Kalo te përmbajtja
    Vazhdo përpara për të hyrë në rezultatet e sugjeruara

    Rregullorja e rrethanave lehtësuese dhe koronavirusi (COVID-19)

    Përditësuar më 1 korrik 2020

    Më 11 mars, Organizata Botërore e Shëndetësisë (OBSH) e shpalli epideminë e koronavirusit, të njohur si COVID-19, si një pandemi globale. Që atëherë, epidemia është zhvilluar me shpejtësi duke detyruar qeveritë anembanë botës të marrin me shpejtësi masa për të ngadalësuar përhapjen e COVID-19.

    Për këtë arsye, ne po ofrojmë mbulimin e mëposhtëm për COVID-19 në bazë të rregullores për rrethanat lehtësuese, me qëllim mbrojtjen e komunitetit tonë dhe garantimin e qetësisë mendore. Ju lutemi të kontrolloni herë pas here këtë faqe për përditësime lidhur me mbulimin.

    Sugjerim: Nëse je vizitor, mund të gjesh mundësi anulimi dhe rimbursimi duke zgjedhur udhëtimin në faqen Udhëtime. Zbulo se si. Nëse je pritës, do të gjesh informacion në panelin e veprimeve për pritjen e vizitorëve.

    Përmbledhje

    Rezervimet për qëndrime dhe Përvoja në Airbnb të bëra deri më 14 mars 2020, me datë regjistrimi në intervalin 14 mars - 15 gusht 2020, mbulohen nga rregullorja dhe mund të anulohen përpara regjistrimit. Vizitorët që anulojnë do të kenë mundësi anulimi e rimbursimi dhe pritësit do të mund të anulojnë pa pagesë dhe pa asnjë ndikim në statusin e tyre të superpritësit. Airbnb do të japë rimbursim ose kredit udhëtimi që përfshin të gjitha tarifat e shërbimit për anulimet e mbuluara. Për të anuluar bazuar në rregullore, do të të kërkohet të vërtetosh faktet dhe/ose të japësh dokumentacion mbështetës për rrethanën lehtësuese.

    Rregullorja e anulimit të pritësit do të zbatohet si zakonisht për rezervimet e bëra pas datës 14 mars 2020.

    Anulimet do të trajtohen sipas mbulimit të rrethanave lehtësuese në fuqi në momentin e dërgimit dhe rezervimet që janë anuluar tashmë nuk do të merren më parasysh.

    Nëse një rezervim ka filluar tashmë (regjistrimi ka kaluar) kjo rrethanë lehtësuese nuk zbatohet.

    Rregullore të ndryshme zbatohen për rezervime brenda vendit në Kinën kontinentale dhe për rezervimet e Luxe ose Luxury Retreats.

    Cilat rezervime mbulohen

    Rezervimet e bëra deri më 14 mars 2020

    Rezervimet për qëndrime dhe Përvoja në Airbnb të bëra deri më 14 mars 2020, me datë regjistrimi në intervalin 14 mars - 15 gusht 2020, mund të anulohen përpara regjistrimit. Kjo do të thotë se vizitorët që anulojnë sipas rregullores do të marrin rimbursim të plotë ose kredit udhëtimi në shumën që kanë paguar (aty ku ka kredit udhëtimi), pritësit do të mund të anulojnë sipas rregullores pa asnjë ndikim në statusin e tyre të superpritësit dhe Airbnb do të rimbursojë ose do të lëshojë kredit udhëtimi në shumën që përfshin të gjitha tarifat e shërbimit.

    Rezervimet për qëndrime dhe Përvoja në Airbnb të bëra deri më datë 14 mars 2020, me datë regjistrimi pas datës 15 gusht 2020, aktualisht nuk mbulohen nga rrethanat lehtësuese që lidhen me COVID-19. Rregullorja e anulimit të pritësit do të zbatohet si zakonisht.

    Nëse një rezervim ka filluar tashmë (regjistrimi ka kaluar) kjo rrethanë lehtësuese nuk zbatohet.

    Rezervimet e bëra pas datës 14 mars 2020

    Rezervimet për qëndrime dhe Përvoja në Airbnb të bëra pas datës 14 mars 2020 nuk do të mbulohen nga rregullorja e rrethanave lehtësuese, përveç rastit kur vizitori ose pritësi është prekur nga COVID-19. Rrethanat e lidhura me COVID-19 që nuk mbulohen përfshijnë: ndërprerjet dhe anulimet e transportit; këshillat zyrtare dhe kufizimet e udhëtimit; këshillat zyrtare shëndetësore dhe karantinat; ndryshimet e ligjit në fuqi; dhe urdhra të tjerë qeveritarë si evakuimi, mbyllja e kufijve, ndalimi i qirave afatshkurtra dhe kërkesat e strehimit në vend. Rregullorja e anulimit të pritësit do të zbatohet si zakonisht.

    Rregullorja e rrethanave lehtësuese synon të mbrojë vizitorët dhe pritësit nga rrethanat e paparashikuara që lindin pas prenotimit. Pas shpalljes së COVID-19 si pandemi globale nga Organizata Botërore e Shëndetësisë, Rregullorja e rrethanave lehtësuese nuk zbatohet më sepse COVID-19 dhe pasojat e saj nuk janë më të paparashikuara ose të papritura. Mos harro të lexosh me kujdes Rregulloren e anulimit të pritësit gjatë prenotimit dhe konsidero zgjedhjen e një alternative që garanton fleksibilitet.

    Si funksionon

    Nëse je vizitor, mund të gjesh mundësi anulimi ose rimbursimi duke zgjedhur udhëtimin në faqen Udhëtime. Zbulo se si. Nëse je pritës, do të gjesh informacion në panelin e veprimeve për pritjen e vizitorëve.

    Përditësime dhe materiale burimore për koronavirusin

    Kemi përgatitur në Qendrën burimore artikuj për t'i ardhur në ndihmë komunitetit tonë gjatë kësaj kohe. Mund të gjesh informacionin më të fundit për masat tona kundër COVID-19, nga përditësimet e rregulloreve deri te materialet burimore për pritësit dhe vizitorët.

    Mund të lexosh gjithashtu Rregulloren e rrethanave lehtësuese për të mësuar rreth mbulimit të rrethanave që nuk lidhen me COVID-19.

    U kërkojmë të gjithë anëtarëve të komunitetit të jenë respektues, gjithëpërfshirës dhe të zbatojnë Rregulloren e mosdiskriminimit kur bashkëveprojnë me anëtarë të tjerë të komunitetit tonë.

    Do të vazhdojmë të shqyrtojmë zbatimin e kësaj rregulloreje. Kontrolloje këtë faqe herë pas here për përditësime dhe informacione të reja. Nëse ke bërë një rezervim deri më 14 mars 2020, me datë regjistrimi pas datës 15 gusht 2020, kthehu sërish këtu më 15 korrik 2020 për t'u njohur me përditësimet.

    Artikuj të ngjashëm
    E morët ndihmën që ju duhej?

    Hyni në llogari për asistencë të personalizuar

    Kërkoni ndihmë për rezervimet, llogarinë dhe më shumë.
    Regjistrohu