një mënyrë e përshtatshme për të filluar: Një hapje graduale vetëm me ftesë, ose organizimi i një sesioni provë të përvojës. Sesioni provë mund të të ndihmojë të ndihesh rehat me platformën e Airbnb dhe me detajet e ofrimit të përvojës.

Prenotimi vetëm me ftesë është një mundësi e mirë që një grup i njohur miqsh dhe familjarësh të japin përshtypjet e tyre për përvojën. Kjo ndikon shumë në lehtësimin e çfarëdolloj pasigurie apo stresi që mund të kenë pritësit e rinj, duke i ndihmuar gjithashtu në zgjidhjen e çështjeve logjistike ose shqetësimeve te vetë përvojës.

Këto prenotime mund të ndihmojnë edhe që të marrësh recensionet e para, gjë që rrit besueshmërinë dhe u tregon vizitorëve të mundshëm të ardhshëm se ia vlen ta prenotojnë përvojën tënde.

Për pritësit është e lehtë që të krijojnë një link vetëm me ftesë të përvojës së tyre dhe ta ndajnë atë me familjen dhe miqtë. Me një link vetëm me ftesë që fshihet nga publiku, nuk ke pse të shqetësohesh që dikush mund të prenotojë edhe pa ftesë përvojën tënde të parë provë.

Shko te Paneli i veprimeve » Kalendari » Planifiko një përvojë » ndrysho Lloji i prenotimit në Grup privat (fshehur nga publiku). Nëse do të rregullosh çmimet ose të caktosh një tarifë grupi privat, mund ta bësh edhe këtu.

Pasi të programohet përvoja, kliko në seancën specifike të përvojës në agjendën tënde » shko poshtë te Ndaj linkun » shtyp Kopjo.

E vetmja gjë që ka mbetur është të ftosh vizitorët e tu të ardhshëm. Linku do t'i çojë miqtë dhe familjarët e tu në listimin specifik vetëm me ftesë të përvojës sate.

Linku për prenotimet vetëm me ftesë mund të ndahet pa limit, ndaj mbaje parasysh për raste të veçanta si ditëlindjet ose vizitat e miqve nga larg

Ndërsa krijimi i një përvoje vetëm me ftesë mund të jetë i dobishëm për të marrë recensione dhe për të rritur biznesin, ka disa gjëra të rëndësishme që duhet të kesh parasysh:

• Vizitorët që marrin pjesë në evente vetëm me ftesë nuk duhet të jenë të detyruar të lënë një recension.
• Nëse vizitorët lënë një recension, në të duhet të specifikohet marrëdhënia e tyre me ty (të afërm, miq etj.), ose fakti që u ke ofruar një zbritje për përvojën (nëse është ky rasti). Kjo mund të kërkohet edhe nga ligjet e zbatueshme.
• Çdo recension duhet të bazohet në opinionet e sinqerta, të vërteta dhe personale të vizitorit në lidhje me përvojën dhe në përputhje me Rregulloren e recensioneve.

Duke synuar transparencën, të gjithë përfitojnë: Miqtë dhe familja jote provojnë përvojën në një grup vetëm me ftesë (me zbritje të tarifës, nëse dëshiron), ndërsa ti fiton aftësitë e nevojshme për të ofruar një përvojë jashtëzakonshme.

Mëso më shumë sugjerime dhe marifete për të testuar përvojën tënde të re.