Vazhdo përpara për të hyrë në rezultatet e sugjeruara

    Si të caktosh rregulla të dobishme të shtëpisë

    Ndihmo në mbrojtjen e banesës sate dhe në krijimin e një përvoje më të mirë për vizitorët.
    Nga Airbnb, më 1 dhj 2020
    Lexim 2-minutësh
    Përditësuar më 21 nën 2022

    Veçantitë

    • Rregullat e shtëpisë shfaqen në faqen e listimit dhe vizitorët duhet të bien dakord me to për të prenotuar ambientin tënd

    • Mund të shtosh rregulla shtesë në përputhje me zakonet lokale ose çështjet e shëndetit dhe të sigurisë

    Rregullat e shtëpisë përcaktojnë pritshmëritë për vizitorët dhe u japin atyre një ide paraprake të stilit tënd të pritjes së vizitorëve. Gjithashtu, ato i ndihmojnë vizitorët të kuptojnë nëse hapësira jote është e përshtatshme për ta, para se ta prenotojnë.

    Zgjedhja e rregullave standarde të shtëpisë

    Pritësit mund të zgjedhin të vendosin një sërë rregullash standarde të shtëpisë në fushat e mëposhtme:

    • Kafshët shtëpiake
    • Eventet
    • Pirja e duhanit, cigaret me avull dhe cigaret elektronike
    • Orari i qetësisë
    • Oraret e regjistrimit dhe çregjistrimit
    • Numri maksimal i vizitorëve
    • Fotografimi dhe filmimi komercial

    Rregullat e shtëpisë shfaqen qartë në katër vende: në faqen e listimit, në ekran kur vizitorët prenotojnë ambientin, në emailin "Bëj gati valixhet" dhe në Udhëzuesin e mbërritjes që vizitorët marrin para udhëtimit.

    Si të krijosh rregulla shtesë

    Nëse ke kërkesa të veçanta që nuk përfshihen në rregullat standarde të shtëpisë, si p.sh. nëse do që në ambientin tënd të mos ecet me këpucë, mund t'i shkruash ato te rregullat shtesë.

    Është mirë të mos i mbingarkosh vizitorët me shumë rregulla, por mund të shtosh çdo gjë të rëndësishme në lidhje me zakonet lokale ose shëndetin dhe sigurinë. Ja disa shembuj nga pritësit:

    • "Të kërkojmë të veprosh me maturi dhe të mbash qetësi, veçanërisht natën ose gjatë pushimit të pasdrekes." —Beatriz Elena, Medellin, Kolumbi
    • "Të lutemi t'i mbyllësh dhe t'i kyçësh të gjitha dritaret dhe dyert kur të largohesh nga suita." —Dave dhe Deb, Edmonton, Kanada
    • “Të lutemi të mos mbash ushqime në dhomën e gjumit.” -Momi, Honolulu.

    Rregullat e shtëpisë të ndihmojnë të mbrohesh

    Me rregullat bazë, mund të respektohet çdo rregull që zgjedh nga lista e rregullave standarde të shtëpisë. Nëse vizitori shkel një rregull të shtëpisë, hapi i parë që duhet të ndjekësh është të komunikosh për këtë me vizitorin dhe të provosh ta zgjidhësh problemin direkt me të. Nëse nuk arrini një zgjidhje, kontakto me Asistencën e komunitetit për ndihmë.

    Të gjitha rregullat e shtëpisë duhet të jenë në përputhje me rregulloret dhe kushtet e Airbnb, duke përfshirë Kushtet e shërbimit dhe Rregulloren e mosdiskriminimit.

    Informacioni në këtë artikull mund të ketë ndryshuar që nga publikimi.

    Veçantitë

    • Rregullat e shtëpisë shfaqen në faqen e listimit dhe vizitorët duhet të bien dakord me to për të prenotuar ambientin tënd

    • Mund të shtosh rregulla shtesë në përputhje me zakonet lokale ose çështjet e shëndetit dhe të sigurisë

    Airbnb
    1 dhj 2020
    A ishte e dobishme kjo?