Aktivitetet e paligjshme dhe të ndaluara

Airbnb nuk lejon aktivitete të paligjshme dhe sjellje të tjera që mund të dëmtojnë komunitetin tonë.

Çfarë lejohet

• Zotërimi dhe konsumimi personal i kanabisit: Në vende ku ai është i ligjshëm dhe nuk shkel asnjë nga rregullat e shtëpisë, të rriturit mund të konsumojnë kanabis.
• Kultivimi i kanabisit: Atje ku lejohet me ligj dhe brenda kufijve të zonës, pritësit mund ta rritin dhe ta përpunojnë kanabisin ose kërpin në pronën e tyre nëse e deklarojnë një gjë të tillë.

Çfarë nuk lejohet

• Shfrytëzimi seksual i fëmijëve: Ndalohet detyrimi, manipulimi ose joshja e dikujt nën 18 vjeç, pavarësisht ligjeve vendore, për t'u përfshirë në aktivitet seksual, qoftë personalisht ose online. Mëso më shumë.
• Trafikimi i qenieve njerëzore: Ndalohet rekrutimi, strehimi, transportimi, transferimi ose marrja e një individi me forcë, mashtrim ose detyrim, për qëllime pune ose shfrytëzimi seksual. Mëso më shumë.
• Puna seksuale me pagesë: Qëndrimet, përvojat ose pronat përreth nuk duhet të përdoren për shërbime seksuale me pagesë, siç janë masazhet erotike ose prostitucioni.
• Ndërmjetësimi i punëve seksuale: Vizitorët nuk duhet të kërkojnë dhe pritësit nuk duhet të promovojnë ose të ofrojnë shërbime seksuale me pagesë.
• Pornografia komerciale: Qëndrimet, përvojat ose pronat përreth nuk duhet të përdoren për prodhimin e pornografisë komerciale, fotografive ose videove.
• Drogat e paligjshme: Drogat e paligjshme ose me përdorim të kufizuar, siç janë opiumi, opiatet, opioidet, koka dhe kokaina, stimulantët e tipit amfetaminë, depresantët e sistemit nervor qendror dhe halucinogjenët nuk duhet të jenë të pranishëm ose të përdoren gjatë qëndrimeve, përvojave ose pronave përreth, përveç rasteve kur janë me recetë nga mjeku për një problem shëndetësor.
• Përpunimi dhe prodhimi i drogës: Qëndrimet, përvojat ose pronat përreth nuk duhet të përdoren për përpunimin ose prodhimin e drogave të paligjshme nga lëndë të para dhe/ose bimë.
• Kultivimi i drogës: Qëndrimet, përvojat ose pronat përreth nuk duhet të përdoren për rritjen ose kultivimin e bimëve prej të cilave rafinohen drogat e paligjshme, me përjashtim të kanabisit.
• Shpërndarja e drogës: Qëndrimet, përvojat ose pronat përreth nuk duhet të përdoren për të shitur, dhuruar, trafikuar ose shpërndarë drogë, duke përfshirë kanabisin, edhe nëse është e ligjshme ta bësh këtë në zonën tënde.

Jemi këtu për të ndihmuar

Nëse ti ose dikush tjetër ndiheni të kërcënuar ose të pasigurt apo dyshoni për shfrytëzim seksual të fëmijëve ose trafikim njerëzish, kontakto fillimisht me autoritetet lokale të zbatimit të ligjit për të kërkuar ndihmë. Përveç kësaj, nëse je dëshmitar ose subjekt sjelljesh që janë kundër rregulloreve tona, të lutemi të na njoftosh.