Vazhdo përpara për të hyrë në rezultatet e sugjeruara

    Ndërtimi dhe përmirësimi i Airbnb, së bashku me pritësit

    Jemi vazhdimisht në proces përmirësimi përmes përshtypjeve dhe bashkëpunimit tënd.
    Nga Catherine Powell, më 12 jan 2022
    Video 6-minutëshe
    Përditësuar më 12 jan 2022

    Veçantitë

    • Jemi mirënjohës për partneritetin tonë të vazhdueshëm me pritës si ti

    • Ka më shumë mënyra se kurrë për të bashkëpunuar me ne për ndërtimin e Airbnb që dëshiron dhe të nevojitet

    • Mëso se çfarë kërkuan pritësit në vitin 2021 dhe çfarë ndërtuam ne në përgjigjen ndaj tyre

    Përshëndetje gjithsecilit,

    Unë jam Catherine, Drejtoresha globale e pritjes së vizitorëve në Airbnb. Ndërsa hyjmë në vitin 2022, do të doja të ndalesha pak për të reflektuar mbi gjithçka që arritëm së bashku vitin e kaluar dhe për të falënderuar personalisht secilin nga pritësit tanë që ka ofruar një mikpritje të shkëlqyer për vizitorët anembanë botës.

    Pavarësisht sfidave të pandemisë, kemi hyrë në një epokë të re udhëtimesh, në të cilën vizitorët gjithnjë e më shumë u drejtohen banesave dhe hapësirave private në Airbnb për t'u lidhur në mënyrë të sigurt me familjen dhe miqtë, për t'u çlodhur dhe për të punuar në distancë.

    Gjatë pandemisë, ke treguar këmbëngulje, aftësi për t'u përshtatur dhe ngulmim, ndaj arritëm sot këtu ku jemi falë teje. Përkushtimi yt është kaq frymëzues dhe e mban ekipin tim dhe mua të fokusuar në përmirësimin dhe shtimin e vazhdueshëm të produkteve dhe programeve tona të pritjes së vizitorëve.

    Ofrimi i më shumë mënyrave për të dëgjuar

    Suksesi ynë mbështetet në partneritete të forta me pritësit. Kemi zgjeruar nismat tona të komunitetit për të përfshirë më shumë mënyra për t'u lidhur dhe për të të dëgjuar, në mënyrë që të mund të vazhdojmë ndërtimin e Airbnb që dëshiron dhe të nevojitet.

    Ja se çfarë ke frymëzuar vitin e kaluar:

    Për të gjithë që morën pjesë në këto aktivitete, faleminderit. Ne mund të vazhdojmë të përmirësohemi vetëm me bashkëpunimin tënd, ndaj vazhdo të lidhesh me ne.

    Zhvillimi i produkteve dhe shërbimeve tona

    Ndërsa mblodhëm përshtypjet nga pritësit vitin e kaluar, dolën tre tema të qarta. Na the se doje më shumë kontrolle dhe mbrojtje, asistencë më të mirë kur të të nevojitej dhe mjete për ta bërë më të lehtë pritjen e vizitorëve.

    Për përmbushjen e këtyre nevojave, prezantuam mbi 150 veçori dhe përmirësime të reja në produktet dhe shërbimet tona. Ja disa shembuj të punës që kemi bërë, të frymëzuar nga kontributi yt:

    Më shumë kontrolle dhe mbrojtje

    • AirCover: Mbrojtje nga A-ja te Zh-ja, falas për çdo pritës vetëm në Airbnb*
    • Zgjidhje të optimalizuara: Një proces i ri u mundëson pritësve rimbursim dëmesh më të thjeshtë dhe më të shpejtë, me përparësi për superpritësit
    • Përmirësime në sistemin tonë të recensioneve: Në përpjekjet e vazhdueshme për të përmirësuar procesin e recensioneve, kemi kufizuar rastet kur vizitorët që anulojnë mund të lënë një recension
    • Tarifat e pastrimit për qëndrimet më të shkurtra: Për më shumë fleksibilitet me çmimet e tua, tani mund të rregullosh tarifën e pastrimit për qëndrimet e shkurtra 1- ose 2-netëshe
    • Shtimi i tarifave për kafshët shtëpiake: Nëse dëshiron të pranosh kafshë shtëpiake, mund të zgjedhësh t'i shtosh një tarifë për kafshët shtëpiake çmimit për natë

