Sugjerimet do të shfaqen pasi të kesh shkruar të dhënat e kërkimit. Përdor shigjetat lart e poshtë për t'i shqyrtuar. Shtyp "enter" për të zgjedhur. Nëse përzgjedhja është një frazë, kjo frazë do të dërgohet për kërkim. Nëse sugjerimi është një link, shfletuesi do të shkojë në atë faqe.
Rregullorja e komunitetit

Rregullorja e rrethanave lehtësuese

Shënim: Duke filluar nga data 31 maj 2022, rrethanat që lidhen me pandeminë e COVID-19 nuk do të mbulohen më nga kjo rregullore. Për rezervimet e bëra para datës 31 maj 2022 dhe për rezervimet brenda vendit në Korenë e Jugut dhe Kinën kontinentale, disa rrethana që lidhen me COVID-19 do të vazhdojnë të mbulohen.

Data efektive: 20 janar 2021

Përmbledhje

Kjo Rregullore e rrethanave lehtësuese shpjegon se si trajtohen anulimet kur pas prenotimit ndodhin ngjarje të paparashikuara përtej kontrollit tënd dhe e bëjnë të papërshtatshëm ose të paligjshëm përfundimin e rezervimit. Kjo rregullore është e vlefshme si për rezervimet e akomodimeve ashtu edhe ato të përvojave.

Nëse kjo rregullore e lejon anulimin, ajo kontrollon dhe merr përparësi ndaj Rregullores së anulimit të rezervimit. Vizitorët që preken nga një ngjarje e mbuluar nga kjo rregullore mund ta anulojnë rezervimin e tyre dhe, në varësi të rrethanave, të marrin rimbursim në para, kredit udhëtimi dhe/ose forma të tjera rimbursimi. Pritësit e prekur nga një ngjarje e mbuluar nga kjo rregullore mund të anulojnë pa pasoja negative, por në varësi të rrethanave, kalendarët e tyre mund të bllokohen për datat e rezervimit të anuluar.

Cilat ngjarje mbulohen

Kjo rregullore përdor termin “ngjarje” për t'iu referuar situatave të mëposhtme që ndodhin pas prenotimit, të cilat janë të paparashikuara në momentin e prenotimit dhe parandalojnë ose ndalojnë ligjërisht përfundimin e rezervimit.

Ndryshime në kërkesat qeveritare për udhëtimet. Ndryshime të papritura në kërkesat e vizave apo të pasaportave që vendosen nga një agjenci qeveritare, të cilat e ndalojnë udhëtimin drejt destinacionit. Këtu nuk përfshihen dokumente udhëtimi të humbura ose të skaduara apo rrethana të tjera personale që lidhen me autorizimin e një vizitori për të udhëtuar.

Emergjencat dhe epidemitë e shpallura. Qeveria ka shpallur emergjenca lokale apo kombëtare, epidemi, pandemi dhe emergjenca të shëndetit publik. Këtu nuk përfshihen sëmundjet endemike ose ato që lidhen zakonisht me një zonë të caktuar, siç është malaria në Tajlandë ose ethet tropikale në Hauai.

Kufizimet qeveritare të udhëtimeve. Kufizime udhëtimi të vendosura nga një agjenci qeveritare që ndalojnë udhëtimet drejt vendndodhjes së listimit, qëndrimin në të ose kthimin prej saj. Këtu nuk përfshihen këshilla jo të detyrueshme zyrtare udhëtimi dhe udhëzime të ngjashme qeveritare.

Aksione ushtarake dhe sulme të tjera. Akte lufte, sulme, pushtime, luftë civile, terrorizëm, shpërthime, bombardime, rebelime, trazira, kryengritje, çrregullime dhe trazira civile.

Katastrofa natyrore. Katastrofa dhe fatkeqësi natyrore, ndërprerje në shkallë të gjerë të shërbimeve bazë, shpërthime vullkanike, cunami dhe ngjarje të tjera të rënda dhe jonormale të motit. Këtu nuk përfshihen kushtet e motit ose të natyrës që janë mjaft të zakonshme për të qenë të parashikueshme në atë vendndodhje, siç janë uraganet që ndodhin gjatë sezonit të uraganeve në Florida.

Çfarë nuk mbulohet

Gjithçka tjetër. Kjo rregullore lejon vetëm anulime për ngjarjet e përshkruara më sipër. Gjithçka tjetër përjashtohet. Shembujt e situatave për të cilat kjo rregullore nuk lejon anulime, përfshijnë: sëmundje apo lëndime të papritura; detyrime shtetërore si detyra e shërbimit në juri gjyqësore, dalja në gjykatë ose detyrimi ushtarak; këshillat zyrtare të udhëtimit ose udhëzime të tjera qeveritare (që nuk konsistojnë në kufizim apo ndalim udhëtimesh); anulimin ose riprogramimin e një eventi për të cilin është bërë rezervimi; ndërprerjet e transportit që nuk lidhen me një nga ngjarjet e mbuluara si mbyllja e rrugëve, si dhe anulimet e fluturimeve, të udhëtimeve me tren, autobuz dhe traget. Nëse anulon një rezervim në këto raste, shuma e rimbursuar do të përcaktohet nga Rregullorja e anulimit e vlefshme për rezervimin.

Çfarë të bësh më pas

Nëse të njoftojmë ose publikojmë informacione që konfirmojnë se kjo rregullore zbatohet për rezervimin tënd, ndiq udhëzimet e anulimit që të kemi dhënë. Nëse të kemi njoftuar apo kemi publikuar informacione se si zbatohet kjo rregullore, duhet të kesh mundësinë ta anulosh sipas kësaj rregulloreje duke shkuar në faqen "Udhëtime" dhe duke anuluar rezervimin e prekur. Nëse mendon se kjo rregullore është e vlefshme për rezervimin tënd, por nuk të kemi njoftuar ose nuk kemi publikuar informacione për këtë, na kontakto për të anuluar rezervimin. Në çdo rast, duhet të jesh gati të dërgosh dokumentacion që tregon se si ka ndikuar ngjarja tek ti ose tek rezervimi yt.

Nëse ke pyetje, na kontakto.

Gjëra të tjera që duhet të dish

Kjo rregullore zbatohet për të gjitha rezervimet që e kanë regjistrimin në datën efektive ose pas saj. Kjo rregullore nuk zbatohet për rezervimet e Luxe, të cilat i nënshtrohen Rregullores së rimbursimit të vizitorit të Luxe.

A të erdhi në ndihmë ky artikull?

Artikuj të ngjashëm

Kërko ndihmë për rezervimet, llogarinë e më shumë.
Hyr ose regjistrohu