Si i pret François vizitorët
François pret vizitorë në Paris për të fituar më shumë para
Çfarë të motivoi që të fillosh pritjen e vizitorëve?
Kisha nevojë të plotësoja të ardhurat e mia në mënyrë që të vazhdoja të jetoja në qendër të Parisit. Sapo kisha kaluar një divorc dhe e kisha të vështirë t'i mbuloja shpenzimet vetëm me rrogën time.
Si përgatitesh për t'u siguruar që vizitorët të kenë një përvojë të shkëlqyer kur të mbërrijnë?
Së pari, u dërgoj atyre një listë të vendeve të mia të preferuara (dyqane, parqe, tregje etj.) dhe më pas diskutojmë për udhëtimin e tyre. Kur mbërrijnë, gjejnë udhërrëfyes dhe harta të Parisit, si dhe diçka për të ngrënë e për të pirë. U lë gjithmonë ndonjë specialitet francez dhe prodhime të freskëta mbi tavolinë.
A ka ndonjë ndryshim realiteti i pritjes së vizitorëve nga mënyra si e kishe imagjinuar?
Nuk është asnjëherë e komplikuar. Vizitorëve të mi u pëlqen gjithmonë të vijnë në zemër të kryeqytetit. Është kënaqësi për të dyja palët.
Ke ndonjë sugjerim apo këshillë për dikë që po mendon të presë vizitorë?
Mos u streso. Apartamenti im është lënë në gjendje të përsosur pas çdo qëndrimi vizitorësh.
Çfarë të pëlqen më shumë nga të qenit host?
Të takoj njerëz të rinj, të ndaj me të tjerë lumturinë e të jetuarit në Paris si dhe të praktikoj anglishten!
Cila është gjëja më befasuese që ke përjetuar si host në Airbnb?
Arrin vërtet të njohësh vizitorë e të lidhesh me ta. Jam këtu për t'i përshëndetur e për të folur me ta përpara dhe gjatë qëndrimit të tyre. Pak kohë më parë, apartamentin tim e prenotoi një dekorator. Më dha disa sugjerime dhe që atëherë kemi vazhduar të kontaktojmë, duke shkëmbyer shpesh ide, edhe pse vetë jeton në Finlandë. E ndoqa këshillën që më dha dhe leva nga e para një nga muret e apartamentit.