Çfarë duhet të dish rreth pranimit të kafshëve shtëpiake

Shumë vizitorë udhëtojnë me familjet e tyre, që do të thotë se marrin shpesh me vete edhe kafshë shtëpiake. E dimë që pritja e kafshëve shtëpiake nuk është gjithmonë e mundur. Por nëse mund ta bësh ambientin të përshtatshëm për kafshë shtëpiake, mund të zgjedhësh t'i shtosh një tarifë për kafshët shtëpiake çmimit për natë.

Mund të përdorësh tarifën për kafshët shtëpiake për të mbuluar shpenzimet e pastrimit që pritet të bësh pas pritjes së vizitorëve me katër këmbë, siç është pastrimi me fshesë me korrent i mobilieve dhe fshirja e gjurmëve të nuhatjes me hundë apo e putrave nga dyert rrëshqitëse prej xhami.

Kur shton një tarifë për kafshët shtëpiake, ajo shtohet në çmimin tënd për natë dhe përhapet në mënyrë të barabartë gjatë netëve të një rezervimi. Në momentin e pagesës, ajo përfshihet në çmimin total të vizitorit dhe nuk faturohet si tarifë më vete.

Shumë kafshë shtëpiake janë mësuar të udhëtojnë me të zotët e tyre dhe nuk kërkojnë shumë përgatitje shtesë të ambientit. Megjithatë, nëse lejon kafshë shtëpiake në ambientin tënd, do të ishte mirë të furnizoheshe me:

• Tasa për ushqimin dhe ujin e kafshëve shtëpiake
• Mbulesa mobiliesh të përshtatshme për kafshë shtëpiake
• Plot peshqirë të posaçëm për pastrimin e shenjave të putrave në derë
• Shtyllë për gërvishtje dhe kuti rëre (edhe prej kartoni janë të përshtatshme)
• Produkte rezervë për pastrimin

Vizitorët që udhëtojnë me kafshë shtëpiake mund të duan të dinë se çfarë të presin në ambientin tënd, si p.sh. nëse ka një oborr të rrethuar apo një verandë private. Sigurohu që të përfshish çdo kusht dhe shërbim të përshtatshëm për kafshët shtëpiake në listim.

Gjëra të tjera që mund të bësh për ta bërë listimin të përshtatshëm për kafshët shtëpiake:

• Përditëso rregullat e shtëpisë. Tregoju vizitorëve se sa kafshë shtëpiake lejon për qëndrim, nga një deri në pesë. Në rregullat e shtëpisë mund të sqarosh edhe gjëra të tilla si llojet e kafshëve shtëpiake që pranon, nëse është e pranueshme që ta lësh kafshën shtëpiake pa mbikëqyrje në hapësirën tënde, vendet ku kafsha shtëpiake nuk lejohet të hyjë në pronë, kur kafsha shtëpiake duhet të qëndrojë e lidhur dhe ku duhet të hidhen mbeturinat e kafshëve shtëpiake.
• Përditëso udhëzuesin tënd. Përfshi rekomandime se ku ka parqe lokale për qentë, veterinerë dhe dyqane produktesh për kafshë shtëpiake në afërsi. Konsidero të sugjerosh edhe shërbime për mbajtjen e kafshëve shtëpiake dhe kolibe.

Tarifat e pastrimit dhe ato të kafshëve shtëpiake kanë për qëllim të mbulojnë kostot e pritshme. Por pavarësisht se sa e stërvitur ose e mirëmësuar mund të jetë kafsha shtëpiake e një vizitori, ka raste që ndodhin aksidente.

Për kostot e papritura, si tapiceria e gërvishtur ose njollat e shkaktuara nga kafshët shtëpiake, kujdeset Mbrojtja e pritësit nga dëmtimet, si pjesë e AirCover për pritësit. Sigurohu që të dokumentosh me fotografi çdo dëmtim dhe të kërkosh rimbursim nëpërmjet Qendrës së zgjidhjes së problemeve.

Është e rëndësishme të kuptosh se kafshët e shërbimit nuk janë kafshë shtëpiake. Kafsha e shërbimit është zakonisht një qen i stërvitur individualisht për të bërë punë ose për të kryer detyra për një person me aftësi të kufizuara.

Një kafshë e mbështetjes emocionale është një kafshë që ofron mbështetje ose ndihmë emocionale për një person për të ndihmuar në menaxhimin e simptomave ose efekteve të aftësisë së kufizuar. Kafshët e mbështetjes emocionale janë zakonisht kafshë shtëpiake, të tilla si qen ose mace. Ndryshe nga një kafshë shërbimi, një kafshë e mbështetjes emocionale nuk ka nevojë të stërvitet për të bërë punë ose për të kryer detyra për një person me aftësi të kufizuara.

Edhe nëse ke një rregull pa kafshë shtëpiake, duhet të lejosh një kafshë shërbimi të shoqërojë pronarin e saj, përveç rasteve kur të jepet përjashtim, por nuk mund t'i tarifosh vizitorit tarifën e kafshëve shtëpiake.

Këto udhëzime zbatohen edhe për vizitorët me kafshë të asistencës emocionale në çdo vend ku ligji në fuqi u kërkon pritësve të akomodojnë kafshët e mbështetjes emocionale. Nëse listimi yt nuk është në një nga ato vende, atëherë mund të aplikosh një tarifë për kafshët shtëpiake për një kafshë të mbështetjes emocionale ose të aplikosh rregullin e moslejimit të kafshëve shtëpiake për ta.

Mëso më shumë rreth Rregullores së kushteve lehtësuese të Airbnb

Mbrojtja e pritësit nga dëmtimet nuk është policë sigurimi dhe është subjekt i këtyre kushteve të përgjithshme dhe kufizimeve. Ajo nuk i mbron pritësit që ofrojnë qëndrime në Japoni, ku zbatohet Sigurimi për pritësit në Japoni, ose pritësit që ofrojnë qëndrime përmes Airbnb Travel LLC. Për pritësit me banim ose seli brenda Australisë, Mbrojtja e pritësit nga dëmtimet është subjekt i Kushteve të mbrojtjes së pritësit nga dëmtimet për përdoruesit australianë. Ki parasysh se të gjitha shumat limit të mbulimit jepen në USD.

Për listimet në shtetin e Uashingtonit, detyrimet kontraktuale të Airbnb për Mbrojtjen e pritësit nga dëmtimet mbulohen nga një policë sigurimi e blerë nga Airbnb. Mbrojtja e pritësit nga dëmtimet nuk lidhet me Sigurimin për përgjegjësinë e pritësit. Sipas Mbrojtjes së pritësit nga dëmtimet, ti rimbursohesh për dëme të caktuara që vizitorët i shkaktojnë banesës dhe sendeve të tua personale, nëse ata nuk paguajnë për këto dëme.

Informacioni në këtë artikull mund të ketë ndryshuar që nga publikimi.