Çfarë duhet të dinë pritësit për njoftimin e Airbnb

Ndërsa shumë vende anembanë botës po fillojnë të rihapen, po përgatitemi për rimëkëmbjen më të madhe të shekullit në sektorin e udhëtimeve. Për të të ndihmuar të përgatitesh, drejtori ekzekutiv i Airbnb, Brian Chesky, ka prezantuar një raport të ri rreth tendencave që do t'i japin formë të ardhmes së sektorit të udhëtimeve.

Ai prezantoi gjithashtu më shumë se 100 mjete, funksione dhe përmirësime të reja në Airbnb, të cilat do të ndihmojnë pritësit anembanë botës të përfitojnë nga kjo mundësi unike. Ndiq videon e mësipërme ku Brian shpjegon shumë gjëra më hollësisht.

Realizimi i gjithë këtyre ndryshimeve në mënyrë konsistente, po lehtëson gjithçka:

• Vizitorët e kanë më të lehtë të gjejnë frymëzim, të gjejnë listimin e përsosur dhe të prenotojnë shpejt me veçoritë e reja si destinacionet fleksibël dhe datat fleksibël
• Pritësit e rinj e kanë më të lehtë të fillojnë me disa hapa të thjeshtë përmes asistencës së përmirësuar dhe materialeve të dobishme burimore
• Dhe më e rëndësishmja, pas një viti më të vështirë se kurrë për pritjen e vizitorëve, pritësit e kanë më të lehtë të menaxhojnë detyrat e tyre të përditshme, për të kënaqur çdo vizitor dhe për të pasur sukses në Airbnb

Meqenëse shumë pritës përgatiten për një kërkesë në rritje për udhëtimet, duam t'i bëjmë mjetet dhe funksionet që ofrojmë më të fuqishme, më intuitive dhe më të lehta për t'u përdorur. Me kënaqësi prezantojmë disa nga përmirësimet që kemi bërë:

Një aplikacion dhe faqe interneti më intuitive dhe më të përputhshme
Kemi bërë disa ndryshime të rëndësishme në butonat kryesorë të navigimit në aplikacionin dhe faqen e internetit Airbnb për ta bërë më të lehtë gjetjen e asaj që të duhet. Pas shumë përshtypjeve që kemi marrë nga pritësit për këtë temë, kemi njejtësuar gjithashtu përvojën e përdoruesit në aplikacion dhe në faqen e internetit, në mënyrë që të shfaqen të njëjtët butona dhe skeda, pavarësisht pajisjes që përdor.

Zbulo se çfarë ka ndryshuar

Skeda Sot: faqja e re kryesore e pritjes së vizitorëve
Si pjesë e këtij përditësimi, kemi shtuar edhe një faqe të re kryesore për pritësit, të quajtur skeda Sot. Skeda Sot shfaq detyrat më të rëndësishme, njoftimet dhe përditësimet, të gjitha në një vend, duke të ndihmuar të menaxhosh detyrat e përditshme si pritës nga një ekran i vetëm.

Në të kaluarën, pritësit na kanë thënë se u është dashur shumë kohë për të gjetur atë që u duhej. Me skedën Sot, ka një ekran të disponueshëm për çdo pajisje, me qëllim që të kontrollosh shpejt dhe lehtësisht rezervimet, kërkesat, pyetjet, lajmet dhe lajmërimet e tua.

Mëso në lidhje me pikën e re

Një kuti mesazhesh më e mirë dhe më e shpejtë
Çdo pritës i mirë e di se një qëndrim me 5 yje fillon nga komunikimi i shkëlqyer me vizitorët. Kutia jote e mesazheve është një pjesë e rëndësishme e mjeteve për pritjen e vizitorëve dhe kemi prezantuar disa përditësime kryesore për ta përmirësuar atë.

Kutia e re e mesazheve është deri në 10 herë më e shpejtë dhe përfshin funksione kyçe si kërkimi dhe filtrimi, në mënyrë që të mund të gjesh shpejt mesazhet e rëndësishme. Kemi shtuar gjithashtu mjete që kursejnë kohë, si mesazhet e programuara dhe përgjigjet e shpejta, për të të ndihmuar të automatizosh dhe thjeshtosh rutinën e pritjes së vizitorëve.

Zbulo më shumë rreth këtyre përditësimeve

Udhëzues të rinj të automatizuar për mbërritjen e vizitorëve
Regjistrimi mund të jetë një moment suksesi ose dështimi për çdo rezervim. Kemi marrë përshtypje nga pritësit se menaxhimi i regjistrimeve mund të jetë i mërzitshëm dhe kërkon shumë kohë.

Këtë muaj po publikojmë një mjet të ri, i cili pozicionon automatikisht informacionet më të rëndësishme të regjistrimit për çdo rezervim në krye të skedës "Udhëtimet", 48 orë para regjistrimit.

Lexo Udhëzuesin e ri të mbërritjes dhe bëj gati tëndin

Shërbimet e përmirësuara të Asistencës së komunitetit
Mjetet tona të Asistencës së komunitetit dhe ambasadorët e mbështetjes së Airbnb janë shtylla kryesore e marrëdhënies sonë me pritësit. Në bazë të përshtypjeve të tua, po ristrukturojmë përvojën e asistencës për të të shërbyer më mirë.

Kjo përfshin dyfishimin e numrit të ambasadorëve të asistencës, duke i dhënë përparësi ndjeshmërisë në të gjitha komunikimet e Qendrës së ndihmës dhe duke i bërë politikat tona më transparente dhe të qëndrueshme. Po punojmë gjithashtu për të ofruar Asistencë të dedikuar për superpritësit, duke filluar nga Amerika e Veriut më 30 shtator 2021 dhe në gjithë botën me gjatë gjithë 2021.

Mëso më shumë rreth Asistencës së përmirësuar të komunitetit

Këto ndryshime janë vetëm disa nga më shumë se 100 përmirësimet që po ju zbulojmë këtë muaj. Të ftojmë të kontrollosh listën e plotë të përmirësimeve, të provosh mjetet dhe karakteristikat e reja dhe të na japësh përshtypjet e tua se si mund të vazhdojmë të përmirësohemi.