Menaxho profilin

Na thuaj më shumë rreth vetes në mënyrë që komuniteti i Airbnb të të njohë më mirë. Shtimi i informacionit në profilin tënd mund të ndihmojë në zhvillimin e lidhjeve midis pritësve dhe vizitorëve duke krijuar besim në platformën tonë. Detajet që zgjedh të ndash për veten mund t'u vihen në dukje pritësve dhe vizitorëve në të gjithë platformën e Airbnb.

Çfarë informacioni shfaqet në profilin tënd

Si standard, profili yt i përdoruesit përfshin informacione kyçe që mund të ndryshojnë në varësi të faktit nëse je pritës, vizitor ose të dyja.

Si pritës, ky informacion përfshin:

• Emrin
• Vitin kur je regjistruar në Airbnb
• Vitet si pritës në Airbnb
• Vlerësimin mesatar me yje
• Nëse informacioni i llogarisë sate është konfirmuar, si identiteti ose emaili yt
• Recensionet nga vizitorët
• Recensionet që ke lënë
• Nëse je anëtar i Bordit këshillimor të pritësve
• Nëse je një mbështetës i Airbnb.org
• Nëse je një superpritës

Si vizitor, ky informacion përfshin:

• Emrin
• Vitin kur je regjistruar në Airbnb
• Nëse informacioni i llogarisë sate është konfirmuar, si identiteti ose emaili yt
• Recensionet nga pritësit
• Recensionet që ke bërë për qëndrimet

Cili informacion është me zgjedhje në profilin tënd

Informacioni që shton në profil, përveç informacionit të përshkruar më sipër, është me zgjedhje. Kjo do të thotë se çfarë lloj informacioni dhe sa i tillë do të përfshihet. Je ti që vendos, nëse do të shtosh gjuhët që flet, interesat ose sportet që ushtron. Dije se nuk mund të modifikosh dekadën kur ke lindur ose listën e udhëtimeve të kaluara, por mund t'i fshehësh ato fusha në mënyrë që të mos shfaqen në profilin tënd. Mos harro se të gjitha informacionet që jep në profilin tënd duhet të përmbushin standardet e rregullores së përmbajtjeve.

Nëse je pritës, merr parasysh se si mund të mendojë vizitori për informacionin që përfshin, pasi mund të përcaktojë pritshmëritë për të. Për shembull, nëse përfshin "Çfarë ka për mëngjes", një vizitor mund të presë që do të jesh ti që e përgatit atë dhe që ofron gjëra shtesë dhe kjo gjë, në disa vende, mund të ketë edhe pasoja tatimore dhe rregullatore.

Dhe ndërsa i inkurajojmë të gjithë përdoruesit të kenë fotografi profili dhe kjo gjë për pritësit është e detyrueshme, fotografitë e profilit të vizitorëve nuk do të shfaqen gjithsesi deri sa të jetë bërë prenotimit.

Si të modifikosh fotografinë e profilit tënd

Përditëso cilësimet e profilit në mënyrë që të mos mund të kërkohet nga motorët e kërkimit (si p.sh.: Google)

Aktivizo/Çaktivizo për të përfshirë profilin dhe listimet në rezultatet e motorëve të kërkimit.

Ku tjetër mund të shfaqet informacioni i profilit

Çdo informacion i shfaqur në profilin tënd të përdoruesit mund t'iu shfaqet përdoruesve të tjerë të komunitetit të Airbnb. Informacioni yt mund t'u vihet në dukje edhe përdoruesve të Airbnb, jashtë profilit tënd.

Për pritësit e dhomave, ky informacion përfshin:

• Shfaqja paraprake e profilit te kërkimet: Në rezultatet e kërkimit mund të përfshijmë një pamje paraprake të profilit tënd si pritës, kur vizitorët kërkojnë një dhomë në Airbnb.
• Informacione kryesore të punësimit në rezultatet e kërkimit: Punësimi që shton në profil mund të shfaqet në rezultatet e kërkimit bashkë me listimin tënd. Mëso se si ta përditësosh këtë fushë.
• Faqja e listimit: Ne gjithashtu mund të shfaqim një pamje paraprake të profilit në faqen tënde të listimit.

Për të gjithë pritësit, ky informacion përfshin:

• Faqja e listimit: Njerëzit mund ta vizitojnë profilin tënd duke shtypur fotografinë e profilit në faqen e listimit.

Për të gjithë vizitorët, ky informacion përfshin:

• Kur kërkon të prenotosh: Pritësit i shfaqet një version i kufizuar i profilit tënd, nëse kërkon të prenotosh një qëndrim. Në këtë rast, para prenotimit, e fshehim fotografinë tënde të profilit, por shfaqim emrin dhe recensionet e tua. Mund të shfaqim edhe detaje të tjera nga profili yt, si udhëtimet e kaluara, vendndodhja në të cilën ndodhesh, gjuhët që flet dhe interesat e tua.
• Recensionet në faqet e listimit: Nëse një vizitor i ardhshëm po viziton një listim, do t'i shfaqen si recensionet e listimit, ashtu edhe ato që ti ke shkruar. Vizitorët mund ta vizitojnë profilin tënd të plotë nga çdo recension i bërë prej teje.

Si përdoren informacionet e tua personale?

Informacionin e profilit tënd, si informacionet e tjera personale, e përdorim në përputhje me Politikat e privatësisë. Për të mësuar më shumë, kliko këtu.