Si të caktosh një tarifë pastrimi

E kuptojmë se vendosja e çmimit është një nga aspektet më të vështira të pritjes së vizitorëve. Çmimi për natë dhe çdo tarifë shtesë duhet të gjejnë një ekuilibër midis mbulimit të kostove të pritjes së vizitorëve dhe ofrimit të raportit më të mirë cilësi-çmim për vizitorët.

Qëndrimi në një hapësirë të pastër është përparësi kryesore për vizitorët. Tarifa e pastrimit mund të të ndihmojë të paguash për produktet e tua të pastrimit ose për një shërbim pastrimi profesional. 

Kur vendos një tarifë pastrimi, ki parasysh se ajo e rrit çmimin total të një qëndrimi. Për qëndrimet më të shkurtra, tarifa përbën një pjesë më të madhe të çmimit total se sa për qëndrimet më të gjata.

Për të tërhequr më shumë prenotime, përpiqu ta mbash çmimin tënd total konkurrues. Përdor mjetet e çmimeve në kalendar për të zbuluar koston totale të listimit për data dhe lloje të ndryshme udhëtimesh. Tarifat e larta të pastrimit mund t'i dekurajojnë vizitorët që të prenotojnë ambientin tënd.

Ja disa alternativa që duhen marrë parasysh:

• Shto një tarifë standarde pastrimi për të gjithë vizitorët, pavarësisht kohëzgjatjes së qëndrimit të tyre.
• Shto një tarifë më të ulët pastrimi për qëndrimet e shkurtra prej vetëm një ose dy netësh dhe mbaj tarifën standarte të pastrimit për të gjitha qëndrimet e tjera.
• Shtoji të gjitha kostot e pastrimit të plota ose një pjesë të tyre në çmimin për natë për të mbetur konkurrues.

Është e rëndësishme që të menaxhosh pritshmëritë lidhur me atë që përfshijnë tarifat e pastrimit. Vizitorët na janë shprehur se nuk duan të bëjnë punë të paarsyeshme, si heqja e shtrojave nga krevatet, larja e rrobave dhe pastrimi me fshesë me korrent.

Është e arsyeshme t'u kërkosh vizitorëve të bëjnë gjëra të thjeshta në momentin e largimit, si fikja e dritave, hedhja e ushqimit në plehra dhe kyçja e dyerve dhe dritareve.

Nëse po mendon të shtosh një tarifë pastrimi, ja disa nga praktikat më të mira:

• Përdore tarifën për të mbuluar kostot reale të pastrimit, jo si një mënyrë për të fituar para shtesë.
• Vendos një tarifë më të ulët se çmimi për natë.
• Konsidero nëse ka ndonjë mënyrë tjetër për të rikuperuar kostot e pastrimit, si për shembull të kërkosh zbritjen e taksës.
• Përpiqu të blesh materiale pastrimi me shumicë, pasi me kalimin e kohës mund të të kushtojë më pak.
• Nëse je një pritës i ri, do të ishte mirë që para se të shtosh tarifën e pastrimit, të presësh derisa të kesh marrë disa recensione të shkëlqyera, për të tërhequr vizitorë.

Mbrojtja e pritësit nga dëmtimet, si pjesë e AirCover për pritësit, mund të të rimbursojë për kostot deri në 3 milionë USD në rastin e rrallë të dëmtimit të një ambienti ose të sendeve të tua personale nga një vizitor gjatë një qëndrimi në Airbnb. Në raste të caktuara, ajo paguan edhe për shërbime shtesë pastrimi, duke përfshirë heqjen e njollave dhe aromave të tymit. 

Mund të kërkosh rimbursim përmes Qendrës së zgjidhjes së problemeve.

Mbrojtja e pritësit nga dëmtimet në kuadër të AirCover për pritësit, Sigurimi për përgjegjësinë e pritësit dhe Sigurimi për përgjegjësinë gjatë përvojave nuk i mbulojnë pritësit që ofrojnë qëndrime ose përvoja në Japoni, ku janë të vlefshme Sigurimi për pritësit në Japoni dhe Sigurimi për mbrojtjen gjatë përvojave në Japoni, ose pritësit që ofrojnë qëndrime përmes Airbnb Travel LLC. Për pritësit që kanë ofruar qëndrime ose përvoja në Kinën kontinentale, është i vlefshëm Plani për mbrojtjen e pritësve në Kinë. Ki parasysh se të gjitha shumat limit të mbulimit jepen në USD.

Për listimet në shtetin e Uashingtonit, detyrimet kontraktuale të Airbnb për Mbrojtjen e pritësit nga dëmtimet mbulohen nga një policë sigurimi e blerë nga Airbnb. Mbrojtja e pritësit nga dëmtimet nuk lidhet me Sigurimin për përgjegjësinë e pritësit. Sipas Mbrojtjes së pritësit nga dëmtimet, ti rimbursohesh për dëme të caktuara që vizitorët i shkaktojnë banesës dhe sendeve të tua personale, nëse ata nuk paguajnë për këto dëme. 

Për pritësit me banim ose seli jashtë Australisë, Mbrojtja e pritësit nga dëmtimet është subjekt i kushteve të përgjithshme dhe kufizimeve. Për pritësit me banim ose seli brenda Australisë, Mbrojtja e pritësit nga dëmtimet është subjekt i këtyre kushteve të përgjithshme dhe kufizimeve.

Informacioni në këtë artikull mund të ketë ndryshuar që nga publikimi.