Zgjero rrjetin tënd të pritësve
Me një prani të fortë lokale, do të përmirësosh aftësinë tënde për të zbuluar pritës që kanë nevojë për ndihmën tënde. Një përzierje e marketingut në internet dhe të atij me pjesëmarrje fizike i ndihmon pritësit të mësojnë rreth disponueshmërisë sate dhe përhap fjalën për shërbimet e tua të bashkëpritjes së vizitorëve.
Gjetja e pritësve që duan ndihmë
Megjithëse pritësit mund të të gjejnë gjithmonë përmes faqes fillestare të bashkëpritësve me përvojë, është një ide e mirë të krijosh një rrjet me pritës në komunitetin tënd. Disa bashkëpritës të suksesshëm kanë hapur një faqe në LinkedIn, Instagram ose Facebook për shërbimet e tyre të bashkëpritjes së vizitorëve.
Provo të gjesh mundësi për të marrë pjesë në eventet e rrjetëzimit me pjesëmarrje fizike, ku mund të takosh pritës që kërkojnë bashkëpritës në zonën tënde.
Jimmy, një bashkëpritës me përvojë në Palm Springs, Kaliforni, thotë se ka gjetur pritës "kryesisht gojë më gojë në zonën time". Mund të zbulosh një pritës kur e pret më pak: Jimmy kohët e fundit ka gjetur dy prona të reja përmes pastruesit të tij të pishinës.
Edhe Dominic, një bashkëpritës me përvojë në Cornwall, Angli, ka pasur një përvojë të ngjashme. "Ka qenë thjesht diçka spontane", thotë ai. "Dhe ka qenë një ritëm që kam mundur ta menaxhoj."
Pasi ta kesh pozicionuar vetën, mund të gjesh mënyra për t'u dalluar. Kjo mund të përfshijë krijimin e gjërave të tilla si:
Një buletin informativ ose blog për t'i mbajtur pritësit të përditësuar
Një set mirëseardhjeje për vizitorët
Shërbime të personalizuara për pritësit ose vizitorët
Udhëzues për zbritjet lokale
Si të dërgosh rekomandime
Nëse gjen një pritës jashtë platformës së shërbimeve të bashkëpritësit me përvojë, mund të konsiderosh ta ftosh atë të bashkëpunojë me ty duke i dërguar një link rekomandimi nga paneli i veprimeve të platformës së bashkëpritësve me përvojë. Megjithëse nuk është e nevojshme të shtosh një pritës të ri në skedën e kërkesave, kjo mund të jetë një mënyrë efektive për të qëndruar i organizuar.
Informacioni në këtë artikull mund të ketë ndryshuar që nga publikimi.