Si të bëhesh pritës në Airbnb
Veçantitë
Përgatit ambientin dhe krijo një listim tërheqës
Kontrollo kur dhe si i pret vizitorët
Nëse po mendon të presësh vizitorë, por nuk di se si të tërheqësh vizitorë ose të krijosh një përvojë të shkëlqyer për vizitorët, nuk je vetëm. Të bëhesh pritës në Airbnb është një mënyrë argëtuese dhe shpërblyese për t'u lidhur me njerëz të rinj dhe për të fituar para shtesë dhe është normale të kesh shumë pyetje në fillim.
Ja çfarë duhet të bësh për të filluar me pritjen e vizitorëve.
1. Vlerëso nëse ambienti yt është i përshtatshëm
Asnjë hapësirë nuk është shumë e vogël ose shumë unike për t'u publikuar në Airbnb! Për çdo ambient ekziston një vizitor. Mjafton të përcaktosh pritshmëri të qarta duke përshkruar me sinqeritet dhe saktësi karakteristikat e ambientit tënd, nga dyert e ngushta deri te shkallët rustike.
Është gjithashtu e rëndësishme të zbulosh se cilat ligje dhe taksa janë të zbatueshme për qiratë afatshkurtra në zonën tënde, para se të fillosh me pritjen e vizitorëve. Airbnb nuk mund të të ofrojë udhëzime ligjore ose këshilla tatimore, por ne mund të të ndihmojmë të gjesh informacione rreth rregulloreve të pritjes së vizitorëve.2. Përgatite ambientin tënd për vizitorët
“Kam idenë që vizitorët janë një lloj pasqyrimi i asaj që je ti vetë", thotë superpritësi Jake nga Big Bear, Kaliforni. “Banesa jote pasqyron personalitetin tënd dhe normalisht tërheq njerëz me mënyra jetese dhe shije të ngjashme.”
A ke një koleksion eklektik të posterave të filmave të vjetër? Apo një pirg me libra interesantë të historisë së artit? Nxirri në pah! Përfshirja e detajeve personale mund të ndihmojë që listimi yt të spikatë.
Gjatë sistemimit të ambientit tënd, mos harro të pastrosh rrëmujën dhe të përpiqesh të ofrosh artikujt bazë, si letra higjienike, sapun dhe peshqirë, për të ndihmuar në krijimin e një përvoje të shkëlqyer për vizitorët e tu. Detaje të veçanta, si një shishe verë vendase ose një kuti çokollatash, mund t'i bëjë vizitorët të ndihen të veçantë.3. Publiko ambientin tënd
Publikimi i ambientit është krejtësisht falas. Tarifa e shërbimit aplikohet nga Airbnb vetëm pasi rezervimi të jetë konfirmuar. Kjo tarifë është zakonisht 3% e nëntotalit të prenotimit dhe na ndihmon të mbulojmë kostot operative të Airbnb, si asistenca e klientit 24/7, masat mbrojtëse për pritësit e të tjera.
Ne përpiqemi ta thjeshtojmë publikimin e ambientit deri në atë pikë që të mund ta konfigurosh listimin në 10 hapa të thjeshtë. Ne jemi gjithmonë këtu për të të ndihmuar nëse ke pyetje dhe ka shumë mënyra për t'u lidhur me pritës të tjerë.
“Në disa tregje, do të mund të lidhesh me një ambasador superpritës si unë,” thotë superpritësja Magaly nga East Wenatchee, Uashington. “Jemi këtu për ta bërë këtë proces sa më të lehtë të jetë e mundur për ty.”
Ndërsa shton detajet e listimit, kushtoji vëmendje të veçantë fotografive të tua, sepse shpesh ato janë gjëja e parë që vërejnë vizitorët para prenotimit. Disa pritës punësojnë fotografë profesionistë dhe të tjerë përdorin telefonat e tyre inteligjentë për të bërë fotografi të mahnitshme që vërtet pasqyrojnë detajet dhe frymën e hapësirës së tyre.4. Vendos se si do t'i presësh vizitorët
Do të kesh gjithmonë kontroll të plotë mbi kohën dhe mënyrën e pritjes së vizitorëve në Airbnb. Duke përdorur cilësimet e kalendarit dhe të prenotimit, mund të bllokosh manualisht ditët kur ambienti nuk është i disponueshëm, të zgjedhësh orare specifike të regjistrimit dhe çregjistrimit, të caktosh një numër minimal ose maksimal netësh qëndrimi të vizitorëve e të tjera.
"Vendosëm që në fillim që do të kishim një prenotim minimal prej tre ditësh", thotë pritësja Lucy nga East Sussex, Angli. "Kjo do të thotë që kishim më pak xhiro, por kisha kohën për të ofruar ato detaje shtesë në pritjen e vizitorëve që vërtet më pëlqejnë."
Mund të përdorësh gjithashtu rregullat e shtëpisë për të vendosur pritshmëritë për vizitorët dhe për të treguar se çfarë lejohet dhe nuk lejohet në ambientin tënd.5. Vendos çmimin dhe merr pagesën
Shuma që tarifon në Airbnb është krejtësisht në dorën tënde. Kur përcakton strategjinë e çmimeve, merr parasysh se çfarë tarifojnë të tjerët në zonën tënde, shërbimet që ofron dhe periudhën e vitit. Kjo mund të të ndihmojë të gjesh një çmim që të duket i përshtatshëm për veten dhe vizitorët e tu.
Në Airbnb mund ta përcaktosh me lehtësi mënyrën e shlyerjes së pagesës në seksionin "Pagesat dhe shlyerjet e pagesave" të llogarisë sate. Mënyrat e shlyerjes së pagesës përfshijnë, mes të tjerash, transfertat bankare ose depozitat e drejtpërdrejta, kartat e debitit të Payoneer, PayPal dhe Western Union, në varësi të vendit ku ndodhesh.Ku të gjesh mbështetje dhe materiale burimore
Është e rëndësishme të mos harrosh se nuk je vetëm në rrugëtimin tënd të pritjes së vizitorëve. Airbnb i mbështet pritësit në shumë mënyra, ku përfshihen sa më poshtë:
Pavarësisht se kush je apo çfarë lloj ambienti ke, ka një hapësirë për ty në komunitetin e Airbnb. "Ajo që është e qartë për Airbnb është se të gjithë kemi diçka ndryshe për të sjellë në tavolinë", thotë Magaly. "Ndaj, paç fat dhe pritje të mbarë të vizitorëve!"
Pritësit e përmendur në këtë artikull dhe video nuk janë punonjës të Airbnb dhe nuk punojnë nën drejtimin e Airbnb. Si pritës krijues, ata kanë bashkëpunuar me Airbnb për të ndarë mendimet e tyre dhe për të krijuar këtë video. Çdo opinion, informacion i përgjithshëm ose dëshmi e dhënë është e vërtetë, personale dhe jo deklaratë zyrtare e Airbnb.
Veçantitë
Përgatit ambientin dhe krijo një listim tërheqës
Kontrollo kur dhe si i pret vizitorët