    Mbështetje më e mirë

    • Më shumë agjentë, në më shumë gjuhë: Kemi dyfishuar stafin e asistencës globale dhe jemi zgjeruar nga 11 deri në 42 gjuhë
    • Asistencë e dedikuar: Superpritësit dhe udhëheqësit e komunitetit kanë qasje ekskluzive në ekipin profesionist të shërbimit të klientit
    • Një Qendër e rikonceptuar e ndihmës: Një mënyrë më e lehtë për të përdorur Qendrën e ndihmës, me asistencë gjithëpërfshirëse për pritësit dhe vizitorët
    • Një qendër për rregulloret e komunitetit: Rregullore më të qarta dhe më të thjeshta tani në një vend të vetëm brenda Qendrës së ndihmës

    Mjete për lehtësimin e pritjes së vizitorëve

    • Skeda Sot: Një mënyrë e thjeshtë që pritësit të menaxhojnë prenotimet, detyrat e të tjera, të gjitha në një vend të vetëm
    • Kutia e përditësuar e mesazheve: Është më e lehtë se kurrë të menaxhosh komunikimet me vizitorët e tu përmes kërkimit, përgjigjeve të shpejta të personalizuara dhe mesazheve të programuara
    • Informacione për pritjen e vizitorëve: Qendrën e mundësive gjen informacion rreth tendencave të udhëtimeve në afërsi, për të të ndihmuar të përfitosh sa më shumë nga biznesi yt i pritjes së vizitorëve
    • Translation Engine: Tani vizitorët anembanë botës mund të hyjnë automatikisht në përkthimet me cilësi të lartë të listimit tënd, në 62 gjuhë
    • Pamja paraprake e çmimeve për pritësit: Ky mjet të mundëson të ndryshosh lehtësisht tarifat e tua dhe të kontrollosh çmimin e listimit tënd siç shfaqet për vizitorët
    • Rifreskimi i kalendarit:
    • Kalendari në desktop është rikonceptuar dhe është më i lehtë për t'u përdorur, me veçori të reja të dobishme

    Duke bashkëpunuar më ngushtë me pritësit vitin e kaluar, jo vetëm që përmirësuam shërbimet e Airbnb, por i gjithë komuniteti ynë pati gjithashtu një rritje dhe lulëzim, pavarësisht se na u desh të përballeshim me sfidat e pandemisë. Dhe ishin pritësit ata që e udhëhoqën këtë rritje.

    Në nivel global, ke ndërtuar biznese fitimprurëse të pritjes së vizitorëve dhe ke rritur komunitetet e tua duke gjeneruar të ardhura për dyqanet dhe restorantet vendase, si dhe për ata që të ndihmojnë të menaxhosh listimet e tua. Duhet të jesh shumë krenar për këto arritje. E di që jam jashtëzakonisht krenar që jam partneri yt.

    Këtë vit, jemi shumë të gëzuar që po vazhdojmë ta zhvillojmë dhe ta përmirësojmë Airbnb me ty. Partneriteti yt do të na ndihmojë të vazhdojmë të krijojmë versionin më të mirë të mundshëm të shërbimit tonë. Prandaj të ftojmë të vazhdosh të ndash mendimet dhe idetë e tua me ne, të cilat mezi presim t'i dëgjojmë. Si gjithmonë, mund të më etiketosh drejtpërdrejt në Qendrën e komunitetit: @Catherine-Powell.

    Urimet më të mira për një vit të mbarë dhe të suksesshëm në pritjen e vizitorëve për vitin 2022!

    Catherine

    *Mbrojtja e pritësit nga dëmtimet e AirCover, Sigurimi për përgjegjësinë e pritësitdhe Sigurimi për përgjegjësinë gjatë përvojave nuk i mbulojnë pritësit që ofrojnë qëndrime nëpërmjet Airbnb Travel, LLC, ose pritësit në Kinën Kontinentale dhe Japoni, ku zbatohen Plani i mbrojtjes së pritësve në Kinë, Sigurimi për pritësit në Japoni dhe Sigurimi për mbrojtjen gjatë përvojave në Japoni. Mbrojtja e pritësit nga dëmtimet nuk lidhet me Sigurimin për përgjegjësinë e pritësit. Ki parasysh se aplikohen kushte të përgjithshme dhe përjashtime të tjera.

    Informacioni në këtë artikull mund të ketë ndryshuar që nga publikimi.

    Veçantitë

    • Jemi mirënjohës për partneritetin tonë të vazhdueshëm me pritës si ti

    • Ka më shumë mënyra se kurrë për të bashkëpunuar me ne për ndërtimin e Airbnb që dëshiron dhe të nevojitet

    • Mëso se çfarë kërkuan pritësit në vitin 2021 dhe çfarë ndërtuam ne në përgjigjen ndaj tyre

    Catherine Powell
    12 jan 2022
    A ishte e dobishme kjo?