Shlyerjet e pagesave me transfertë elektronike ndërkombëtare bankare

Nëse transferta bankare ndërkombëtare është e disponueshme për vendin ose rajonin tënd, do të shfaqet si opsion kur të shtosh një mënyrë për shlyerjen e pagesës.

Çfarë është një transfertë bankare ndërkombëtare?

Transferta bankare ndërkombëtare është një pagesë elektronike që dërgon para në një monedhë të ndryshme nga monedha jote vendase. Ky lloj transferte vjen nga një bankë jashtë vendit tënd.

Tarifat që duhen marrë parasysh

Marrja e një transferte bankare ndërkombëtare mund të shoqërohet me tarifa:

• Banka jote: Mund të vendosë tarifa për pranimin e monedhës së huaj
• Bankat ndërmjetëse: Nëse fondet kalojnë përmes një banke tjetër, mund të zbatohen tarifa shtesë

Airbnb nuk kontrollon dhe as nuk i di saktësisht tarifat e aplikuara nga banka jote ose bankat ndërmjetëse dhe nuk mban përgjegjësi për asnjë tarifë të zbritur gjatë transfertave bankare ndërkombëtare.

Konfigurimi i transfertave bankare ndërkombëtare

Shtimi i një mënyre të re të shlyerjes së pagesës është i shpejtë dhe i lehtë, por mund të duhen deri në 2 ditë që mënyra e re të verifikohet. Ndërkohë që mënyra jote e shlyerjes së pagesës po verifikohet, ajo do të shfaqet si “Në pritje”.

Për të marrë shlyerje pagesash përmes transfertës bankare ndërkombëtare:

1. Vendos të dhënat e tua bankare lokale te preferencat e pagesës, edhe nëse banka jote bashkëpunon me një ndërmjetës
2. Në varësi të vendndodhjes sate, do të të duhet të vendosësh numrin e llogarisë ose IBAN-in, të cilin banka jote mund ta japë
3. Banka e Airbnb do të kujdeset për përpunimin e transfertës ndërkombëtare, kështu që nuk është nevoja të japësh informacion për bankat ndërmjetëse

Transfertat bankare ndërkombëtare kanë një kufi ditor transaksionesh të caktuar në 50 000 USD.

Kujdesu për sigurinë tënde

Gjithmonë komuniko, prenoto dhe paguaj përmes Airbnb. Nëse merr një mesazh të dyshimtë, raportoje në Airbnb përmes bashkëbisedimit tënd ose kontakto drejtpërdrejt me asistencën.