Vazhdo përpara për të hyrë në rezultatet e sugjeruara
    Kjo përmbajtje nuk është e disponueshme në gjuhën që ke zgjedhur, ndaj e kemi bërë të disponueshme në gjuhën më të ngjashme që disponojmë për momentin.

    Fillo me veprimtarinë në Airbnb

    Mëso se si të fillosh me pritjen e vizitorëve, nga krijimi i listimit deri te përgatitja e hapësirës.
    Nga Airbnb, më 18 dhj 2019
    Lexim 3-minutësh
    Përditësuar më 2 sht 2021

    Veçantitë

    • Referoju rregulloreve lokale rreth qiradhënies së banesave

    • Cakto çmimin tënd për natë dhe konfiguro kalendarin

    • Vër në dukje atë që është unike ose e çuditshme në listimin tënd

    • Sistemo, furnizo artikujt bazë dhe shkruaj rregulla të qarta shtëpie

    Krijo listimin tënd

    Konceptoje listimin si një reklamë për hapësirën tënde. Duhet ta bësh sa më tërheqëse që të jetë e mundur, ndërkohë që tregohesh transparent për çdo gjë të pazakontë.

    • Fillo me gjërat bazë. Vendos detaje si vendndodhja e ambientit, lloji i pronës që ofron dhe numri i dhomave të gjumit dhe banjave që do të përdorin vizitorët.
    • Bëj fotografi të hapësirës. Vizitorëve u pëlqen të shfletojnë fotografitë kur duan të vendosin se ku të qëndrojnë. Për të bërë fotografi sa më të mira, sistemoje ambientin paraprakisht. Fotografo çdo ambient për së gjeri dhe duke përdorur dritë natyrale nëse është e mundur.
    • Nxirr në pah detajet unike. Kur shkruan titullin dhe përshkrimin e listimit, specifiko se çfarë e bën të veçantë ambientin tënd, si p.sh. peizazhi ose një pishinë. Specifiko gjithashtu në përshkrimin tënd çdo aspekt që mund të ketë rëndësi për vizitorët që përpara se të prenotojnë, si p.sh. shkallët ose parkimi.

    Organizo logjistikën

    Hapi tjetër do të jetë rregullimi i gjithë logjistikës për listimin, në mënyrë që ta bësh procesin e pritjes së vizitorëve të funksionojë pa probleme.

    Përgatit ambientin

    Pavarësisht nëse pret vizitorin e parë apo të njëqindtin, këta janë hapat që duhet të ndjekësh për t'u siguruar që ambienti yt është gati.

    • Sistemo. Pastro çdo dhomë që mund të përdorin vizitorët, veçanërisht dhomat e gjumit, banjat dhe kuzhinën. Sigurohu që të mos ketë qime, pluhur apo myk në sipërfaqe dhe dysheme si dhe shtroje krevatin me shtroja të pastra.
    • Ruaj sendet me vlerë. Nëse ke bizhuteri, pasaporta ose sende të tjera me vlerë, konsidero t'i ruash në një dhomë me çelës, dollap, kasafortë ose magazinë. Ose mund t'ua lësh familjarëve apo miqve.
    • Siguro rezerva të artikujve bazë. Për t'i ndihmuar vizitorët të ndihen si në shtëpi, përpiqu të ofrosh artikuj të tillë si sapun, shampo, letër higjienike, shtroja krevati dhe peshqirë. Nuk është asnjëherë e tepërt të kesh disa gjëra rezervë.
    • Jep detajet e regjistrimit. Përgatitu për regjistrimin dhe çregjistrimin e vizitorëve ose rekruto miq apo familjarë për të të ndihmuar. Nëse nuk mund të të ndihmojë askush, mund të përdorësh një kuti çelësash me kod ose një bravë elektronike dhe t'u japësh vizitorëve udhëzime regjistrimi në aplikacionin Airbnb.
    • Shto detajet përfundimtare. Vizitorëve u pëlqejnë detajet e kujdesshme. Një manual shtëpie me udhëzime dhe sugjerime mund t'i ndihmojë vizitorët të orientohen. Edhe një shishe verë apo një dhuratë e vogël mund t'i bëjë vizitorët të ndihen shumë të mirëpritur, por sigurisht që nuk është domosdoshmëri.

    Sapo të kesh mbaruar punë me listimin dhe hapësirën, do të jesh gati të fillosh të mirëpresësh vizitorë dhe të fitosh të ardhura!

    Veçantitë

    • Referoju rregulloreve lokale rreth qiradhënies së banesave

    • Cakto çmimin tënd për natë dhe konfiguro kalendarin

    • Vër në dukje atë që është unike ose e çuditshme në listimin tënd

    • Sistemo, furnizo artikujt bazë dhe shkruaj rregulla të qarta shtëpie

    Airbnb
    18 dhj 2019
    A ishte e dobishme kjo?