Planifiko përpara për emergjencat e motit

Të përgatitesh për motin e keq, të ndihmon të mbrosh veten, vizitorët dhe pronën tënde.

Organizata për ndihmë dhe zhvillim "Americares" e fokusuar në shëndetësi ofron këto sugjerime për të mbështetur vizitorët dhe për të zvogëluar dëmtimin e pronës gjatë uraganeve, tornadove dhe valëve të të nxehtit.

Vizitorët mund të mos e njohin klimën lokale dhe të mos dinë çfarë të bëjnë në rastet e emergjencave për shkak të motit.  Ja disa mënyra për t'i mbështetur atasipas organizatës "Americares".

Shkruaji ose printoi informacionet e rëndësishme dhe vendosi në një vend të dukshëm.

• Kontaktet për emergjenca: Listo numrat e telefonit për policinë, zjarrfikësit dhe shërbimet e ambulancës së bashku me linjën kombëtare të urgjencës (si 911, 999 ose 112).
• Adresa e pronës: Jep adresën e plotë të rrugës së ambientit tënd, kryqëzimet kryesore ose pikat e referimit dhe emrin e lagjes, rrethit ose zonës.
• Streha në rast stuhish: Ki parasysh se ku të strehohesh gjatë një tornadoje ose uragani, si bodrumi ose një dhomë e brendshme pa dritare ose baxho 
• Harta e zonës: Identifiko rrugët e mundshme të evakuimit, strehëzat e evakuimit të komunitetit dhe qendrat e ftohjes. Ki parasysh se në cilat vende lejohen kafshët shtëpiake.

Jep informacione për motin sezonal në listim, mesazhet dhe rregulloren e anulimit.

• Rregullat e shtëpisë: Shto detajet bazë për motin sezonal të zonës. Për shembull, "Sezoni i uraganeve është zakonisht nga qershori deri në nëntor. Ndiq raportet e motit dhe udhëzimet e dhëna nga zyrtarët vendas."
• Përgjigjet e shpejta dhe mesazhet e programuara: Përdor mjetet në skedën "Mesazhet" për të ruajtur sugjerimet që mund të ndash kur parashikohet moti i keq. Për shembull, mund të krijosh një përgjigje të shpejtë duke sugjeruar se ku të freskohesh gjatë një vale të nxehti.
• Rregullorja e anulimit: Moti i keq mund të paraqesë rreziqe shtesë për ambientet pa ajër të kondicionuar dhe qëndrime unike si kamperë, tenda dhe shtëpi mbi pemë. Ofrimi i rregullores fleksibël të anulimit u jep vizitorëve më shumë mundësi për të planifikuar sipas parashikimeve të motit.

Rregullorja e anulimit që zgjedh për listimin tënd në përgjithësi përcakton rimbursimet e vizitorëve për rezervimet e anuluara, përveç rasteve kur ti dhe vizitori bini dakord ndryshe. Nëse një ngjarje në shkallë të gjerë në vendndodhjen e rezervimit parandalon ose ndalon ligjërisht përfundimin e një rezervimi, mund të zbatohet Rregullorja e ngjarjeve shqetësuese madhore të Airbnb. 

Kur zbatohet Rregullorja e ngjarjeve shqetësuese madhore, mund të anulosh një rezervim pa tarifa ose pasoja negative dhe kalendari i listimit do të bllokohet për ato data. Vizitorët, rezervimet e të cilëve ndikohen nga kjo gjë, munden gjithashtu të anulojnë ose të marrin rimbursim të plotë. Nëse ti ose vizitorët anuloni një rezervim që mbulohet nga rregullorja, nuk do të merrni një shlyerje pagese.

Organizata "Americares" sugjeron t'u dërgosh mesazhe vizitorëve për paralajmërimet për motin. Mund t'u kujtosh atyre burimet lokale dhe të ndash sugjerime për t'u mbrojtur gjatë qëndrimit të tyre.

Përmirësimet rezistente ndaj motit mund të ndihmojnë në zvogëlimin e dëmtimit të pronës gjatë një uragani ose tornadoje dhe ta bëjnë ambientin tënd më të rehatshëm gjatë një vale të nxehti. Organizata "Americares" rekomandon këto hapa për mirëmbajtjen dhe sigurimin e ambientit.

Informacioni në këtë artikull mund të ketë ndryshuar që nga publikimi.