Vazhdo përpara për të hyrë në rezultatet e sugjeruara
    Kjo përmbajtje nuk është e disponueshme në gjuhën që ke zgjedhur, ndaj e kemi bërë të disponueshme në gjuhën më të ngjashme që disponojmë për momentin.

    Si të mirëpresësh vizitorët e tu të parë

    Ja se si të krijosh një përvojë të shkëlqyer me vizitorët, herën e parë dhe gjithmonë.
    Nga Airbnb, më 20 nën 2019
    Lexim 7-minutësh
    Përditësuar më 9 qer 2021

    Veçantitë

    • Udhëzimet e përditësuara të regjistrimit mund ta bëjnë mbërritjen më të lehtë për vizitorët

    • Duke e mbajtur ambientin pastër ndihmon në ofrimin e një përvoje të shkëlqyer për vizitorët

    • Vizitorët mund të ndihen më të mbështetur, nëse tregon disponueshmëri

    • Zbulo më shumë në udhëzuesin e plotë se si t'i kënaqësh vizitorët e tu të parë

    Mund të ndihesh pak në siklet para mbërritjes së vizitorëve të tu të parë. "Isha shumë e emocionuar, por edhe shumë në siklet" - thotë pritësja Colleen nga Richmond, Kanada. Por shpejt ajo zbuloi se sa argëtuese dhe shpërblyese mund të jetë të presësh vizitorë. "Nuk mund të kishte përvojë më të mirë! Ata janë kthyer çdo vit dhe janë bërë miq shumë të mirë.”

    Do të krijosh një përvojë fantastike për vizitorët e tu të parë e jo vetëm? Lexo këtë udhëzues me pesë hapa.

    Hapi 1: Komuniko menjëherë dhe shpesh

    Mirëpritja e vizitorëve fillon që përpara se të hyjnë në derë. Duke iu përgjigjur shpejt mesazheve të vizitorëve, u bën atyre të ditur se interesohesh për nevojat e tyre. Këto biseda paraprake janë gjithashtu një mundësi shumë e mirë për të përcaktuar pritshmëritë. Disa sugjerime të dobishme:

    • Sinqeriteti mbi gjithçka. Vizitorët mund të kenë humbur detaje të rëndësishme në listimin tënd. Mos do ishte mirë t'i kujtoje se do të ketë kafshë shtëpiake, vizitorë të tjerë ose anëtarë të familjes në hapësirat e përbashkëta të banesës?
    • Përgjigju në mënyrë sa më praktike. Mund të përdorësh mesazhet e Airbnb ose aplikacionin për t'iu përgjigjur vizitorëve, qoftë nga shtëpia apo në lëvizje.
    • Vepro paraprakisht. Nëse ke ndërmend t'u dërgosh informacione të ngjashme shumë vizitorëve të ndryshëm, kurse kohë duke përdorur përgjigjet e shpejta (më parë të quajtura mesazhe të ruajtura).

    Hapi 2: Lehtësoje mbërritjen dhe regjistrimin e vizitorëve

    Mund t'u përgjigjesh pyetjeve të zakonshme dhe të mundësosh një mbërritje të qetë për vizitorët duke plotësuar të gjitha fushat në seksionin "informacion për vizitorët" në skedën "Listimet", duke përfshirë udhëzimet për të arritur në hapësirën tënde, udhëzimet e regjistrimit dhe wifi. Ky informacion do t'u mundësojë vizitorëve të regjistrohen pa probleme. Ai do të përdoret gjithashtu për plotësimin e udhëzuesit të mbërritjes, i cili do të shfaqet në krye të skedave "Udhëtimet" të vizitorëve 48 orë para regjistrimit.

    Hapi 3: Mbaji gjërat pastër dhe me rregull

    Një hapësirë e pastër është një hapësirë ftuese. Nëse vizitorët gjejnë shenja pluhuri në dhomën e gjumit ose njolla ushqimi në kuzhinë, kjo mund të jetë gjithçka që do të mbajnë mend nga hapësira jote. Edhe gjetja e flokëve lart e poshtë është ndjesi shumë e pakëndshme dhe prania e shumë sendeve personale do ta bëjnë hapësirën të duket rrëmujë. Sigurohu që t'i kushtosh vëmendje të veçantë çarçafëve, peshqirëve, dyshemesë dhe banjave.

    Hapi 4: Parashiko nevojat e vizitorëve

    Çdo vizitor është i ndryshëm, por shumica presin të kenë në dispozicion menjëherë disa artikuj dhe informacione të caktuara. Konsidero:

    • Të furnizosh ambientin me artikujt bazë, si peshqirë, çarçafë, sapunë dhe letër higjienike
    • Të përditësosh manualin e shtëpisë për t'u ofruar vizitorëve informacion të rëndësishëm rreth hapësirave që nuk mund t'i përdorin, udhëzime për pajisjet, wifi etj.
    • Të krijosh një udhëzues me restorantet e tua të preferuara, dyqanet ushqimore, kafenetë e të tjera
    • Të tregosh disponueshmërinë tënde me mesazhe, me telefon ose me email në rast se diçka shkon keq
    • Nëse do të jesh në udhëtim, të vësh në dispozicion numrin e telefonit të një hidrauliku, të një ustai, të teknikut të asistencës për internetin dhe shërbimit televiziv kabllor ose të një fqinji

    Hapi 5: Jep dhe merr recensione

    Recensionet e tua të para janë vendimtare për suksesin tënd në Airbnb. Vlerësimi mesatar me yje do të shfaqet në listimin tënd pasi të kesh marrë tre recensione dhe mund të ndikojë në mënyrën se si renditesh në rezultatet e kërkimit.

    Do të kesh gjithashtu mundësinë të recensosh vizitorët. Ruaj një qasje të ndershme dhe të respektueshme.

    "Të shkruash recensione për vizitorët është po aq e rëndësishme sa përgatitja e dhomës për ta," - thonë Beverlee dhe Suzie nga Oakland, Kaliforni. "Po i jep mundësinë një pritësi tjetër të vendosë nëse do t'i presë ata apo jo." Procesi i recensimit ndihmon në ndërtimin e besimit për vizitorët dhe pritësit, duke krijuar një përvojë më të mirë për gjithë komunitetin e Airbnb.

    Veçantitë

    • Udhëzimet e përditësuara të regjistrimit mund ta bëjnë mbërritjen më të lehtë për vizitorët

    • Duke e mbajtur ambientin pastër ndihmon në ofrimin e një përvoje të shkëlqyer për vizitorët

    • Vizitorët mund të ndihen më të mbështetur, nëse tregon disponueshmëri

    • Zbulo më shumë në udhëzuesin e plotë se si t'i kënaqësh vizitorët e tu të parë
    Airbnb
    20 nën 2019
    A ishte e dobishme kjo?