Si i pret Lym vizitorët
Lym pret vizitorë në Porto Riko për të fituar më shumë të ardhura.
Çfarë të motivoi që të fillosh pritjen e vizitorëve?
Jam një nënë beqare. Punoja si avokate për qeverinë dhe nuk kisha aq të ardhura sa doja. Kisha një fqinj që përdorte Airbnb dhe jepte me qira një dhomë private të shtëpisë. Më tregoi për përvojën që kishte pasur dhe mendova, "Mendoj se mund ta bëj edhe unë këtë me apartamentin tim.”
Si përgatitesh për t'u siguruar që vizitorët të kenë një përvojë të shkëlqyer kur të mbërrijnë?
Epo, unë pastroj shumë. E pastroj vetë apartamentin sepse ndonjëherë paguaj njerëz për të pastruar por nuk e kanë atë merakun e veçantë. Bëj gati frigoriferin në rast se duan të ruajnë aty ushqime. Mund të vë në frigorifer një birrë vendase për ta provuar dhe u lë një shënim për t'u bërë të ditur se është për ta.
Pse vazhdon të presësh vizitorë?
Ndërtojmë miqësi. Është gjithashtu një mënyrë e mirë për të pasur më shumë të ardhura duke bërë gjëra që më pëlqejnë vërtet.
Ke ndonjë sugjerim apo këshillë për dikë që po mendon të presë vizitorë?
Mendoj se duhet të njihen me platformën Airbnb dhe të kuptojnë se si funksionon. Shqyrto masat mbrojtëse dhe llojet e sigurisë që mund të aplikosh për listimin tënd, si për shembull llojet e disponueshme të regjistrimeve për përgatitjen e listimit. Platforma Airbnb ka shumë opsione për shumë lloje hostësh.
A ke ndonjë moment të preferuar gjatë pritjes së vizitorëve?
Preferoj të takoj njerëz të rinj. Bëj biseda fantastike me vizitorët. Ndonjëherë më ftojnë të pi verë me ta dhe bisedojmë gjatë në shtëpi. Vizitorët i trajtoj si miq. Dhe më lënë recensione që... gati më bëjnë të qaj kur i lexoj. Ata thonë gjëra të mira për mua e për shtëpinë time dhe kjo më bën të ndihem shumë mirë.
A i ka kaluar ndonjë vizitor pritshmëritë e tua ndonjëherë?
Shumë prej tyre, sepse e lënë shtëpinë në gjendje shumë të mirë, si për shembull ndonjëherë rregullojnë krevatin. Është si të jesh familje ose miq me ta. Nëse thyejnë diçka më thonë, "Më vjen keq që theva një gotë” ose diçka të tillë. Nuk kam humbur kurrë asgjë në shtëpinë time. Veglat e mia. Librat e mi. I lë të gjitha këtu.