Vazhdo përpara për të hyrë në rezultatet e sugjeruara
    Kjo përmbajtje nuk është e disponueshme në gjuhën që ke zgjedhur, ndaj e kemi bërë të disponueshme në gjuhën më të ngjashme që disponojmë për momentin.

    Përgjigje pyetjeve kryesore rreth procesit të pastrimit me 5 hapa

    Ja se çfarë duhet të dish për procesin e pastrimit të përparuar me 5 hapa.
    Nga Airbnb, më 24 pri 2020
    Lexim 6-minutësh
    Përditësuar më 25 qer 2021

    Veçantitë

    Vizitorët e duan pastërtinë, duke filluar nga produktet që përdor deri te hapat shtesë që po ndërmerr, ata duan të dinë se çfarë po bën për t'i mbajtur ata të sigurt. Dhe nuk janë të vetmit. Zyrtarët qeveritarë dhe politikëbërësit janë përqendruar në praktikat e pastrimit në një përpjekje për të mbrojtur komunitetet e tyre ndërsa rifillojnë udhëtimet dhe komunitetet rihapen.

    Në fillimet e pandemisë, shumë prej jush na kontaktuan duke kërkuar më shumë udhëzime se si t'i pastroni dhe higjienizoni hapësirat tuaja. Kjo ishte një nga kërkesat kryesore në seancat tona të fundit dëgjimore me pritës nga e gjithë bota dhe sugjerimet e pastrimit vazhdojnë të jenë një temë shumë e trajtuar në diskutimet e Qendrës së komunitetit dhe këtu në Qendrën burimore.

    Prandaj zhvilluam procesin e pastrimit të përparuar me 5 hapa, i cili i ndihmon pritësit si ti që të pastrojnë më efektivisht gjatë periudhës së COVID-19 e më pas. Procesi me 5 hapa bazohet në manualin e pastrimit të Airbnb, i cili është hartuar në bashkëpunim me ekspertë. E dimë që është e vështirë të kalosh në një rutinë të re pastrimi, prandaj manuali gjithëpërfshirës përfshin udhëzime të mbështetura nga ekspertë, sugjerime sigurie dhe lista kontrollesh.

    E dimë që mund të kesh pyetje në lidhje me procesin, ndaj kemi bërë më të mirën për t'u përgjigjur këtu.

    Ku mund ta gjej informacionin e pastrimit të përparuar?
    Procesi i pastrimit të përparuar me 5 hapa bazohet në manualin e pastrimit të Airbnb, i cili është hartuar në bashkëpunim me ekspertë. Manuali gjithëpërfshirës përfshin udhëzime të mbështetura nga ekspertët, një listë furnizimesh për të pasur rezervë, sugjerime sigurie dhe lista kontrollesh. Sugjerime shtesë, lista kontrollesh të personalizuara e të tjera mund t'i gjesh në seksionin e pastrimit të skedës Informacione.

    Cili është dallimi midis procesit të pastrimit të përparuar me 5 hapa dhe praktikave të sigurisë për COVID-19?
    Procesi i pastrimit të përparuar me 5 hapa është vetëm një pjesë e praktikave të sigurisë për COVID-19. Edhe pritësit dhe vizitorët duhet të vënë maskë dhe të praktikojnë distancimin social kur bashkëveprojnë personalisht, nëse një gjë e tillë kërkohet nga ligjet ose udhëzimet lokale.

    A zbatohen praktikat e sigurisë për COVID-19 për vizitorët?
    Po, nëse kërkohet nga ligjet ose udhëzimet vendore, praktikat e shëndetit dhe të sigurisë së Airbnb u kërkojnë vizitorëve të mbajnë maskë fytyre dhe një distancë 2 metra kur bashkëveprojnë personalisht me pritësit ose vizitorët e tjerë që nuk janë në grupin e tyre.

