Rregullorja e komunitetit
Të qenit një fqinj i mirë
Të qenit një fqinj i mirë
Respekti duhet të shtrihet përtej komunitetit të Airbnb deri tek ata rreth nesh. Ky respekt nënkupton edhe të mos i bezdisësh fqinjët me grumbullime, zhurmë ose sjellje apo veprime të tjera shqetësuese.
Çfarë lejohet
- Rregullat e hartuara nga pritësi: Ne i inkurajojmë pritësit të shpjegojnë qartë pritshmëritë që kanë për vizitorët e tyre te rregullat e shtëpisë, përshkrimet e listimit dhe gjatë bashkëbisedimeve në Airbnb. Airbnb vendos standarde minimale, por pritësit duhet të marrin në konsideratë përfshirjen e informacioneve shtesë ose udhëzimeve të personalizuara për lagjen e tyre.
- Evente të mikpritjes profesionale: Vetëm bizneset e mikpritjes profesionale, si hotelet ose strukturat me fjetje dhe mëngjes mund të organizojnë evente në shkallë të gjerë, me kusht që të mos krijojnë shqetësim në zonën përreth dhe për komunitetin.
Çfarë nuk lejohet
- Grumbullimet shqetësuese: Grumbullimet që kërcënojnë sigurinë ose shqetësojnë komunitetin përreth nuk lejohen, pavarësisht numrit të personave. Mëso më shumë rreth rregullave tona të shqetësimit të komunitetit, duke përfshirë rregullat kundër festave dhe eventeve shqetësuese.
- Listimet “Shtëpi festash”: Përveç rasteve kur pritja e vizitorëve bëhet nga një biznes i mikpritjes profesionale, pritësit nuk duhet të inkurajojnë apo të lejojnë grumbullime, festa ose evente shqetësuese në përshkrimet e listimeve të tyre ose gjetkë.
- Bezdisja e komunitetit: Nuk lejohen sjellje dhe veprime shqetësuese, ku përfshihet pirja e tepruar e duhanit në prani të fqinjëve ose pirja e duhanit në zonat ku ndalohet një gjë e tillë, ndotja me mbeturina, zhurmat e tepruara ose pengimi i fqinjëve të hyjnë në banesat e tyre.
Jemi këtu për të ndihmuar
Nëse ti ose dikush tjetër ndiheni të kërcënuar ose të pasigurt, kontakto fillimisht me autoritetet lokale të zbatimit të ligjit për të kërkuar ndihmë. Përveç kësaj, nëse je dëshmitar ose përjeton një sjellje që bie ndesh me rregulloret tona, të lutemi të na njoftosh.
Megjithëse këto udhëzime nuk mbulojnë çdo skenar të mundshëm, ato janë hartuar për të ofruar udhëzime të përgjithshme për rregulloret e komunitetit të Airbnb.
A të erdhi në ndihmë ky artikull?
Artikuj të ngjashëm
Rregullorja e përmbajtjes dhe koronavirusi
Mëso më shumë rreth Rregullores së përmbajtjes së Airbnb, specifike për COVID-19.- Vizitor
Si të ndihmosh në ndalimin e trafikimit të qenieve njerëzore
Airbnb ka bashkëpunuar me Polaris për të përforcuar të kuptuarit nga ana e komunitetit të trafikimit të qenieve njerëzore, duke të ndihmuar … - Vizitor
Kur një fqinj raporton një problem
Udhëzime për pritësit kur një fqinj raporton një problem.
Kërko ndihmë për rezervimet, llogarinë e më shumë.
Hyr ose regjistrohu