Sugjerimet do të shfaqen pasi të kesh shkruar të dhënat e kërkimit. Përdor shigjetat lart e poshtë për t'i shqyrtuar. Shtyp "enter" për të zgjedhur. Nëse përzgjedhja është një frazë, kjo frazë do të dërgohet për kërkim. Nëse sugjerimi është një link, shfletuesi do të shkojë në atë faqe.
Rregullorja e komunitetit

Rregullorja e rrethanave lehtësuese dhe koronavirusi (COVID-19)

Shënim: Duke filluar nga data 31 maj 2022, po përditësojmë mbulimin për COVID-19 në bazë të Rregullores së rrethanave lehtësuese:

• Për rezervimet e bëra nga data 31 maj 2022 e tutje, rrethanat e mëposhtme që lidhen me COVID-19 nuk mbulohen më (me përjashtim të rezervimeve brenda vendit në Korenë e Jugut). Përndryshe, do të zbatohet si zakonisht Rregullorja e anulimit të pritësit.

• Për rezervimet e bëra para datës 31 maj 2022, rrethanat e mëposhtme që lidhen me COVID-19 do të vazhdojnë të mbulohen.

Përditësuar më 31 maj 2022

Më 11 mars 2020, Organizata Botërore e Shëndetësisë (OBSH) e shpalli epideminë e koronavirusit, të njohur si COVID-19, si një pandemi globale. Që atëherë, epidemia ka përparuar me shpejtësi duke detyruar qeveritë anembanë botës të marrin masa të shpejta për të ngadalësuar përhapjen e COVID-19.

Për këtë arsye, kemi ofruar mbulimin e mëposhtëm për COVID-19 në bazë të Rregullores së rrethanave lehtësuese, me qëllim mbrojtjen e komunitetit tonë dhe sigurimin e qetësisë mendore.

Sugjerim: Nëse je vizitor, mund të gjesh mundësi anulimi dhe rimbursimi duke zgjedhur udhëtimin në faqen Udhëtime. Zbulo se si. Nëse je pritës, do të gjesh informacione në panelin e veprimeve për pritjen e vizitorëve.

Përmbledhje

Rezervimet e qëndrimeve dhe Përvojave në Airbnb të bëra deri më 14 mars 2020, me datë regjistrimi brenda 45 ditëve të ardhshme duke filluar nga sot, mbulohen nga rregullorja dhe mund të anulohen përpara regjistrimit. Vizitorët që anulojnë do të kenë mundësi anulimi e rimbursimi dhe pritësit do të mund të anulojnë pa pagesë dhe pa asnjë ndikim në statusin e tyre të superpritësit nëse do të mund të japin prova të vlefshme se kualifikohen. Airbnb do të japë rimbursim ose kredit që përfshin të gjitha tarifat e shërbimit për anulimet e mbuluara. Për të anuluar bazuar në rregullore, do të të kërkohet të vërtetosh faktet dhe/ose të paraqesësh dokumentacion mbështetës për rrethanën përkatëse.

Rregullorja e anulimit të pritësit do të zbatohet si zakonisht për rezervimet e bëra pas datës 14 mars 2020 dhe para datës 31 maj 2022, përveç rastit kur vizitori ose pritësi është prekur nga COVID-19.

Për rezervimet e zhvilluara nga data 31 maj 2020 e tutje, do të zbatohet Rregullorja e anulimit të pritësit. Rrethanat që lidhen me COVID-19 nuk do të mbulohen, përveç rezervimeve brenda vendit në Korenë e Jugut, kur vizitori ose pritësi është prekur nga COVID-19.

Anulimet do të trajtohen sipas mbulimit të rrethanave lehtësuese në fuqi në momentin e dërgimit dhe rezervimet që janë anuluar tashmë nuk do të merren më në konsideratë.

Nëse një rezervim ka filluar tashmë (regjistrimi ka kaluar) kjo rrethanë lehtësuese nuk zbatohet.

Për rezervimet brenda vendit në Kinën kontinentale dhe për rezervimet e Luxe aplikohen rregullore të ndryshme.


Cilat rezervime mbulohen

Rezervimet e bëra deri më 14 mars 2020

Rezervimet e qëndrimeve dhe Përvojave në Airbnb të bëra deri më 14 mars 2020, me datë regjistrimi brenda 45 ditëve të ardhshme duke filluar nga sot, mund të anulohen përpara regjistrimit. Kjo do të thotë se vizitorët që anulojnë sipas rregullores do të marrin rimbursim të plotë në para ose kredit udhëtimi në shumën që kanë paguar (aty ku ka kredit udhëtimi), si dhe pritësit do të mund të anulojnë sipas rregullores pa asnjë kosto apo ndikim në statusin e tyre të superpritësit dhe Airbnb do të rimbursojë ose do të japë kredit udhëtimi në shumën që përfshin gjithë tarifat e shërbimit.

