Fito para sipas kushteve të tua
Bashkëpritësit me përvojë janë vendas që ndihmojnë në menaxhimin e ambienteve të pritësve të tjerë. Ti zgjedh se çfarë shërbimesh të ofrosh dhe se sa të tarifosh.
Disa shembuj se për çfarë u nevojitet ndihmë pritësve përfshijnë: krijimin e një listimi, përditësimin e kalendarit dhe çmimit, komunikimin me vizitorët, menaxhimin e prenotimeve, mbështetjen e vizitorëve gjatë qëndrimit të tyre, shkrimin e recensioneve, ndihmën për regjistrimin dhe çregjistrimin dhe kujdesjen për pastrimin dhe mirëmbajtjen.
Si të kontrollosh nëse kualifikohesh
Platforma e shërbimeve të bashkëpritësve me përvojë u ofron pritësve dhe bashkëpritësve me përvojë një mënyrë për t'u lidhur personalisht dhe për të eksploruar mënyrat e bashkëpunimit. Është e disponueshme në Australi, Brazil, Kanada, Francë, Gjermani, Itali, Meksikë, Spanjë, Mbretëri e Bashkuar dhe SHBA. Nëse jeton diku tjetër, regjistrohu në listën tonë të pritjes.
Për t'u bërë bashkëpritës me përvojë, duhet të respektosh të gjitha ligjet dhe rregulloret vendore të zbatueshme dhe të përmbushësh kërkesat e mëposhtme brenda 12 muajve të fundit:
Ke menaxhuar 10 ose më shumë qëndrime si pritës ose bashkëpritës në Airbnb dhe ke një pozitë të mirë
Ke një vlerësim mesatar nga vizitorët prej 4,8 e lart në të gjitha llogaritë dhe listimet që menaxhon
Norma jote e anulimit është më pak se 3%, me përjashtime të bëra për disa arsye të vlefshme jashtë kontrollit tënd
Është përgjegjësia jote të kesh licencat ose regjistrimet e nevojshme për të qenë një bashkëpritës me përvojë në zonën tënde dhe të dish se çfarë rregulloresh zbatohen për ty. Në disa zona kërkohet licenca e ndërmjetësit të pasurive të paluajtshme. Mëso më shumë rreth Kushteve të shërbimit.
Si të bëhesh një bashkëpritës me përvojë
Nëse kualifikohesh, apliko për t'u bërë pjesë e platformës së shërbimeve të bashkëpritësve me përvojë. Pasi të kesh përfunduar profilin, pritësit që kërkojnë ndihmë në zonën tënde mund ta gjejnë atë dhe të të dërgojnë mesazh.
Do të kesh mundësi të kesh qasje në një sërë mjetesh që të ndihmojnë ta menaxhosh biznesin sipas mënyrës sate. Këto të lejojnë t'u dërgosh mesazhe pritësve, të bashkëkrijosh listime dhe të përcaktosh me pritësit se çfarë pjese të shlyerjes së pagesës së një prenotimi merr.
Do të të dërgojmë një ftesë për t'u bërë pjesë e një kanali Slack* që lidh një komunitet aktiv bashkëpritësish me përvojë, ku mund të bësh pyetje dhe të japësh këshilla.
Frymëzohu nga bashkëpritës të tjerë
Merr pjesë në një uebinar për të bërë pyetje dhe për të mësuar nëse përshtatesh për bashkëpritjen e vizitorëve me përvojë. Mund të gjesh frymëzim edhe nga historitë e atyre që e kanë provuar tashmë këtë gjë.
John, një bashkëpritës me përvojë në Scottsdale, Arizona, u bë pritës në vitin 2015 dhe bashkëpritës tre vjet më parë. "Tashmë Airbnb më ka hyrë në gjak", thotë ai. Me kalimin e kohës, ai mësoi se çfarë funksionon për të dhe çfarë jo, kur bëhet fjalë për pritjen e vizitorëve. Ai po e ndante tashmë këtë njohuri me pritësit me të cilët ka punuar. Kur dëgjoi për bashkëpritjen e vizitorëve nga pritës me përvojë, mendoi: "Po, dua ta provoj këtë. Kjo tingëllon fantastike".
Sabrina, një bashkëpritëse me përvojë në Denver, Kolorado, ishte menaxhere e pronës kur filloi me bashkëpritjen e vizitorëve në vitin 2015. "Ështëjashtëzakonisht e rëndësishme që t'i sjellësh vlerë të shtuar pronarit dhe listimit të tij", thotë ajo. "Nëse je pa përvojë, bëj çmos për të fituar përvojë duke ndihmuar një mik ose anëtar të familjes, duke pritur vizitorë në listimin tënd ose duke ofruar ndihmë për disa gjëra me radhe në pritjen e vizitorëve, derisa gjatë këtij procesi të bëhesh ekspert".
*Slack nuk është një mjet teknologjik dhe ofrohet sipas mundësisë. Platforma e shërbimeve të bashkëpritësve me përvojë rezervon të drejtën t'i heqë qasjen një bashkëpritësi me përvojë që shkel rregulloret e Airbnb dhe përdorimi i saj i nënshtrohet gjithashtu Kushteve të shërbimit dhe Rregullores së privatësisë të Slack.
Ky është një shërbim platforme, i mundësuar nga Airbnb Living LLC, Airbnb Global Services Limited dhe Airbnb Plataforma Digital Ltda dhe platforma Luckey ofrohet nga Luckey SAS.
Informacioni në këtë artikull mund të ketë ndryshuar që nga publikimi.