    Pse u kërkohet të gjithë pritësve që ta ndjekin këtë proces pastrimi të përparuar me 5 hapa?
    Ndërsa pandemia vazhdon, është e rëndësishme që të gjithë të bëjmë pjesën tonë për të ndihmuar në frenimin e përhapjes së COVID-19. E dimë që mund të jetë e vështirë të ndryshosh rutinën e pastrimit, prandaj kemi përgatitur një manual pastrimi gjithëpërfshirës me udhëzime të mbështetura nga ekspertë, sugjerime sigurie dhe lista kontrollesh.

    Si do ta dinë vizitorët se jam angazhuar me procesin e pastrimit të përparuar me 5 hapa?
    Pasi pritësit të angazhohen me procesin, ky angazhim për pastrimin e përparuar do të shfaqet në faqen e listimit të tyre, në mënyrë që vizitorët të dinë se pritësit kanë rënë dakord të ndjekin një standard të qëndrueshëm pastrimi. Ka disa gjëra që duhet të dish:

    • Në mënyrë që angazhimi i tyre i pastrimit të përparuar të shfaqet në faqen e listimit të tyre, pritësit duhet të bien dakord që të ndjekin procesin e pastrimit të përparuar me 5 hapa për të gjitha listimet e tyre midis çdo qëndrimi të vizitorëve
    • Pritësit e dhomave private duhet të ndjekin udhëzime shtesë si pjesë e procesit të pastrimit
    • Pasi angazhohesh me procesin, angazhimi yt për pastrim të përparuar do të shfaqet në faqen e listimit tënd brenda 24 orësh

    Si do ta verifikojë Airbnb që pritësit po e ndjekin procesin e pastrimit?
    Pritësve u kërkohet të ndjekin procesin e pastrimit të përparuar me 5 hapa. Sistemi ynë i recensioneve ofron kontrolle dhe bilance shtesë, nëse një pritës nuk i ndjek kërkesat dhe vizitorët mund ta përmendin këtë në recensionet e tyre për ambientin. Vizitorët mund të kërkojnë gjithashtu rimbursim për qëndrimin e tyre, nëse kualifikohen sipas Rregullores së rimbursimit të vizitorit, duke kontaktuar Asistencën e klientit.

    Po sikur të mos i vërtetoj kriteret e sigurisë për COVID-19?
    Pritësit që ofrojnë akomodime do të gjejnë një mesazh në aplikacion ose në panelin e veprimeve, i cili do të përfshijë procesin e pastrimit të përparuar me 5 hapa dhe një faqe ku mund të vërtetosh kriteret e sigurisë për COVID-19. Nëse nuk vërteton përmbushjen e kritereve, llogaria jote mund të marrë paralajmërime, të pezullohet dhe në disa raste të hiqet nga Airbnb.

    Po sikur një vizitor të raportojë një pritës që është angazhuar me procesin e pastrimit me 5 hapa, por nuk i respekton standardet?
    Ne besojmë se shumica e problemeve mund të zgjidhen duke i ofruar pritësit më shumë trajnim dhe mbështetje. Megjithatë, pritësit që shkelin në mënyrë të përsëritur ose të rëndë standardet e pastrimit mund të marrin paralajmërime, të pezullohen dhe në disa raste të hiqen nga platforma e Airbnb.

    Ndjekja e procesit të pastrimit me 5 hapa do të kushtojë më shumë për të pastruar. Si do të paguaj për këtë?
    Si pritës, ke mundësinë të shtosh një tarifë pastrimi* në listim, e cila varet plotësisht nga ti. Shtimi i tarifës së pastrimit ose përshtatja e asaj aktuale, nëse e ke një të tillë, mund të ndihmojë në kompensimin e çdo kostoje shtesë për ndjekjen e këtyre kërkesave.

    Jam pritës i një dhome private. A duhet ta ndjek procesin e pastrimit me 5 hapa?
    Po, pritësit e qëndrimeve duhet të ndjekin procesin e pastrimit me 5 hapa. Pasi një pritës angazhohet me procesin, ky angazhim për pastrimin e përparuar do të shfaqet në faqen e listimit të tij. E dimë se pritësit me ambiente të përbashkëta përballen me sfida unike kur bëhet fjalë për pastrimin dhe distancimin social, prandaj kemi përfshirë udhëzime shtesë.

