
Superpritës:vlerësim për super pritjen e klientëve
Programi "Superpritës" shpërblen pritësit më të vlerësuar dhe më me përvojë të Airbnb.
Kontrollo ecurinëPërfitimet e superpritësit
Si superpritës, do të kesh më shumë dukshmëri, asistencë të dedikuar dhe shpërblime ekskluzive. E bëjmë këtë për të të falënderuar për mikpritjen e shkëlqyer.

Vlerësim i veçantë
Distinktivi i superpritësit të ndihmon të spikatësh edhe më shumë dhe mund të të sjellë më shumë prenotime.

Asistencë me përparësi
Si superpritës, do të marrësh asistencë me përparësi kur të kontaktosh Asistencën e Airbnb.

Shpërblime ekskluzive
Për çdo 4 tremujorë radhazi si superpritës, përfiton një kupon 100 $ për ta shpenzuar në Airbnb, si dhe 20% shtesë mbi bonusin standard të rekomandimit të pritësit.
Shiko se si të bëhesh një superpritës
Çdo tre muaj kontrollojmë nëse i ke përmbushur kriteret e mëposhtme për vitin e kaluar. Nëse po, atëherë do ta fitosh ose do ta mbash statusin si superpritës.

Mbi 10 qëndrime
Përfundo minimumi 10 qëndrime brenda vitit ose 100 net për 3 a më shumë qëndrime. Klientët do të mund të ndihen të sigurt se po qëndrojnë te një pritës me përvojë.

Normë anulimi <1%
Anulo më pak se 1% të herëve, pa përfshirë ngjarjet shqetësuese madhore. Kjo do të thotë 0 anulime për pritësit me më pak se 100 rezervime në vit. Anulime të rralla nënkuptojnë qetësi mendore për klientët.

Vlerësimi i përgjithshëm mbi 4,8
Ruaj një vlerësim të përgjithshëm mesatar 4,8 e lart në Airbnb gjatë vitit të kaluar. Vizitorët e dinë se mund të presin mikpritje të jashtëzakonshme nga pritës si ti.

Nivel gatishmërie 90%
Përgjigjju 90% të mesazheve të reja dhe prano ose refuzo kërkesat e reja për rezervim brenda 24 orësh. Në këtë mënyrë, klientët e dinë se do t'u përgjigjesh në kohë kërkesave të reja për informacion.
Përgjigjet e pyetjeve të tua
Kush kualifikohet për t'u bërë superpritës?
Për t'u vlerësuar për statusin e superpritësit, një pritës duhet të jetë pronari i një ose më shumë listimeve të banesave. Bashkëpritësit, pritësit e përvojave dhe pritësit ofrues të shërbimeve nuk përfshihen në këtë vlerësim.Megjithatë, nëse një bashkëpritës, pritës përvojash ose pritës ofrues shërbimesh është gjithashtu pronar i një listimi tjetër banese, ai mund të vlerësohet për statusin e superpritësit në bazë të performancës së tij. Performanca e çdo listimi në të cilin është bashkëpritës, ose e ndonjë prej listimeve të përvojave apo shërbimeve të tij, nuk do të kontribuojë në kualifikimin e tij si superpritës.
A duhet të aplikoj?
Nëse i plotëson kërkesat e programit deri në datën e vlerësimit, do të bëhesh automatikisht superpritës. Nuk ka nevojë të aplikosh.Do të të njoftojmë për statusin tënd në fund të çdo periudhe vlerësimi. Mund të duhet deri në 1 javë që distinktivi yt i superpritësit të shfaqet në listim.Mëso më shumë se si të bëhesh superpritës.
A duhet të jem pritës për të paktën një vit që të bëhem superpritës?
Nuk ka asnjë afat qëndrimi minimal për t'u bërë superpritës. Për aq kohë sa i përmbush të gjitha kriteret deri në periudhën e vlerësimit (e cila bëhet çdo 3 muaj), mund të fitosh statusin e superpritësit.Sa herë që kontrollojmë nëse i ke përmbushur kriteret e superpritësit, marrim parasysh veprimtarinë tënde të pritjes së klientëve gjatë vitit të kaluar për të shqyrtuar performancën tënde. Për Kushtet e përgjithshme të programit të superpritësit, vizito Qendrën e ndihmës.
A do të ndikohet statusi im si superpritës nga anulimet e emergjencës?
Nëse të duhet të anulosh një rezervim dhe anulimi vjen për shkak të një ngjarjeje shqetësuese madhore ose për arsye të vlefshme të tjera, ne do të heqim dorë nga çdo tarifë dhe anulimi nuk do të merret parasysh për kualifikimin tënd si superpritës. Në disa raste, ne do të heqim dorë nga pasoja të tjera.Mëso më shumë rreth Rregullores së ngjarjeve shqetësuese madhore të Airbnb.
