Lufta kundër urrejtjes, ngacmimeve dhe diskriminimit

Ne duam që pritësit dhe vizitorët tanë të kenë qëndrime dhe përvoja pa ngacmime dhe diskriminime.

Çfarë nuk lejohet

• Bullizmi dhe ngacmimet: Askush nuk duhet t'i nënshtrohet sjelljeve të padëshiruara, si bullizmi, bullizmi kibernetik, ngacmimet ose përndjekja.
• Refuzimi diskriminues i shërbimit: Pritësit nuk mund t'ia refuzojnë shërbimin një vizitori sepse ky i fundit i përket një grupi ose kategorie, si raca ose feja, siç shpjegohet në Rregulloren e mosdiskriminimit.
• Trajtimi i diferencuar diskriminues: Pritësit nuk duhet të bëjnë diferencime në trajtimin, rregullat ose sjelljen me një vizitor për shkak se ky i fundit i përket një klase të mbrojtur.
• Gjuha e rrezikshme: Me askënd nuk duhet të përdoret një gjuhë e tillë që nxit lëndime, sjellje çnjerëzore ose që pretendon se një individ është kërcënim apo përbën rrezik fizik për të tjerët, sepse i përket një klase të mbrojtur.
• Shpifjet, gjuhë përçmuese ose fyerjet: Me askënd nuk duhet të përdoret një gjuhë paragjykuese për shkak të përkatësisë në një klasë të mbrojtur, siç mund të jenë shprehje përbuzjeje, neverie ose për shkak të mangësive fizike, mendore apo morale.
• Emërtimi i një personi transgjinor me emrin e lindjes ose keqklasifikimi gjinor: Individët që identifikohen si transgjinorë nuk duhet të thirren me emrin ose përemrat që kanë pasur para ndryshimit të gjinisë, për sa kohë që ua bëjnë të ditur të tjerëve se përdorin tjetër emër dhe përemër pas këtij ndryshimi.
• Gjuha e koduar ose miniagresionet: Për askënd nuk duhet të përdoren fraza me rrënjë të thella në stereotipizimin shoqëror sipas përkatësisë në një klasë të mbrojtur.
• Imazhe, simbole ose objekte që nxisin urrejtje, diskriminuese ose ofenduese: Për askënd nuk duhet të përdoren imazhe që denigrojnë një fe apo kulturë, imazhe që përmbajnë gjuhë përçmuese/të koduar, ose simbole, logo apo parulla që lidhen me grupe ekstremiste ose që nxisin urrejtjen.

Jemi këtu për të ndihmuar

Përveç kësaj, nëse ke dëshmuar apo provuar një sjellje që bie ndesh me rregulloret tona, na njofto.