Organizimi i përvojave për vizitorë me nevoja për kushte lehtësuese

Airbnb po punon se si të jetë një platformë më gjithëpërfshirëse, ku të gjithë mund të marrin pjesë dhe të shijojnë një përvojë. Personave me aftësi të kufizuara mund t'u duhet ndihma e një personi që të mund të marrin pjesë plotësisht në një përvojë, për shembull, një përkthyes për një vizitor që është i shurdhër ose ka vështirësi dëgjimi, ose një asistent personal për një përdorues të karriges me rrota. Këtij personi në Airbnb i referohemi si shoqëruesi.

Shoqëruesit mund të emërtohen në mënyra të ndryshme në botë, por në kuadër të Përvojave në Airbnb, ne e konsiderojmë shoqëruesin si një person me moshë mbi 18 vjeç, që ndihmon rregullisht në veprimtaritë e përditshme një person me aftësi të kufizuara, sëmundje mendore ose sëmundje afatgjatë.

Shoqëruesit mund të kryejnë një sërë detyrash, duke përfshirë ofrimin e përkujdesjes personale, kryerjen e detyrave brenda ose jashtë shtëpisë dhe organizimin e transportit dhe të kujdesit mjekësor. Ata që janë caktuar si shoqërues duhet të jenë të aftë të sigurojnë ndihmën e nevojshme për personin me aftësi të kufizuara.

Mënyrat se si shoqëruesit mund të ofrojnë asistencë gjatë një përvoje përfshijnë, por nuk kufizohen në sa më poshtë:

• Të ndihmojnë vizitorin të mbërrijë në vendndodhjen e përvojës
• Të ndihmojnë vizitorin të komunikojë me pritësin ose vizitorët e tjerë
• Të shoqërojnë vizitorin në tualet dhe/ose për ta përdorur atë
• Të ndihmojnë vizitorin të blejë gjëra
• Të ndihmojnë vizitorin me proceset gjatë një seminari/klase
• Të ndihmojnë vizitorin të hajë ose të pijë

Shoqëruesit nuk janë të detyruar që:

• Të jetojnë me personin për të cilin kujdesen
• Të marrin pagesë për kohën e tyre
• Të kenë ndjekur trajnim zyrtar

Rregulloret e pranimit të shoqëruesve në përvoja

Pritësit e Përvojave të Airbnb mund të zgjedhin t'u lejojnë shoqëruesve t'u bashkohen pa kosto shtesë vizitorëve që asistojnë fizikisht.

Kur një vizitor që ka nevojë për shoqërues prenoton një përvojë që e ka të aktivizuar këtë veçori, shoqëruesi nuk do të tarifohet (ose llogaritet) si vend më vete.

Shoqëruesit që asistojnë një vizitor nuk duhet:

• Të marrin pjesë aktivisht në përvojë pa vizitorin që ka prenotuar, që do të thotë se nuk u ofrohen materiale apo pajisje personale etj.
• Miqtë ose familja që dëshirojnë të marrin pjesë në një përvojë
• Asistencë për kujdesin e fëmijëve si dado, au pair ose kujdestare

Për pritësit

Për ta aktivizuar këtë cilësim për një përvojë me pjesëmarrje fizike, shko te Përvojat e tua, zgjidh Modifiko, pastaj shko te Cilësimet e çmimeve > Çmimet e vizitorëve.

Gjatë prenotimit të një përvoje me këtë cilësim të aktivizuar, vizitorëve u kërkohet të kontaktojnë pritësin për ta njoftuar se do të marrin pjesë bashkë me një shoqërues dhe për të diskutuar çdo detaj tjetër.

Shoqëruesi nuk do të tarifohet (dhe nuk do të llogaritet) si vend më vete dhe pjesëmarrja e tij nuk do të përfshihet në limitin e grupit ose në llogaritjen e çmimit. Nëse përvoja përfshin faktorë që e kufizojnë madhësinë e përgjithshme të grupit, si transporti ose biletat, mund të të duhet t'i diskutosh këto detaje me vizitorin para përvojës.

Për vizitorët

Mund të kërkosh përvoja me pjesëmarrje fizike që ofrojnë pjesëmarrje falas të një shoqëruesi. Pasi të kesh bërë kërkimin fillestar të Përvojave në Airbnb sipas vendndodhjes dhe datës, zgjidh Më shumë filtra dhe hap Zgjidh kushtet lehtësuese për të shfaqur filtrat e disponueshëm për kërkimin tënd.

Gjatë prenotimit të një përvoje me pjesëmarrje falas të një shoqëruesi, kontakto pritësin për ta njoftuar se do të marrësh pjesë bashkë me një shoqërues dhe për të diskutuar çdo detaj tjetër. Supozohet të ketë nga një shoqërues për çdo vizitor. Komuniko me pritësin për të përcaktuar se cilat janë mundësitë në bazë të përvojës specifike.