Sugjerime për pritjen e vizitorëve me nevoja për kushte lehtësuese

Vizitorët me nevoja për kushte lehtësuese duan të dinë se sa mund t'i akomodojë një ambient para se të prenotojnë. Ato mund të filtrojnë rezultatet e kërkimit të Airbnb për veçori specifike, si hyrja pa shkallë dhe një vend parkimi për personat me aftësi të kufizuara.

Banesat e konfirmuara si të përshtatshme për përdoruesit e karrigeve me rrota janë gjithashtu të theksuara në kategorinë "Të përshtatura". Për t'u kualifikuar, ambienti yt duhet të ketë një hyrje pa shkallë, si dhe të paktën një dhomë gjumi dhe një banjë me modifikime si, doreza mbajtëse ose një stol për dush.

Është thelbësore të japësh informacion të qartë dhe të saktë rreth banesës sate. Ja disa udhëzime për krijimin e një hapësire ftuese që vizitorët me nevoja për kushte lehtësuese mund ta prenotojnë pa merak.

Veçoritë që mund ta ndihmojnë ambientin tënd të spikatë te vizitorët përfshijnë:

• Vendparkim për persona me aftësi të kufizuara
• Shteg i ndriçuar drejt hyrjes së vizitorëve
• Rruginë pa shkallë drejt hyrjes së vizitorëve
• Hyrje pa shkallë në dhoma
• Hyrje më të gjera se 81 centimetra
• Dush pa shkallë
• Doreza mbajtëse për tualetin dhe/ose dushin
• Karrige dushi ose banje
• Pajisje ngritëse tavani ose portative
• Pajisja ngritëse e pishinës ose vaskës me hidromasazh

Të gjitha kushtet lehtësuese shqyrtohen sipas udhëzimeve të kushteve lehtësuese të Airbnb para se të publikohen në listimin tënd. Nëse një kusht nuk i plotëson udhëzimet ose nuk shfaqet qartë në një fotografi, mund të të kërkojmë të ngarkosh një fotografi tjetër ose ta heqësh kushtin nga listimi yt.

Fotografitë e shumta të çdo dhome i ndihmojnë vizitorët të përcaktojnë nëse banesa jote i plotëson nevojat e tyre.

• Shkruaj një diçiturë përshkruese për çdo imazh. Për shembull, diçitura për një fotografi të banjës mund të shtojë detaje: "Kjo është e vetmja banjë në shtëpi me hyrje pa shkallë. Tualeti dhe dushi kanë doreza mbajtëse të fiksuara."

• Bëj fotografi nga disa kënde. Për shembull, fotografitë e banjës mund të tregojnë vendndodhjen e secilës shufër mbajtëse dhe rrugën e gjerë dhe të sheshtë përgjatë dyshemesë për të arritur në tualet dhe dush.

Mëso më shumë rreth fotografimit të kushteve lehtësuese

Angazhohu me vizitorët kur të të dërgojnë mesazhe rreth kushteve lehtësuese të banesës sate. Të pyesësh dhe t'u përgjigjesh disa pyetjeve përbën një diferencë të madhe.

Disa shembuj të dobishëm për hapjen e bisedës mund të jenë:

• Çfarë pyetje specifike keni për banesën?
• Çfarë mund të bëj për ta bërë qëndrimin tënd më të rehatshëm?

Bëj më të mirën për të ndihmuar me kërkesa të arsyeshme, si për shembull për ta bërë hapësirën tënde më të lehtë për të lëvizur në të. Konsidero nëse ndryshimet e vogla mund t'i bëjnë vizitorët të ndihen të mirëpritur. Ja disa ide:

• Lëviz mobiliet për të krijuar rrugë kalimi më të gjera nëpër dhoma dhe hapësira.
• Vendosi artikujt shtëpiakë, si peshqirët dhe enët, në vende më të lehta për t'u arritur
• Hiqi pengesat për prizat e energjisë.

Ki parasysh se jo të gjitha ambientet do të jenë të përshtatshme për të gjithë vizitorët, pavarësisht nëse kanë ose jo nevoja për kushte lehtësuese. Sidoqoftë, nuk mund ta refuzosh një rezervim për shkak se dikush ka aftësi të kufizuara, siç theksohet në Rregulloren e mosdiskriminimit. Gjithashut, nuk mund të aplikosh një tarifë për kafshët e shërbimit, të cilat nuk konsiderohen kafshë shtëpiake.

Udhëzuesi yt është një mundësi për të treguar mikpritjen dhe qytetin tënd duke dhënë sugjerime lokale. Mund të shtosh rekomandime për ngrënien, vizitat panoramike dhe aktivitetet në natyrë. 

Kur krijon udhëzuesin tënd, merr parasysh se çfarë mund të kërkojnë udhëtarët me nevoja për kushte lehtësuese. Për shembull, mund të identifikosh restorantet me rampa, shtigjet për ecje me rrugina të shtruara dhe atraksionet me vende të përshtatshme për t'u ulur. Mund të ndash informacione edhe për transportin publik.

Informacioni në këtë artikull mund të ketë ndryshuar që nga publikimi.