Rezervimet e qëndrimeve dhe Përvojave në Airbnb të bëra deri më 14 mars 2020, me datë regjistrimi më shumë se 45 ditë duke filluar nga sot, nuk mbulohen aktualisht nga rrethanat që lidhen me COVID-19. Rregullorja e anulimit të pritësit do të zbatohet si zakonisht.

Nëse një rezervim ka filluar tashmë (regjistrimi ka kaluar) kjo rrethanë lehtësuese nuk zbatohet.

Rezervimet e bëra pas datës 14 mars 2020 dhe para datës 31 maj 2022

Për rezervimet e qëndrimeve dhe Përvojave në Airbnb të zhvilluara pas datës 14 mars 2020 dhe para datës 31 maj 2022, Rregullorja e anulimit të pritësit do të zbatohet si zakonisht dhe rrethanat që lidhen me COVID-19 nuk do të mbulohen nga Rregullorja e rrethanave lehtësuese, përveç rastit kur vizitori ose pritësi është prekur nga COVID-19. Rrethanat e lidhura me COVID-19 që nuk mbulohen përfshijnë: ndërprerjet dhe anulimet e transportit; këshillat zyrtare dhe kufizimet e udhëtimit; këshillat zyrtare shëndetësore dhe karantinat; ndryshimet e ligjit në fuqi; dhe urdhra të tjerë qeveritarë si evakuimi, mbyllja e kufijve, ndalimi i qirave afatshkurtra dhe kërkesat e strehimit në vend.

Rezervimet e bëra nga data 31 maj 2022 e tutje

Për qëndrimet dhe Përvojat në Airbnb të zhvilluara nga data 31 maj 2020 e tutje, do të zbatohet Rregullorja e anulimit të pritësit. Rrethanat që lidhen me COVID-19 nuk do të mbulohen nga Rregullorja e rrethanave lehtësuese, përveç rezervimeve brenda vendit në Korenë e Jugut, kur vizitori ose pritësi është prekur nga COVID-19.

Rregullorja e rrethanave lehtësuese synon të mbrojë vizitorët dhe pritësit nga rrethanat e paparashikuara që lindin pas prenotimit. Pas shpalljes së COVID-19 si pandemi globale nga Organizata Botërore e Shëndetësisë, Rregullorja e rrethanave lehtësuese nuk zbatohet më sepse COVID-19 dhe pasojat e saj nuk janë më të paparashikuara ose të papritura. Mos harro të lexosh me kujdes Rregulloren e anulimit të pritësit gjatë prenotimit dhe konsidero të zgjedhësh një alternativë që garanton nivelin e fleksibilitetit që të duhet.

Si funksionon

Nëse je vizitor, mund të gjesh mundësi anulimi dhe rimbursimi duke zgjedhur udhëtimin në faqen Udhëtime. Zbulo se si. Nëse je pritës, do të gjesh informacione në panelin e veprimeve për pritjen e vizitorëve.

Përditësime dhe materiale burimore për koronavirusin

Në Qendrën burimore kemi krijuar artikuj për t'i ardhur në ndihmë komunitetit tonë gjatë kësaj periudhe. Atje do të gjesh informacionet më të fundit për masat që po marrim për COVID-19, nga përditësimet e politikave deri te materialet burimore për pritësit dhe vizitorët.

Mund të lexosh gjithashtu Rregulloren e rrethanave lehtësuese për të mësuar rreth mbulimit të rrethanave që nuk lidhen me COVID-19.

U kërkojmë të gjithë anëtarëve të komunitetit të jenë respektues, gjithëpërfshirës dhe të zbatojnë Rregulloren e mosdiskriminimit kur bashkëveprojnë me anëtarë të tjerë të komunitetit tonë.

Do të vazhdojmë të shqyrtojmë zbatimin e kësaj rregulloreje. Kontrolloje këtë faqe herë pas here për përditësime dhe informacione të reja.

A të erdhi në ndihmë ky artikull?

Artikuj të ngjashëm

Kërko ndihmë për rezervimet, llogarinë e më shumë.
Hyr ose regjistrohu