Detaje të mirëmenduara që u pëlqejnë vizitorëve

Do të krijosh kushtet e një përvoje mbresëlënëse për vizitorët e tu? Nuk është e thënë të kesh domosdoshmërisht një hapësirë super luksoze apo shërbimet e fjalës së fundit. Por mund të konsiderosh disa përkujdesje të vogla që mund të bëjnë shumë përshtypje, si ofrimi i kafesë së preferuar vendase ose një shënim mirëseardhjeje me shkrim dore. Pritësit mund të shkruajnë aty disa sugjerime të thjeshta dhe ekonomike për t'ua bërë qëndrimin të paharrueshëm vizitorëve.

Ndodh shpesh që vizitorët të mbërrijnë të lodhur dhe pak të çorientuar. Bëji të ndihen të mirëpritur në momentin që hyjnë në derë.

• Përgatit një shportë mirëseardhjeje. "Kam një shportë mirëseardhjeje me drithëra tërshëre të gatshme, energy bars, fruta të thata, biskota dhe kokoshka për mikrovalë që t'i kenë gati në rast se kanë pasur një fluturim të gjatë dhe nuk mund të bëjnë pazar menjëherë.” —Carrie, Qyteti i Nju Jorkut
• Lër një shënim të personalizuar. "Një nga gjërat që u pëlqen vizitorëve është një kartë me një mesazh të personalizuar. Unë përdor një kartë me pamje të qytetit tim São Paulo, të krijuar nga artistë të rinj." —Priscilla dhe Gabriel, São Paulo
• Siguro një vend për valixhen e tyre. "Kam vendosur një mbajtëse valixhesh në këmbët e çdo krevati. Më pëlqen që lëvizen lehtë nëse dikush dëshiron t'i heqë për të krijuar më shumë hapësirë ose kur pastroj." —Allison, Traverse City, Miçigan

Pasi të kesh krijuar gjithë kushtet minimale, përdori ato si pikënisje për ta përmirësuar edhe më tej mikpritjen tënde.

• Vër në dispozicion artikuj rezervë. "Sigurohu që të kesh vënë në dispozicion një sasi të mjaftueshme peshqirësh, shtrojash rezervë, sapunësh dhe shampo." —Susan, Covington, Georgia
• Siguro artikuj të mirë tualeti. "Unë u jap vizitorëve peceta profesionale për heqjen e tualetit.” —Beverlee dhe Suzie, Oakland, Kaliforni (Bonus: Ato shërbejnë edhe që të shmangësh njollat e vështira nga çarçafët dhe peshqirët!)
• Përmirëso edhe kushtet e banjës. "Une e palos gjithmonë fundin e letrës higjienike. Është diçka e vogël në dukje, por krijon idenë e diçkaje të pastër dhe tregon se kujdesesh.” —Emma-Kate, San Francisko
• Shto një detaj luksi. "U lë në dispozicion vizitorëve robdeshambër të rehatshëm të bardhë. Vizitorët i veshin ato kur hyjnë në spa ose thjesht për rehati. —Linda, La Quinta, Kaliforni

Pjesë e emocionit të udhëtimeve është zbulimi i shijeve, aromave, pamjeve dhe veçantive të një destinacioni. Ndaj disa nga preferencat e tua me vizitorët.

• Bëje mëngjesin një vakt mbresëlënës. "Unë ofroj një dhuratë të vogël të zonës për mëngjes, në varësi të sezonit, mjaltë të veçantë dhe të rrallë të prodhuar nga fermerët e maleve, djathë të zonës të bërë vetë ose lëng të freskët dhe fruta nga fermerët disa fshatra më tutje." —Claudia, Pylli i Zi, Gjermani
• Mendo 360 gradë. "Unë jam në Portland dhe dua që vizitorët ta ndiejnë këtë qytet në çdo aspekt të qëndrimit të tyre. Sepse kjo është Airbnb! Ofroj birra vendase artizanale, lule nga kopshti im, shumë libra për qytetin, ushqime të lehta organike vendase dhe gazetën e Oregonit që vjen çdo ditë. Blej edhe revista vendase. Kafja e mirë në Portland është diçka thelbësore, por edhe ajo me krem qumështi." —Lisa, Portland, Oregon
  
• Personalizo përvojën. "Nëse vizitorët e mi festojnë një ditëlindje në fundjavë, do t'u lë disa ëmbëlsira karakteristika vendase." —Tiffany, Hollywood Beach, Kaliforni
• Dhuroju një suvenir të vogël. "Lë jashtë një kartolinë me pamjen e një sheshi të bukur ose një atraksioni vendas, që vizitori mund ta mbajë vetë ose ta dërgojë në shtëpi." —Debi, Thousand Oaks, Kaliforni

Shërbimet praktike janë ato që mund të bëjnë dallimin midis një udhëtimi të shkëlqyer dhe një udhëtimi zhgënjyes. Kremi i diellit, kutia e ndihmës së shpejtë, përshtatësit për kompjuterë e të tjera si këto, u zgjidhin punë vizitorëve.

• Krijo lehtësira për vizitorët edhe kur dalin jashtë. "Artikuj plazhi: karrige, çadër, shall plazhi, raketa tenisi, çantë frigoriferike, letra, lodra për fëmijë dhe top futbolli. Paketë kundër mushkonjave: spërkatës kundër mushkonjave ose qirinj me erë limoni.” —Danielle, Rio de Janeiro
• Merr parasysh klimën e vendit. "Blemë 10 mushama shiu njëpërdorimëshe, me material shumë të hollë e të lehtë plastik. Ndodh që kur mbërrijnë vizitorët, moti është i shkëlqyer e më pas ia beh një shi i rrëmbyer para se të largohen." —Till dhe Jutta, Shtutgart, Gjermani
• Vër në dispozicion një tharëse flokësh dhe hekur. "Tharësja e flokëve dhe hekuri janë artikuj të lirë dhe vënia e tyre në dispozicion në pronën tënde tregon se ke menduar për gjërat e vogla që mund t'i zgjidhin punë një vizitori". —Richard, Lenoks, Masaçusets
• Shto disa shërbime për familjen. "Një gjë shumë e thjeshtë, por që preferohet gjithmonë: karroca e vjetër me jastëkë për të shëtitur fëmijët e vegjël". —Chantal, Dinan, Francë

Nuk di ende nga t'ia fillosh? Qëndro në hapësirën tënde për një natë për ta përjetuar atë si vizitor. Kushtoji vëmendje të veçantë përshtypjeve të vizitorëve të tu, pasi ofrojnë një shumëllojshmëri perspektivash dhe idesh për të cilat mund të mos të të ketë vajtur mendja më parë. Me kalimin e kohës, do të gjesh mënyrën më të mirë për ta çuar listimin një nivel më lart. Merr recensione të shkëlqyera!