    Kam punësuar një pastrues profesionist. Si të sigurohem që i përmbush kriteret?
    Duhet të ndash me pastruesin profesionist procesin me 5 hapa , manualin e pastrimit dhe materiale të tjera burimore në Qendrën burimore dhe të sigurohesh që të bien dakord që t'i ndjekin standardet. Duhet të pranosh çdo hap në emër të pastruesit tënd dhe të marrësh përgjegjësi që po i ndjek hapat.

    A kërkohet ndonjë interval midis prenotimeve nëse angazhohem për procesin e pastrimit të përparuar me 5 hapa?
    Ki parasysh se duke u angazhuar në procesin e pastrimit me 5 hapa, pranon se do të respektosh ligjet vendore. Kjo përfshin respektimin e çdo udhëzimi shtesë për sigurinë dhe pastrimin nga agjencia jote shtetërore përkatëse, si p.sh. koha që duhet pritur para hyrjes në një ambient. Për shembull, Qendrat Amerikane për Kontrollin dhe Parandalimin e Sëmundjeve sugjerojnë pritjen sa më gjatë të jetë e mundur (të paktën disa orë) pas largimit të vizitorit. Nëse doni të vendosni një interval midis rezervimeve, mund ta bëni këtë te cilësimet tuaja. Lënia e kohës shtesë midis qëndrimeve nuk zvogëlon thjesht rrezikun e ekspozimit ndaj mikrobeve, por të jep edhe më shumë kohë pas çdo vizitori për pastrimin, higjienizimin dhe bërjen gati të hapësirës.

    Organizoj një Përvojë në Airbnb. A ke kërkesa pastrimi edhe për mua?
    Po. Për ata që presin vizitorë në një vend ose rajon ku përvojat me pjesëmarrje fizike kanë rifilluar, kemi krijuar një sërë udhëzimesh për pastrimin dhe rekomandime për shëndetin dhe sigurinë, veçanërisht për ty.

    Përveç kritereve, a ke udhëzime shtesë për pritjen e vizitorëve dhe udhëtimet gjatë periudhës së COVID-19?
    Përveç praktikave të sigurisë për COVID-19, ja hapat e tjerë që pritësit dhe vizitorët duhet të ndërmarrin kur presin vizitorë dhe kur udhëtojnë gjatë kësaj kohe:

    • Laj duart shpesh dhe mos e prek fytyrën në asnjë moment
    • Mos udhëto dhe mos prit vizitorë nëse je ekspozuar së fundmi ndaj COVID-19 ose ke simptoma të tij
    • Për më shumë informacion, lexo udhëzimet e shëndetit dhe të sigurisë për pritësit dhe vizitorët dhe sigurohu që të ndjekësh çdo kriter përkatës vendor

    Si mund të përditësohem me ligjet dhe udhëzimet vendore?
    Situata vazhdon të zhvillohet dhe rregulla apo rekomandime të caktuara (si p.sh. koha që duhet pritur para hyrjes në një ambient) mund të ndryshojnë në varësi të vendit ku pret vizitorë. Ruaj në faqeshënues artikullin e Qendrës së ndihmës për më shumë informacione rreth ligjeve dhe udhëzimeve të pastrimit në rajonin tënd. Mund t'i referohesh gjithashtu kësaj faqeje burimore për përditësime lidhur me këshillat zyrtare të udhëtimit, kufizimet dhe udhëzimet për maska dhe distancim social në zonën tënde.

    Shpresojmë që këto materiale burimore të jenë të dobishme ndërsa modifikon rutinën tënde të pastrimit. E vlerësojmë kujdesin që po marrin pritësit për të ndihmuar në garantimin e sigurisë dhe rehatisë së vizitorëve gjatë kësaj periudhe të vështirë.


    Informacioni në këtë artikull mund të ketë ndryshuar që nga publikimi.

    *Përjashtuar pritësit që ofrojnë akomodime në Kinën kontinentale. Mëso më shumë

    Veçantitë

    Airbnb
    24 pri 2020
    A ishte e dobishme kjo?