Mënyra të reja për të menaxhuar listimin në Airbnb Plus

Programi Airbnb Plus filloi në vitin 2018 për vlerësimin e banesave me cilësi, rehati dhe stil të jashtëzakonshëm. Kur një listim ka një distinktiv Airbnb Plus, kjo do të thotë se prona ka kaluar një inspektim fizik.

Shumë pritës kanë kërkuar një mënyrë më të thjeshtë për t'u komunikuar vizitorëve standardet e larta të programit. Bazuar në përshtypjet e tua dhe të pritësve të tjerë, po përditësojmë faqet e listimeve të Airbnb Plus më 25 janar 2023.

Te ndryshimet përfshihet:

• Airbnb Plus shpjegohet vetëm me një fjali, me një shënim poshtë titullit të listimit: "Çdo banesë Plus shqyrtohet për cilësinë." Vizitorët mund të shtypin ose të klikojnë një link për të mësuar më shumë, duke shfaqur detajet e programit në një dritare automatike.
• Vizitorët e gjejnë më kollaj listimin tënd ndërsa kërkojnë qëndrimin e përsosur. Distinktivi Airbnb Plus shfaqet ende në krye të faqes së listimit tënd dhe vizitorët mund të zgjedhin Airbnb Plus ndërsa filtrojnë rezultatet e kërkimit. Kjo faqe e re përshtatet më mirë me pjesën tjetër të Airbnb, e cila u riorganizua vitin e kaluar.
• Mund të modifikosh lehtësisht më shumë artikuj në faqen e listimit. Mund të shkruash një përshkrim më të gjatë të listimit, të shtosh veçori dhe shërbime nga një listë e përmirësuar alternativash dhe të përditësosh fotografitë pa kontaktuar Airbnb.

Programi Airbnb Plus është i disponueshëm vetëm për pritësit që e kanë fituar tashmë distinktivin. Kësaj here nuk i ftojmë të tjerët të marrin pjesë.

Të rekomandojmë ta shqyrtosh listimin në Airbnb Plus pasi ndryshimet të hyjnë në fuqi. Duke u siguruar që informacioni yt të jetë aktual dhe i plotë mund të bësh që listimi të shfaqet në rezultatet e kërkimit dhe në Kategoritë e Airbnb.

Rikontroll i veçorive dhe shërbimeve
Kemi përmirësuar listën e kontrolleve standarde të veçorive dhe shërbimeve. Do të ishte mirë të kontrolloje listën e përditësuar për t'u siguruar që ke zgjedhur gjithçka që ofron ambienti yt për vizitorët.

Do të gjesh alternativa të reja, si një kënd kuzhine dhe një ekspres kafeje. Janë hequr disa elementë të vjetër. Nëse një veçori ose shërbim që dëshiron të nxjerrësh në pah nuk është më në listë, mund ta theksosh në përshkrimin e listimit.

Hartimi i një përshkrimi interesant të listimit
Tani ke hapësirë pa kufi, duke filluar nga 600 gërma, për të treguar se çfarë ka të veçantë ambienti yt. Mund të duash të shtosh disa detaje të tjera specifike.

Për shembull, ki parasysh disa pluse të jashtëzakonshme që ofron si pritës i Airbnb Plus, të tilla si shtroja luksoze, marrje nga aeroporti sipas kërkesës ose një frigorifer i mbushur plot.

Shkrepja e fotografive të reja profesionale
A ke bërë ndryshime kohët e fundit në ambientin tënd, brenda apo jashtë? Konsidero t'i përditësosh fotografitë për t'u treguar vizitorëve se çfarë të presin saktësisht kur të qëndrojnë atje.

Mund të kërkosh shërbim fotografik profesional nga Airbnb. Nëse shërbimi është i disponueshëm në zonën tënde, do të marrësh një email me një ofertë çmimi, të cilën mund ta pranosh ose ta refuzosh.

Kur ke imazhe të reja, je ti që vendos se cilat të shtosh dhe mund të heqësh çdo gjë që është e vjetruar.