Mënyra fleksibël për të kërkuar

Kërko qëndrime mujore

Dëshiron të qëndrosh pak më gjatë? Kemi prezantuar një mënyrë më të thjeshtë dhe më fleksibël për të kërkuar qëndrime mujore. Listimet që pranojnë qëndrime mujore (28 net e lart) mund të ofrojnë shumë përfitime, nga shërbimet që i bëjnë vizitorët të ndihen si në shtëpi deri te çmimet me zbritje.

Si funksionon

Vizitorët mund të zgjedhin skedën "Muaj" për të shtuar datën e fillimit dhe ta personalizojnë lehtësisht kohëzgjatjen e qëndrimit të tyre duke përdorur një numërator inovativ.

Filloje që ditën e sotme, pas një jave ose një muaji, ose zgjidh një datë të caktuar në kalendar dhe më pas përdor numëratorin për të zgjedhur se sa muaj do të qëndrosh. Gjithashtu, mund të zgjidhen data fleksibël fillimi dhe mbarimi.

Rezultatet e kërkimit për qëndrime mujore do të shfaqin çmimet mesatare mujore dhe faqet e listimit do të nxjerrin në pah shërbimet më të kërkuara për qëndrime më të gjata, përveç atyre që përputhen me filtrat e kërkimit. Kur kontrollon recensionet e një listimi, zakonisht do të shfaqen të parët ata vizitorë që kanë qëndruar 28 net ose më shumë.

Kërko sipas kategorive

I ke çantat gati dhe nuk di nga të shkosh? Nëse vizitorët kanë nevojë për frymëzim, mund të shfletojnë koleksionet e Kategorive të Airbnb në bazë të stilit unik të qëndrimit, vendndodhjes ose afërsisë me një aktivitet, për t'i ndihmuar ata të gjejnë qëndrimin (dhe stilin) e duhur për ta. Vizitorët mund të zbulojnë mënyra më fleksibël për të udhëtuar, duke shfletuar miliona banesa që nuk e dinin se ekzistonin.

Nëse vizitorët duan të qëndrojnë në një shtëpi ëndrrash arkitekturore (mendo Frank Lloyd Wright), mund të vizitojnë kategorinë "Me stil", një koleksion me mbi 20 000 banesa të zgjedhura për strukturën dhe ambientet e tyre të brendshme ikonike. Nëse vizitorët duan të qëndrojnë në mes të natyrës, mund të shfletojnë kategorinë "Parqe Kombëtare" për të gjetur banesa pranë vendeve të tilla si Parku Kombëtar i Zionit dhe Grand Canyon.

Si funksionon

Nëse një vizitor kërkon një destinacion të caktuar, rezultatet e kërkimit do t'i përfshijnë të gjitha listimet. Përveç kësaj, do të shfaqen kategoritë, duke e bërë edhe më të thjeshtë zbulimin e banesave të mahnitshme brenda (ose pranë) zonës së kërkimit.

Nëse nuk kërkojnë një destinacion specifik, një përzgjedhje e kategorive mund të shfaqet në varësi të sezoneve, vendndodhjes dhe çdo kërkimi të mëparshëm të vizitorëve.

Kërko sipas Qëndrimeve të ndara

Dëshiron t'i ndash qëndrimet më të gjata midis dy banesave të ndryshme?

Vizitorët mund të provojnë të përdorin Qëndrimet e ndara, një veçori që lidh dy qëndrime të njëpasnjëshme brenda intervalit të datave të caktuara, duke u mundësuar atyre të eksplorojnë banesa, lagje apo edhe destinacione të ndryshme gjatë udhëtimit të tyre.

Për shembull, nëse po shfletojnë kategorinë Sërf, veçoria Qëndrime të ndara mund t'u shfaqë dy banesa në Santa Barbara dhe La Jolla dhe më pas të shfaqë distancën midis dy qëndrimeve në një hartë, në mënyrë që të dinë se ku janë dy banesat (dhe cili qëndrim është i pari). Pasi të zgjedhin një qëndrim të ndarë, do të udhëzohen përmes një ndërfaqeje lehtësisht të përdorshme për të prenotuar çdo qëndrim për secilën banesë me radhë.

Lexo më shumë për të mësuar se si të prenotosh qëndrimet e ndara.