Organizimi i një përvoje online

Bashkohu me një komunitet pritësish që e sjellin botën më pranë si asnjëherë më parë.

Para se të dërgosh përvojën tënde online, lexo standardet dhe kriteret për Përvojat e Airbnb dhe kriteret specifike për përvojat online.

Procesi i dërgimit

Kur e dërgon përvojën për miratim, duhet të japësh:

• Një titull për përvojën
• Një përshkrim, ku të specifikohet vendi nga po transmeton dhe gjëja që e bën atë të veçantë
• Përshkrimi i aktivitetit dhe programi i përcaktuar qartë
• Kualifikimet, historiku ose kredencialet e tua
• Çfarë duhet të kenë me vete vizitorët
• Fotografi cilësore të përvojës, si dhe një fotografi ku je duke folur përpara kamerës ose kompjuterit, për të treguar që përvoja zhvillohet online
• Një dokument identifikimi me fotografi, pasi do të të kërkohet të konfirmosh identitetin

Pasi të kesh pasur një ide të shkëlqyer dhe të kesh vendosur gjithë detajet, na dërgo propozimin. Mëso se çfarë të presësh pasi ta dërgosh.

Si funksionojnë

Zoom

Përvojat online organizohen në Zoom, një softuer video-konferencash i palëve të treta, që do të të duhet edhe për procesin e dërgimit. Lexo këtu gjithçka që duhet të dish për përdorimin e Zoom për Përvojat online.

Prenotimi dhe pjesëmarrja

1. Prenotimi funksionon në të njëjtën mënyrë si në përvojat me pjesëmarrje fizike
2. Kur është momenti për të filluar, vizitorët do të marrin një link për t'iu bashkuar takimit në Zoom
3. Më pas mund të përdorësh funksionin e "dhomës së pritjes" së Zoom për t'i lejuar të hyjnë pasi të konfirmojnë se kanë një rezervim

Nëse lejon më shumë se një vizitor për pajisje, njoftoji ata se në përshkrimin tënd duhet të prenotojnë vetëm një vend. Gjithashtu, mund të organizosh përvoja private në grup, ku vizitorët mund t'i rezervojnë të gjitha vendet për një përvojë në një datë dhe orar të caktuar.

Çmimet dhe pagesat shtesë

Je ti që vendos se sa të tarifosh, si për përvojat publike ashtu edhe për ato në grup. Mund të duash të fillosh me një çmim më të ulët dhe ta rritësh atë pas disa provash dhe pasi të kesh marrë disa recensione me 5 yje. Ashtu si në përvojat me pjesëmarrje fizike, Airbnb do t'u ngarkojë pritësve tarifën e shërbimit, përveç rasteve kur është një përvojë me ndikim social.

Si standard, çmimet e përvojave online caktohen për person. Nëse një rezervim është prenotuar për një person dhe vëren 2 vizitorë në "dhomën e pritjes", mund të kërkosh që të paguajnë për personin shtesë në Qendrën e zgjidhjes së problemeve.