Edhe pse ndodh rrallë, ndonjëherë një pritës mund të ketë nevojë të anulojë një rezervim. E kuptojmë se kjo mund të ndikojë shumë në planet e tua. Mos u shqetëso, nëse pritësi yt e anulon rezervimin tënd për banesën e tij para regjistrimit, do të marrësh rimbursim të plotë.
Nëse pritësi yt e anulon rezervimin tënd para regjistrimit, do të marrësh rimbursim të plotë, duke përfshirë tarifat e shërbimit, nëse vendos të mos prenotosh sërish.
Në varësi të kualifikimit, mund të marrësh kredit prenotimi nga Airbnb, të cilin mund ta përdorësh për të bërë menjëherë një rezervim tjetër. Nëse nuk e përdor brenda 72 orësh, në vend të kësaj do të marrësh automatikisht rimbursim të plotë. Nëse nuk kualifikohesh për të marrë kredit prenotimi, rimbursimi yt do të kryhet menjëherë. Mëso më shumë se si funksionon krediti i prenotimit.
Rimbursimi yt do të dërgohet në mënyrën e pagimit që ke përdorur kur ke prenotuar. Koha që të duhet për të marrë paratë varet nga banka ose institucioni yt financiar. Gjej afatet e zakonshme të rimbursimit.
Çdo prenotim i bërë në Airbnb vjen me AirCover për vizitorët; asistencë për vizitorët që hasin probleme me prenotimin e tyre. Nëse pritësi yt anulon, do të të ndihmojmë të prenotosh sërish një vendqëndrim të ngjashëm, duke marrë parasysh vendndodhjen dhe shërbimet, në bazë të disponueshmërisë me çmime të krahasueshme.
Kur ndodh një anulim, do të marrësh një email me të gjitha detajet, duke përfshirë informacionin për rimbursimin tënd.
Nëse pritësi të njofton se nuk mund të të ofrojë më qëndrimin, mos e anulo ti rezervimin në vend të tij. Në vend të kësaj, dërgoji një mesazh duke i kërkuar të anulojë. Në këtë mënyrë, do të kualifikohesh për të marrë rimbursim të plotë.